چکمگلورو: دوسرے مرد سے ناجائز رشتے کا شاخسانہ۔ بیوی کے کٹے سر کے ساتھ شوہرپہنچا پولیس اسٹیشن 

Source: S.O. News Service | By Shahid Mukhtesar | Published on 11th September 2018, 7:53 PM | ساحلی خبریں | ریاستی خبریں |

چکمگلورو11؍ستمبر (ایس او نیوز) کسی دوسرے مرد کے ساتھ اپنی بیوی کے ناجائز جنسی رشتے سے پریشان شوہر نے مشتعل ہو کر پہلے بیوی کا سر تن سے جدا کردیا اور پھر کٹے ہوئے سر کے ساتھ 20کلو میٹر کی دوری پر واقع پولیس اسٹیشن میں پہنچ کر خود کو پولیس کے حوالے کیا۔

موصولہ رپورٹ کے مطابق تریکیرے تعلقہ کے شیوانی نامی گاؤں میں ستیش نامی شخص نے اپنی بیوی روپا کا سر کاٹنے کی یہ خوفناک واردات انجام دی ہے۔کہتے ہیں کہ ستیش بنگلورو میں بہت عرصے تک ڈرائیور کے بطور کام کررہا تھا۔ پھر وہ اپنے گاؤں میں گوشت کی دکان چلانے لگا۔ روپا نامی خاتون کے ساتھ عشق ہوجانے کے بعد ان دونوں نے 9 سال قبل شادی کرلی تھی۔ان کے دو بچے بھی ہیں۔

اس دوران روپا نے کسی اور شخص کے ساتھ جنسی تعلقات پید اکرلیے۔ اس بات پر دونوں کے درمیان بار بار جھگڑا ہوتا رہا۔ بات پولیس اسٹیشن تک بھی پہنچی۔ خاندان کے بڑوں نے مداخلت کرتے ہوئے دونوں کے درمیان مفاہمت کی اور انہیں پیار ومحبت کے ساتھ رہنے کی تاکید کی۔ لیکن روپا نے اپنی عادت نہیں بدلی اور اپنے ناجائز تعلقات جاری رکھے۔ 

بتایا جاتا ہے کہ اتوار کی رات کو جب دکان بند کرکے ستیش گھر پہنچا تو اپنی بیوی کو عاشق کے ساتھ مشغول دیکھ کر وہ بے حد مشتعل ہوگیا۔ اس نے چاپر سے بیوی کے عاشق پر حملہ کرنے کی کوشش کی مگر وہ شخص اپنے آپ کو بچاکر فرار ہونے میں کامیاب ہوگیا۔ تب ستیش نے پلٹ کر بیوی کو پکڑلیا اور اس کا سر تن سے جداکرڈالا۔ پھرکٹے ہوئے سر کو ایک تھیلی میں رکھ کر اپنی موٹر بائک پر سوار ہو ااور گاؤں سے 20کلو میٹر کی دوری پر واقع اجمپورا پولیس اسٹیشن پہنچا۔ اورکٹا ہوا سر پولیس کے سامنے پیش کرتے ہوئے خود کو پولیس کے حوالے کیا۔

پولیس نے ملزم کو گرفتار کرلیا ہے اور کیس کی مزید تحقیقات جاری ہے۔

ایک نظر اس پر بھی

بھٹکل :شرالی تٹی ہکل پرائمری اسکول کی پلاٹنیم جوبلی : ابنائے قدیم کے لئے کھیل مقابلوں کا انعقاد

تعلقہ کی شرالی تٹی ہکل سرکاری ہائر پرائمری اسکول کی پلاٹنیم جوبلی کے موقع پر اسکول کے ابنائے قدیم کے لئے کھیل مقابلوں کا انعقادکیا گیا ۔پلاٹنیم  جوبلی کمیٹی کے صدر وکیل سنتوش نائک نے تٹی ہکل میدان میں کھیل کی مشعل کو روشن کرتے ہوئے کھیل مقابلوں کا افتتاح کیا۔

گوا میں بیرونی مچھلیوں کی درآمد پر لگی پابندی سے کاروار، ملپے میں مچھلیاں سستی تو منگلورو میں ہوگئیں مہنگی !

جب سے گوا کی حکومت نے فارمولین کے مسئلے پر بیرونی ریاستوں سے مچھلیوں کی درآمد پر پابندی رکھی ہے اور کچھ قانونی شرائط لاگو کی ہیں، تب سے ساحلی کرناٹکا کے شہروں میں اس کا کچھ ملا جلا اثر دکھائی دے رہا ہے۔

ساحلی کرناٹکا پر طوفان’گجا‘ کی دستک۔ جنوبی کینرا میں بارش۔ منڈگوڈ میں بجلی گرنے سے ایک ہلاک۔مزید دو دنوں تک بارش ہونے کی پیش گوئی

تملناڈو میں تباہی مچانے کے بعد طوفان ’گجا‘ نے ساحلی کرناٹک پر دستک دی ہے۔ضلع جنوبی کینرا اور اڈپی کے کئی مقامات پر اتوار کی شام سے بھاری برسات ہونے کی اطلاع ملی ہے

بجلی گرنے سے منڈگوڈ میں ایک خاتون ہلاک؛ دو دیگر شدید زخمی

تعلقہ کے ارشینگری میں بادلوں کی گرجدار آواز کے ساتھ گرنے والی ایک بجلی کی زد میں آکر ایک خاتون کی موقع پر ہی موت واقع ہوگئی جس کی شناخت ہیمنپّا لمانی (52) کی حیثیت سے کی گئی ہے۔ واقعے میں دو دیگر زخمی ہوئے ہیں جنہیں  منڈگوڈ تعلقہ اسپتال میں داخل کیا گیا ہے۔

گوا میں بیرونی مچھلیوں کی درآمد پر لگی پابندی سے کاروار، ملپے میں مچھلیاں سستی تو منگلورو میں ہوگئیں مہنگی !

جب سے گوا کی حکومت نے فارمولین کے مسئلے پر بیرونی ریاستوں سے مچھلیوں کی درآمد پر پابندی رکھی ہے اور کچھ قانونی شرائط لاگو کی ہیں، تب سے ساحلی کرناٹکا کے شہروں میں اس کا کچھ ملا جلا اثر دکھائی دے رہا ہے۔

بیلگاوی میں احتجاج کے دوران کسان سورنا سودھا میں گھس گئے، وزیر اعلیٰ کی مداخلت کے بعد گرفتار شدہ افراد کی رہائی ، 20؍نومبر کو بنگلورو میں میٹنگ

شمالی کرناٹک کے بیلگاوی ضلع میں  گناہ اگانے والے کسانوں نے احتجاج کیا اور سوورنا سودھا کے احاطہ میں گنا سے لدی لاریوں کو زبردستی گھسا کر حکومت کے خلاف نعرے لگائے ۔ پولیس نے کارروائی کرتے ہوئے 10؍ کسان لیڈروں کو گرفتار کر لیا ہے اور ان کےخلاف ایف آئی آر درج کردیا ۔

سنجے دت کے ہاتھوں19نومبرکواڈاپٹ فٹنس کا افتتاح، بنگلورو کا بین الاقوامی معیار پر مشتمل سب سے بڑا فٹنس سنٹر عوام کے لئے دستیاب

شہر کے فریزر ٹاؤن میں صحت اور فٹنس کو عام کرنے کے لئے عالمی معیار کی سہولتوں سے لیس ہندوستان کی سب سے بڑی اور خوبصورت جم اڈاپٹ فٹنس کا افتتاح 19نومبر کی شام منعقد کیا گیا ہے۔