جی ٹی دیوے گوڈا اور پٹ راجو کومنا نے کمار سوامی کی کوشش ناراض وزراء سے میسور کے انفوسیس گیسٹ ہاؤز میں وزیر اعلیٰ کی ملاقات

Source: S.O. News Service | By Shahid Mukhtesar | Published on 11th June 2018, 11:09 AM | ریاستی خبریں |

میسور 10 جون (ایس او نیوز؍پیر پاشاہ ) ریا ستی جنتا دل ( یس ) کے صدر شری ایچ ڈی کمار سوامی کی قیادت میں جب سے ریاست کرناٹک میں کانگریس اور جنتا دل ( یس ) کی مخلوط حکومت قائم ہوئی ہے ، وزیر اعلیٰ کمارسوامی کو کوئی نہ کوئی مسئلہ پریشان کررہا ہے ایک طرف کانگریس کے چند اراکین کو کابینہ میں شامل نہ کئے جانے کے معاملے کو لیکر رکن اسمبلی یم بی پاٹل اور دوسرے چند اراکین اسمبلی نے کانگریس ہائی کمان کے خلاف بغاوت کا جھنڈا بلند کردیا ہے اور دوسری جانب جنتا دل ( یس ) کے دو وزراء میسور کے حلقہ چامنڈیشوری کے رکن اسمبلی جی ٹی دیوے گوڈا اور میلکوٹے کے رکن اسمبلی سی یس پٹ راجو معمولی قلمدان دئے جانے کے معاملے کو لے کر اپنی ناراضی ظاہر کررہے ہیں۔

ان دونوں ناراض وزراء ریاستی وزیر برائے اعلیٰ تعلیم جی ٹی دیوے گوڈااور ریاستی وزیر برائے چھوٹی آبپاشی سی ا یس پٹ راجو کو منانے بروز ہفتہ میسور کے انفوسیس گیسٹ ہاؤز میں وزیر اعلیٰ کمار سوامی نے ملاقات کی ۔ کمار سوامی اپنے بیٹے نکھل گوڈا کی کنڑا فلم کی شوٹنگ کے سلسلے میں ہفتے کی رات میسور پہنچے تھے اوروہ سیدھے میسور کے مضافات میں واقع انفوسیس گیسٹ ہاؤز روانہ ہوگئے۔ تھوڑی دیر بیٹے کی شوٹنگ میں موجود رہنے کے بعد وزیر اعلیٰ کمار سوامی دونوں ناراض وزراء کو گیسٹ ہاؤز طلب کیا ۔ صرف سی یس پٹ راجو گیسٹ ہاؤز پہنچ کر وزیر اعلیٰ کمار سوامی سے ملاقات کی۔ ایک اور ناراض وزیر جی ٹی دیوے گوڈا کورگ ضلع میں قیام کئے ہوئے ہیں۔

کمار سوامی نے بذریعہ ٹیلی فون جی ٹی دیوے گوڈا سے بات کی اور انہیں بروز پیر بنگلور میں ملاقات کرنے کے لئے کہا۔ ناراض وزیر سی یس پٹ راجو سے بات کرتے ہوئے کمار سوامی نے کہا کہ جی ٹی دیوے گوڈا اور سی یس پٹ راجو دونوں میرے قریبی دوست ہوتے ہوئے میرے خلاف ناراضی کا اظہار کرسکتے ہیں۔ فرقہ پرست بھارتیہ جنتا پارٹی کے قائدین سنجیدگی کے ساتھ ان تمام کارروائیوں کو دیکھ رہے ہیں اور موقع کی تاک میں ہیں موقع ملنے پر وہ موجودہ ریاستی حکومت کو گرانے کی کوشش میں لگے ہوئے ہیں۔ جواب میں سی یس پٹ راجو نے کمار سوامی کو بتایا کہ قلمدان کو لے کر مجھے کوئی ناراضی نہیں ہے بلکہ میرے حمایتی اس قلمدان کو قبول نہ کرنے مجھ پر دباؤ ڈال رہے ہیں۔ میں چھوٹی آبپاشی کا قلمدان آسانی کے ساتھ سنبھال سکتا ہوں۔ جنتا دل ( یس ) کے قومی صدر ہچ ڈی دیوے گوڈا نے بذریعہ ٹیلی فون جی ٹی دیوے گوڈا سے بات کی اور انہیں سمجھایا۔ اطلاع کے مطابق جی ٹی دیوے گوڈا اتوار کی دیر رات تک میسور پہنچ جائیں گے اور بروز پیر وہ بنگلور پہنچ کر وزیر اعلیٰ سے ملاقات کریں گے۔ 

ایک نظر اس پر بھی

مسلمانوں کے خلاف اشتعال انگیز بیانات دینے والوں کی بھاری اکثریت کے ساتھ جیت

مسلمانوں کے خلاف ہمیشہ اشتعال انگیز بیانات دینے والوں کو اس مرتبہ لوک سبھا انتخابات میں بھاری اکثریت کے ساتھ کامیابی حاصل ہوئی ہے۔ اترکنڑا لوک سبھا حلقے کے بی جے پی اُمیدوار اننت کمار ہیگڈے جنہوں نے کہا تھا کہ جب تک اسلام رہے گا دہشت گردی رہے گی،اسی طرح انہوں نے  دستور کی ...

سدانندگوڈا، پربلاد جوشی، سریش انگڑی، شیوکمار اداسی مرکزی وزارت کی دوڑ میں ایڈی یورپا، شوبھا کے حق میں، نرملا سیتارامن کونیااہم قلمدان ملنے کی توقع

مرکزی وزیر برائے اسٹاٹسٹکس اور پروگرام اپلی منٹیشن، ڈی وی سدانندگوڈا،ہبلی- دھارواڈ لوک سبھا رکن پربلاد جوشی،بلگام سے رکن پارلیمان سریش انگڑی اور ہاویری رکن پارلیمان شیوکمار اداسی اب کرناٹک سے مرکزی وزارت کے لئے دوڑ میں سب سے آگے ہیں -

ایچ کے پاٹل نے راہل گاندھی کو بھیجا استعفیٰ

ریاست میں کانگریس کے تشہیری مہم کمیٹی کے صدر ایچ کے پاٹل نے لوک سبھا انتخابات میں ریاست میں پارٹی کی شکست کی اخلاقی ذمہ داری لیتے ہوئے اپنے عہدے سے استعفی دینے کی پیشکش کی ہے۔

کرناٹک میں جے ڈی ایس مخلوط حکومت کو مستحکم رکھنے کانگریس خواہاں؛ تمام وزراء نے کیا کمارسوامی کی قیادت پر اظہار اعتماد

لوک سبھا انتخابات میں کانگریس جے ڈی ایس اتحاد کی بدترین ناکامی کا آج وزیراعلیٰ ایچ ڈی کمار سوامی کی طرف سے طلب کی گئی غیر رسمی کابینہ میٹنگ میں جائزہ لیاگیا، اور طے کیاگیا کہ اس شکست سے مایوس ہوکر بیٹھنے کی بجائے آنے والے دنوں میں مخلوط حکومت کو اور متحرک اور مستحکم کرنے کے ...