پٹرول ڈیزل کی بڑھتی ہوئی قیمتوں اور بے روزگاری پرپی چدمبرم کا مودی حکومت پر حملہ

Source: S.O. News Service | By Shahid Mukhtesar | Published on 12th June 2018, 12:39 PM | ملکی خبریں |

نئی دہلی12؍جون(ایس او نیوز؍آئی این ایس انڈیا)کانگریس کے سینئر لیڈر اور سابق وزیر خزانہ پی چدمبرم نے پیر کو تیل کی قیمتوں کو لے کر مرکز کی مودی حکومت پر حملہ بولا۔ انہوں نے سوال کیا کہ حکومت تیل کی بڑھتی ہوئی قیمتوں پر لگام لگانے کے لئے اس جی ایس ٹی کے تحت کیوں نہیں لاتی؟ اس کے ساتھ ہی انہوں نے مودی حکومت پر معیشت کی حالت خراب کرنے کا الزام بھی لگایا۔چدمبرم بولے کہ تازہ صورتحال حکومت کی پالیسی غلطیوں اور غلط فیصلوں کی وجہ سے پیدا ہوئی ہے۔چدمبرم نے زراعت، جی ڈی پی، روزگار، کاروبار اور معیشت کے کچھ دوسرے معیار کی بنیاد پر حکومت کو گھیرا۔سابق وزیر خزانہ نے یہ بھی کہا کہ پٹرول، ڈیزل اور ایل پی جی کی قیمتوں میں اضافہ کی وجہ سے ملک میں غصہ ہے۔پٹرول ڈیزل پر چدمبرم نے کہاکہ اگر آپ تیل کو جی ایس ٹی کے اندر لاتے ہیں تو اس کی قیمت کم ہو جائے گی۔مرکز میں بی جے پی حکومت ہے، زیادہ تر ریاستوں میں بھی وہی ہیں۔ایسے میں ریاستوں پر الزام کیوں ڈالا جا رہا ہے؟ ان کے پاس اکثریت ہے، انہیں تیل کو جی ایس ٹی کے تحت لانا چاہئے۔بے روزگاری کے مسئلے پر حکومت کو گھیرتے ہوئے چدمبرم نے کہا کہ اچھے دن وعدے کے تحت ہر سال دو کروڑ ملازمتوں کا وعدہ کیا گیا تھا، لیکن چند ہزار روزگار ہی پیدا کئے گئے۔انہوں نے پوچھا کہ لیبر بیورو کے سروے (اکتوبر-دسمبر، 2017) کا ڈیٹاجاری کیوں نہیں کیا گیا۔کسانوں کا ذکر کرتے ہوئے چدمبرم نے کہا کہ کسان ان سے کئے وعدے پورا نہ ہونے کی وجہ سے مظاہرہ کر رہے ہیں۔ وہ بولے کم از کم امدادی قیمت کے مطابق پیداوار کے دام نہیں مل رہے ہیں۔ہر کسان جانتا ہے کہ لاگت سے 50 فیصد سے زیادہ کی بات جملہ ہے۔انہوں نے کہا کہ ریزرو بینک کے سروے کے مطابق 48 فیصد لوگوں نے مانا کہ معیشت کی حالت خراب ہوئی ہے۔چدمبرم نے کہاکہ عالمی سطح پر معیشت کا اثر کسی حد تک ملک کی معیشت پر ہوتا ہے، لیکن ان دنوں امریکہ کی معیشت اچھا کر رہی ہے۔یورپ میں صورتحال ٹھیک ہے۔ہندوستان میں ہماری پالیسی غلطیوں اور کچھ غلط اقدامات کی وجہ سے معیشت کی حالت خراب ہوئی ہے۔انہوں نے کہا کہ 2015-16 میں ترقی کی شرح 8.2 فیصد تھی جو 2017-18 میں گھٹ کر 6.7 فیصد ہو گئی۔چدمبرم نے کہا کہ جی ایس ٹی کو غلط طریقے سے نافذکرنے کی وجہ آج بھی کاروبار متاثر ہو رہے ہیں۔سابق وزیر خزانہ نے کہا کہ گزشتہ چار سال میں این پی اے 2,63,000 کروڑ روپے سے بڑھ کر 10,30,000 کروڑ روپے ہو گیااور آگے مزیدبڑھے گا۔

ایک نظر اس پر بھی

مالیگاؤں 2008بم دھماکہ : ملزمین کے خلاف UAPA کے تحت چلےگا مقدمہ

مالیگاؤں 2008 بم دھماکہ کے معاملے میں ایک اسپیشل کورٹ نے کہا کہ اس کیس کے تمام ملزمین، بشمول کرنل پروہت اور سادھوی پرگیہ سنگھ کو دہشت گردی مخالف قانون UAPA کے تحت مقدمہ کا سامنا کرنا پڑےگا۔ ملزمین کی طرف سے دائر درخواست کو مسترد کرتے ہوئے عدالت نے سنیچر کویہ فیصلہ سنایا۔

کشمیر بلدیاتی انتخاب: بائیکاٹ سے بی جے پی کو فائدہ،کشمیر میں اپنی جیت کا کھاتہ کھولنے میں کامیاب

جموں وکشمیر میں رواں ماہ 4 مرحلوں میں ہونے والے بلدیاتی انتخابات سے دو اہم علاقائی جماعتوں نیشنل کانفرنس اور پیپلز ڈیموکریٹک پارٹی (پی ڈی پی) کی دوری وادئ کشمیر میں اب تک ایک جیت کے لئے تشنہ بھارتیہ جنتا پارٹی (بی جے پی) کے لئے بیساکھی ثابت ہوئی ہے۔ بی جے پی ایک طویل انتظار اور ...

اسمبلی انتخابات 2018: بی جے پی کی پہلی فہرست جاری، چھتیس گڑھ میں 77، تلنگانہ میں 38 اورمیزورم کے 13 امیدواروں کا اعلان

پانچ ریاستوں میں ہونے والے اسمبلی انتخابات کے لئے بی جے پی نے چھتیس گڑھ، تلنگانہ اورمیزورم ریاست کے لئے امیدواروں کی پہلی فہرست جاری کردی ہے۔ چھتیس گڑھ کی 90 سیٹوں میں سے 77 سیٹوں پر امیدواروں کے نام کا اعلان کیا گیا ہے۔ وہیں تلنگانہ کی 38 اور میزورم کی 13 سیٹوں پربھی امیدواروں کا ...

مسافروں کوطیاروں میں پروازکے وقت بھی انٹرنیٹ سروس جلد ملے گی

شہری ہوابازی کے وزیرسریش پربھونے کل کہاہے کہ حکومت گھریلو پرواز میں مسافروں کو انٹرنیٹ کی سروس فراہم کرنے کی سمت میں سنجیدگی سے کام کر رہی ہے۔مسٹر پربھو نے ہفتہ کو ٹویٹ کرکے کہا کہ حکومت اس سمت میں کام کر رہی ہے تاکہ مسافروں کوجلدسے جلد یہ سہولت فراہم کرائی جاسکے۔

محبت اورنفرت کے درمیان مقابلہ ،ساورکرنے انگریزوں سے معافی مانگی تھی دلتوں اورمسلمانوں کوڈرایاجارہاہے راہل گاندھی نے اویسی کوبھی نشانہ بنایا،کہا،مجلس مودی کی مددکررہی ہے

صدر کانگریس راہل گاندھی نے کہا ہے کہ ملک میں دو طرح کے نظریات کے درمیان لڑائی ہورہی ہے۔ ایک طرف وہ لوگ ہیں جواس ملک کو باٹنے کا کام کر رہے ہیں تو دوسری طرف وہ لوگ ہیں جو ملک کو جوڑنے کاکام کر رہے ہیں ، ایک نظریہ نفرت پھیلانے کاہے اور دوسرا نظریہ محبت اور امن کا ہے۔

ملک کے مفادمیں متحد رہنے کانگریس جے ڈی ایس قائدین کا فیصلہ،14سال بعد دیوے گوڈا اور سدرامیا کی ایک ساتھ اخباری کانفرنس

آنے والے لوک سبھا انتخابات میں سیکولر سیاسی طاقتوں کو مضبوط کرنے کی غیر معمولی پہل کرتے ہوئے آج کانگریس اور جے ڈی ایس قیادت نے اتحاد کا غیر معمولی پیغام دیا۔