تھائی لینڈ عدالت کے فیصلے سے پاک کو جھٹکا داؤدابراہیم کے شوٹرکو ہندوستان بھیجنے کا حکم
بینکاک،9؍اگست (ایس او نیوز؍آئی این ایس انڈیا) تھائی لینڈ کی عدالت نے مافیا ڈان داؤد ابراہیم کے شوٹر منا جھنگاڑا کو ہندوستان بھیجنے کے حکم دیئے ہیں۔ تھائی لینڈ کی عدالت کے اس فیصلے سے ہندوستانی حکومت کی مشکلیں کافی آسان ہوگئی ہیں۔ ممبئی کرائم برانچ کے مطابق بہت جلد منا جھنگاڑا کو ہندوستان لایا جائے گا۔تھائی لینڈ عدالت نے پاکستان کو جھٹکا دیا ہے۔شوٹرمنا جھنگاڑا کو ہندوستانی شہری قراردیاگیا ہے۔ اس طرح سے پاکستان کوشدید جھٹکا لگا ہے۔چھوٹا راجن پرگولی چلانے والے شوٹر منا جھنگاڑا کو تھائی لینڈ نے ہندوستان بھیجنے کا فیصلہ کیا ہے۔کئی سالوں سے ہندوستان منا جھنگاڑا کو ہندوستان لانے کی کوشش کررہا ہے، لیکن ہربار پاکستان کی رخنہ اندازی کے بعد اسے لانے کا عمل سست پڑ جاتا ہے۔ لیکن اب ایسا لگتا ہے کہ پاکستان کو شکست کا سامنا کرنا پڑے گا اور ہندوستان کو بڑی کامیابی حاصل ہوگی۔ممبئی کرائم برانچ کو امید ہے کہ منا سے انڈرورلڈ ڈان داؤد ابراہیم سے متعلق کئی اہم معلومات بھی اکٹھا کی جارہی ہیں۔