چھتیس گڑھ : رمن سنگھ حکومت نے نکسل وادکوکنٹرول کیاہے: امت شاہ

Source: S.O. News Service | By Staff Correspondent | Published on 10th November 2018, 10:06 PM | ملکی خبریں |

رائے پور ،10؍ نومبر (آئی این ایس انڈیا؍ایس او نیوز) بی جے پی صدر امت شاہ نے کہا کہ چھتیس گڑھ میں رمن سنگھ کی حکومت نے ریاست سے نکسل وادکو ختم کر دیا ہے اور اسے بجلی اور سیمنٹ کی پیداوار کے مرکز کے طور پر تیار کیا ہے۔کانگریس پر حملہ کرتے ہوئے شاہ نے کہا کہ نکسل ازم کی حمایت کرنے والی پارٹی چھتیس گڑھ کے لیے کچھ نہیں کرسکتی۔شاہ نے بھروسہ دلایا کہ بھارتیہ جنتا پارٹی ریاست میں اس مہینے ہونے والے اسمبلی انتخابات میں کامیابی حاصل کر کے مسلسل چوتھی بار حکومت بنائے گی۔12 نومبر کو ہونے والے پہلے مرحلے کے انتخابات سے پہلے پارٹی کا منشور جاری کرنے کے بعد شاہ نے کہاکہ وزیر اعلی رمن سنگھ کی قیادت میں بی جے پی حکومت نے نکسل واد کو کنٹرول کیا ہے اور ریاست کو اس سے تقریبا آزاد کر دیا ہے۔انہوں نے کہا کہ پہلے بیمار و ریاست (اقتصادی طور پر پسماندہ ریاست) میں شمار کیا جانے والا چھتیس گڑھ اب بجلی اور سیمنٹ کی پیداوارکا مرکز بن بن گیا ہے۔انہوں نے ریاست کی ترقی کے لئے شروع کی گئی مختلف فلاحی اسکیموں کے لئے رمن سنگھ حکومت کی تعریف کی۔شاہ نے کہاکہ گزشتہ 15 برسوں سے ریاست کی ترقی کے لئے کام کرنا ایک بڑا چیلنج ہے۔مجھے یقین ہے کہ بی جے پی مسلسل چوتھی بار جیت درج کرکے حکومت بنائے گی۔انہوں نے کہا کہ ریاستی حکومت نے کئی فلاحی اسکیموں کا آغاز کیا ہے اور مہاتما گاندھی قومی دیہی روزگار گارنٹی ایکٹ (منریگا) کو بدعنوانی سے پاک بنایا ہے۔90 رکنی چھتیس گڑھ اسمبلی کا انتخاب دو مراحل میں 12 اور 20 نومبر کو ہوگا۔انتخابات کے نتائج کا اعلان 11 دسمبر کو کیا جائے گا۔

ایک نظر اس پر بھی

دہلی میں فضائی آلودگی میں دوبارہ اضافہ ،خراب اور انتہائی خراب زمرے کے درمیان پہنچا

قومی دارالحکومت دہلی میں بارش کے بعد آلودگی سے ملی کچھ راحت کے بعد شہر کی فضائی آلودگی دوبارہ بگڑ کر خراب اور انتہائی خراب زمرہ کے درمیان پہنچ گئی ہے۔پڑوسی ریاستوں میں پرالی جلائے جانے اور بارش سے پیدا نمی کی وجہ سے ہوا میں آلودگی عناصر کو منجمد کرنے کی صلاحیت بڑھنے کی وجہ سے ...

ممتا بنرجی اور چندرابابو پر ارون جیٹلی کا حملہ، جن کے پاس چھپانے کیلئے بہت کچھ وہی اپنی ریاست میں گھسنے نہیں دیتے سی بی آئی

وزیر خزانہ ارون جیٹلی نے مغربی بنگال اور آندھرا پردیش کے وزراء اعلی کے ذریعہ اپنی ریاست میں سی بی آئی کی تحقیقات سے روکنے کے فیصلے پرپلٹ وارکیاہے ۔انہوں نے ہفتے کو کہا کہ جن کے پاس چھپانے کے لئے بہت کچھ ہوتا ہے ،وہی سی بی آئی کو اپنی ریاست میں داخل ہونے سے روکتے ہیں۔ارون جیٹلی ...

کانگریس لیڈر نوجوت سنگھ سدھوبولے، وزیراعظم کی شبیہ خراب ہوئی،اس لئے پوسٹرمیں قدگھٹ گیا

کانگریس لیڈر اور پنجاب حکومت میں کابینہ وزیر نوجوت سنگھ سدھونے مرکزی حکومت کو نشانہ بنانے کے دوران کہا کہ 90لاکھ کروڑ روپے بیرون ملک سے تو آئے نہیں،الٹے یہاں سے لوگوں کاپیسہ نکال لیا گیا ۔ خاص بات چیت کے دوران سدھو نے کہا کہ نیرو مودی، ویجے مالیا اور مہول چوکسی جیسے لوگوں کا ...

سبریمالا انتظامیہ سپریم کورٹ سے حکم کو نافذ کرنے کیلئے اضافی وقت کی مانگ کرے گی

سبریمالا پوجا گاہ کا انتظام کرنے والا تراوکور دیوسووم بورڈ (ٹی ڈی بی)پیر کو سپریم کورٹ کا رخ کر کے اس حکم کو لاگو کرنے کے لئے مزید وقت کا مطالبہ کرے گا جس میں حیض کی عمر کی خواتین کوبھگوان ایپامندر میں پوجا کرنے کی اجازت دی گئی تھی۔بورڈ نے ریاست میں حکمران بائیں ڈیمو ڈیموکریٹک ...

سبریمالا میں زائرین کاہجوم امڈا، ہڑتال سے عام زندگی متاثر

ملیالی تقویم کے مقدس مہینے ’ورشچکم‘کے پہلے دن ہفتہ کو ہزاروں زائرین نے آج یہاں بھگوان ایپا کے درشن کئے۔ہندو ایکیاویدی کی خاتون لیڈر کو احتیاطی طور پر حراست میں لئے جانے کے خلاف بلائی گئی 12گھنٹے کی ہڑتال کے باوجود مندر کے صبح تین بجے کھلنے کے بعد سے بچوں سمیت بڑی تعداد میں ...