نئی دہلی،25؍اپریل (ایس او نیوز؍آئی این ایس انڈیا )صحافی اوررائٹرچیتن بھگت کی کتاب ’فائیو پوائنٹ سمون ‘کو دہلی یونیورسٹی کے انگریزی کے نصاب میں شامل کرلیا گیا ہے، اب چیتن بھگت بھی اگاتھا کرسٹی، لوئسا ایم ایلکاٹ اور جے کے رولنگ کی فہرست میں شامل ہو جائیں گے۔آئندہ جولائی سیشن سے یہ کتاب ڈی یو کے نصاب کا حصہ ہو گی۔دہلی یونیورسٹی کی نصاب کمیٹی نے اس بات کا فیصلہ کیا ہے۔چیتن بھگت کی کتاب کو گریجویشن سال دوم کے انگریزی کے طلباء کو پڑھائی جائے گی ، یہ چوائس بیسٹ کریڈٹ سسٹم (سی بی سی ایس )کے تحت انگریزی آنرس اور پروگرام کر رہے طلباء کو پڑھائی جائے گی۔اس مضمون میں اب اگاتھا کرسٹی کی مرڈر آن دی اوریئینٹ ایکسپریس، رولنگ کی ہیری پاٹر اینڈدی فلاسفر اسٹون اور ایلکاٹ کی لٹل ویمن پڑھائی جائے گی۔ان کتابوں کومشہورفکشن کے زمرے میں رکھا گیا ہے۔دہلی یونیورسٹی نے دو سال پہلے سی بی سی ایس کی شروعات کی تھی، جس کے تحت طلباء مختلف فیکلٹی سے اپنے پسندیدہ موضوعات کا انتخاب کر سکتے ہیں۔اس طرح سے یہ مضمون کسی بھی فیکلٹی کے طالب علم کے لیے دستیاب ہوگا۔شعبہ انگریزی کے صدر کرسٹیل آر نے تبدیل شدہ نصاب کی کاپی کالجوں کو بھیج دی ہے۔اس سلسلہ میں ان کی تجویزیکم مئی تک مانگی گئی ہیں۔اس تجویز کو اکیڈمک کونسل اور اسکاکر کونسل کے سامنے منظوری کے لیے رکھا جائے گا۔ڈی یوکے انگریزی کے ایک استاد نے بتایا کہ چیتن بھگت کا ناول سمجھنے کے لیے آسان ہے، سادہ الفاظ میں وہ زندگی کے کئی فلسفے بھی سکھاتی ہے۔وہیں جب چیتن بھگت نے اس بارے میں ٹوئٹ کیا کہ ان کی کتاب کو ڈی یو میں پڑھانا ان کے لیے اعزاز کی بات ہے ، تو اسے لے کر تنازعہ شروع ہو گیا، کئی لوگوں نے ٹوئٹ پر ان کی کتاب کو شامل کرنے پر ناراضگی کا اظہار بھی کیا ہے . ۔انہوں نے کہا کہ اس سے انگریزی کے نصاب کا معیار گرے گا ، لیکن چیتن بھگت کی کتاب کو ڈی یو میں نصاب میں شامل کرنا طلباء کے لیے منافع بخش اور آسان ہوگا ۔