نئی دہلی،21؍ مارچ(ایس او نیوز؍آئی این ایس انڈیا)بھارتی اسٹیٹ بینک (ایس بی آئی)نے ایک بار پھر اپنے گاہکوں کو یاد دلایا ہے کہ ان کے ایسوسی ایٹ بینکوں کی چیک بک 31 مارچ کے بعد نہیں چلے گی۔اس لیے تمام کلائنٹ کو چاہئے کہ وہ نئی چیک بک حاصل کر لیں۔ایس بی آئی نے صارفین سے کہا ہے کہ نئی چیک بک کے لئے انٹرنیٹ بینکنگ، موبائل بینکنگ، اے ٹی ایم یا پھر برانچ میں جا کر فوری طور پر درخواست دے دیں۔واضح رہے کہ جن بینکوں کو ایس بی آئی میں ضم کیا گیا ہے ان میں اسٹیٹ بینک آف بیکانیر اور جے پور، اسٹیٹ بینک آف حیدرآباد، اسٹیٹ بینک آف میسور، اسٹیٹ بینک آف پٹیالہ، اسٹیٹ بینک آف ترونکور اور بھارتی مہیلا بینک شامل ہیں۔اسٹیٹ بینک آف میسور میں ایس بی آئی کا 90فیصد حصہ تھا جبکہ بیکانیر اور جے پور میں 75.07فیصد تھا۔ ترونکور میں ایس بی آئی کی حصہ داری 79.09 فیصد ہے۔اس سے پہلے ایس بی آئی نے 30ستمبر تک کا وقت دیا تھا۔اس کے بعد یہ مدت بڑھاکر31دسمبر کر دی گئی تھی۔تاہم اسے بڑھا کر بعد میں 31مارچ کر دیا گیا۔اس کے بعد بھی اگر آپ چیک بک نہیں سکے تو آپ کے لئے مالی لین دین کرنا مشکل ہو جائے گا۔