امت شاہ کواب تریپورہ حکومت بدعنوان لگنے لگی
ٓاگرتلہ،7؍جنوری(ایس او نیوز؍آئی این ایس انڈیا)یوپی ،مدھیہ پردیش ،مہاراشٹراورراجستھان میں بدعنوانی کے لگے الزامات سے آنکھ بندکی ہوئی بی جے پی صدر امت شاہ نے آج کہا کہ بائیں پارٹی حکومت تریپورہ میں حکومت میں تبدیلی ناگزیر ہوگئی ہے کیونکہ ریاست کی موجودہ حکومت خواتین کے خلاف جرائم اور بے روزگاری سے لڑنے سمیت کئی محاذوں پر ناکام رہی ہے۔اس انتخابی ریاست میں یہاں ایک جلسہ عام سے خطاب کرتے ہوئے امت شاہ نے کہا کہ انہوں نے کانگریس یا کمیونسٹوں کی حکومت والی ریاستوں میں ترقی کافقدان اور بدعنوانی کے مثالیں ہیں۔انہوں نے کہا کہ بی جے پی حکومت میں تبدیلی لانے کو لے کرحکومت میں تبدیلی چاہتی ہے تاکہ لوگوں کی زندگیاں بہترہو سکیں۔بی جے پی صدر تریپورہ کے دو روزہ دورے پرہیں،جہاں اسمبلی انتخابات ہونے ہیں کیونکہ موجودہ اسمبلی کی مدت چھ مارچ کو ختم ہونے والی ہے۔انہوں نے یہاں کہاکہ میں محسوس کر سکتا ہوں کہ ریاست میں تبدیلی ناگزیرہوگئی ہے۔خواتین کے خلاف جرائم کی شرح بہت زیادہ ہے، قانون کی حکمرانی نہیں ہے۔جرم سی پی ایم حکومت کا مترادف ہے۔امت شاہ نے دعویٰ کیاکہ تری پورہ جیسی طرح چھوٹی سے ریاست میں سات لاکھ نوجوان بے روزگار ہیں، جہاں کی آبادی 36 لاکھ سے کچھ ہی زیادہ ہے۔انہوں نے کہا کہ سی پی ایم کے لوگ کہتے ہیں کہ روبی بابواچھے انسان ہیں، اگر وہ اچھے شخص ہیں تو ریاست کے لوگوں کی حالت اچھی کیوں نہیں ہے۔