سی ایف ٹی آر آئی اور یونیورسٹی آف ہارٹی کلچرل سائنس کی یادداشت مفاہمت
میسورو۔ 24اگست (ایس او نیوز) سنٹرل فوڈ ٹکنالوجیکل ریسرچ انسٹی ٹیوٹ (سی ایف ٹی آر آئی) میسورو نے یونیورسٹی آف ہارٹیکلچرل سائنسس (یو ایچ ایس) باگل کوٹ کے ساتھ یادداشت مفاہمت پر دستخط کئے ہیں۔ یہاں ایک سرکاری بیان میں کہا گیا کہ سی ایف ٹی آر آئی کے یو ایچ ایس سے اشتراک کا مقصد یو ایچ ایس کے طلبہ کیلئے فوڈ پروسیسنگ پر ورکشاپس کا اہتمام ' کسان۔ سائنس داں تبادلہ خیال کا اہتمام ' تعلیمی امداد کی پیشکش اور معلومات کا تبادلہ ہے۔ وائس چانسلر منگلورو یونیورسٹی پروفیسر کے بائرپا نے اس نئے پروگرام کا آغاز کیا۔ ڈاکٹر ڈی ایل مہیشور وائس چانسلر یونیورسٹی آف ہارٹیکلچرل سائنسس باگل کوٹ نے پروفیسر رام راج شیکھرن ڈائرکٹر سی ایس آئی آر۔ سی ایف ٹی آر آئی کے ساتھ یادداشت مفاہمت کے دستاویز کا تبادلہ کیا۔ اس پروگرام کے حصہ کے طور پر سی ایس آئی آر۔ سی ایف ٹی آر آئی میں حالیہ اختراعات جیسے کاربونیٹڈ فروٹ جوس اور سوپر فوڈس کی بھی نمائش کی جائے گی۔ کاربو نیٹڈ فروٹ جوس کی اشیاء کو قدرتی فروٹ جوس میں ملایا گیا ہے، تاکہ کسانوں اور صارفین کو مدد مل سکے۔