مرکزی ٹیم نے سیلاب سے متاثرہ علاقوں کا معائنہ شروع کردیا

Source: S.O. News Service | By Shahid Mukhtesar | Published on 13th September 2018, 12:10 PM | ریاستی خبریں |

بنگلورو13؍ستمبر(ایس او نیوز) ریاست کے ساحلی ملناڈ اور کورگ علاقوں میں طوفانی بارش، سیلاب اور زمین کھسکنے کے واقعات سے مچی تباہی کا جائزہ لینے کے لئے آئی ہوئی مرکزی ٹیم نے آج مرکیرہ اور دکشن کنڑا کے مختلف مقامات کا دورہ کیا۔

مرکزی محکمۂ داخلہ کے جوائنٹ سکریٹری انیل ملک کی قیادت میں بنگلور پہنچنے والے مرکزی افسروں کی ٹیم میں مرکزی آبی کمیشن کے سپرنٹنڈنٹ انجینئرجتیندر پنوار اور مرکزی محکمۂ زراعت کے جوائنٹ ڈائرکٹر پونو سوامی شامل ہیں۔اس ٹیم میں شریک افسروں نے متاثرہ علاقوں میں حالات کا جائزہ لیا۔ اور تباہی کے متعلق تفصیلی رپورٹ مرکز کو دینے کا یقین دلایا۔اس ٹیم نے اڈپی ، منگلور، مولکی، ادیاپاڈی،باجپے اور دیگر مقامات میں سیلاب اور طوفانی بارش کی تباہی کا معائنہ کیا۔ خاص طور پر یہاں پلوں کو جو نقصان پہنچا ہے، اس کی تفصیلات سے ٹیم کو آگاہ کرایا گیا۔کل یہی ٹیم بنٹوال ، مننار پیٹے ، وٹلا ،سبرامنیا، شراڈی گھاٹ اور دیگر ساحلی علاقوں کا جائزہ لے گی۔ جبکہ مرکزی محکمۂ مالیات کے ڈپٹی سکریٹری بھارتیندرا کمار سنگھ کی قیادت والی دوسری ٹیم میں مرکزی محکمۂ دیہی ترقیات کے ڈپٹی سکریٹری منیک چندرا پنڈت ، محکمۂ بری نقل وحمل کے ریجنل افسر سدانند بابو نے ہارنگی، ہٹی ہلی ، مرکیرہ ، اور دیگر علاقوں کا جائزہ لیا۔

خاص طور پر یہاں ہزاروں کی تعداد میں مکانات گر جانے اور لوگوں کے بے گھر ہوجانے کی شکایات کے بعد ان کے ازالے کے لئے درکار مرکزی امداد کا تخمینہ لگانے کے لئے معلومات حاصل کیں۔ ان دونوں ٹیموں کی طرف سے کل بھی مختلف مقامات کے دوروں کا سلسلہ جاری رہے گا اور بروز جمعہ یہ ٹیمیں ریاست کے چیف سکریٹری کے ساتھ اعلیٰ سطحی میٹنگ کرے گی، حال ہی میں وزیراعلیٰ ایچ ڈی کمار سوامی کی طرف سے ریاست میں تباہی کا جائزہ لینے کے لئے مرکزی ٹیم روانہ کرنے کی وزیر اعظم مودی سے کی گئی گزارش کے فوری بعد یہ ٹیم کرناٹک پہنچی ہے۔ 

ایک نظر اس پر بھی

یشونت پور۔منگلورو نئی ٹرین : سفر کے دنوں میں تبدیلی سے مسافر ناخوش

بنگلورو اور منگلورو کو جوڑنے والی نئی یشونت پور۔منگلورو ٹرین جوکہ رات کے وقت چلنے والی ہے اس کا جو ٹائم ٹیبل پہلے پیش کیا گیا تھا اب اس میں تبدیلی کی گئی ہے ، جس پر مسافروں نے اپنی بے اطمینانی کا اظہار کیا ہے۔

بنگلور میں ائیرو انڈیا شو شروع ہونے سے قبل پریکٹس سیشن میں دو ائرکرافٹ کی فضا میں ٹکر؛ ایک پائلٹ ہلاک، دو کو بچالیا گیا

یلہنکا ائیربیس کے قریب پریکٹس سیشن میں دو ہوائی جہاز کرتب دکھلانے کے دوران اچانک فضا میں ہی ٹکراجانے سے  دونوں جہاز آگ کی لپیٹ میں آکر گرپڑے، جس کے نتیجے میں ایک پائلٹ  ہلاک ہوگیا، مگر دیگر دو پائلٹوں کو بچالیا گیا  ہے۔ 

کانگریس لوک سبھا انتخابات کی تیاریوں میں مصروف، جے ڈی ایس سے اتحاد کی صورت میں کانگریس آٹھ حلقے چھوڑنے پر آمادہ

ریاست کی مخلوط حکومت کو گرانے کے لئے بی جے پی کی طرف سے بارہا کئے گئے آپریشن کمل کی ناکامی نے اب کانگریس کو لوک سبھا انتخابات کی تیاریوں کے لئے راحت کی سانس لینے کا موقع فراہم کیا ہے۔