ساحلی کرناٹکا میں بارش کے نقصانات کے بعد مرکزی ٹیم نے لیا مڈکیری ضلع کے نقصانات کا جائزہ : ڈی سی اور دیگر افسران کے ساتھ میٹنگ
مڈکیری :12/ستمبر(ایس اؤ نیوز) ساحلی اضلاع میں بارش کی وجہ سے ہوئے نقصانات کا جائزہ لینے پہنچی مرکزی جائزہ ٹیم مڈکیری پہنچ کر سرکٹ ہاؤس میں ڈپٹی کمشنر پی آئی شری ودییا سے مکمل جانکاری حاصل کی۔
مرکزی حکومت کے آفیسر انیل ملک کی قیادت والی ٹیم بارش اور سیلاب سے متاثرہ کھیت، باغات، قومی اور ریاستی شاہراہیں، دیہات ، کافی باغات ،سپاری باغات کا دورہ کیا اورآب پاشی ، چھوٹی آب پاشی ، بجلی محکمہ جات کو پہنچنے والے نقصانات کے متعلق جانکاری حاصل کی۔ ڈی سی کے علاوہ مختلف محکمہ افسران نے مرکزی ٹیم کو مرحلہ وارتفصیلات سے آگا ہ کیا۔ اس موقع پر ضلع نگراں کاروزیر سا، را، مہیش اور ایم پی پرتاپ سنہا نے بھی اپنی طرف سے نقصانات کی جانکاری دی۔ ضلع پنچایت ممبر کے پی چندرکلا، ضلع پنچایت سی ای اؤ پرشات کمار مشرا، ایڈیشنل ڈی سی، تحصیلدار ، کافی بورڈ کے افسران ، مختلف محکمہ جات کے افسران وغیر ہ موجود تھے۔