منگلورو: سیلاب سے متاثرہ علاقوں کا جائزہ لینے مرکزی ٹیم کی آمد
منگلورو:12/ستمبر(ایس اؤ نیوز) ساحلی پٹی پر سیلاب سے متاثرہ دکشن کنڑا، اُڈپی اور ہاسن اضلاع میں نقصانات کاجائزہ لینے کے لئے آج منگلورو سرکٹ ہاؤس میں مرکز کی آئی ایم سی ٹی ٹیم کی آمد ہوئی۔
ضلع نگراں کاروزیر یو ٹی قادر اور ضلع ڈپٹی کمشنر سشی کانت سینتھل سے ملاقات کرنےکے بعد ٹیم اُڈپی کے لئے روانہ ہوئی ۔ دکشن کنڑا ضلع میں اس مرتبہ سیلاب سے کافی نقصانات ہوئے ہیں۔ خاص کر جانی نقصان، جانوروں کی ہلاکت، گھر کے زمین بوس ہونے اور پہاڑوں کے کھسکنےسے نقصان ہواہے۔ زرعی زمینات کی بربادی دیکھتے ہوئے مکمل جائزہ لے کر مرکز کو رپورٹ دینے کے لئے ضلع انتظامیہ سے مرکزی ٹیم کامکمل تعاون دئیے جانےکی یوٹی قادر نے جانکاری دی۔
مرکز کی جائزہ ٹیم مرکزی معاشی وزارت کے معاون سکریٹری بھرتیندو کمار سنگھ، دیہی ترقی وزارت کے معاون سکریٹری مانیک چندر پنڈت، رابطہ اور ہائی وے کے آفیسر سدانند بابو وغیرہ پر مشتمل ہے۔ اُڈپی کا جائزہ لینے کےبعد منگلورو لوٹ کر آدیپاڑی ، مولکی اور بنٹوال کے مولارپٹا، وٹلا ، پڈنور، کانییور ، گونڈیا، سبرہمنیاسےہوتےہوئے ہاسن جانےکی اطلاعات موصول ہوئی ہیں۔