فلسطینیوں کے ہمدرد امریکی شیف کی فرانس میں پراسرار موت

Source: S.O. News Service | By Shahid Mukhtesar | Published on 11th June 2018, 12:20 PM | عالمی خبریں |

پیرس11جون ( ایس او نیوز؍آئی این ایس انڈیا )فلسطینیوں کے حقوق کے حامی ایک عالمی شہرت یافتہ امریکی شیف اور فوٹو گرافر انٹونی بورڈین کو فرانس کے ایک ہوٹل میں مردہ پایا گیا ہے۔ اطلاعات کے مطابق 63 سالہ بورڈین فرانس میں فلسطینیوں کی حمایت کے حصول کے لیے اپنے ایک پروگرام کے لیے مقیم تھے۔اپنے تصویری پروگرام جس میں وہ القدس، غزہ اور غرب اردن کے بارے میں حمایت کے حصول کے لیے کوشاں تھے پر اسرائیل کی طرف سے شدید تنقید کی گئی تھی۔وہ اپنے مختلف تصویری پروگراموں میں صہیونی ریاست کے فلسطینی قوم پر جرائم کو بے نقاب کرنے کی قابل تحسین کوشش کرتے رہے ہیں۔سنہ 2014 کو جب اسرائیل نے غزہ پر جنگ مسلط کی تو اس وقت بھی بورڈین نے ساحل پر چلتے ہوئے ایک شخص کا خاکہ تیار کیا تھا نے اپنے ہاتھوں میں ایک زخمی بچی کو اٹھا رکھا تھا۔ یہ خاکہ اسرائیلی ریاستی دہشت گردی کی ایک علامت تھا جس پرصہیونی ریاست بورڈین پر سخت چراغ پا ہوئی تھی۔فرانس میں قیام کے دوران فلسطینیوں کے حامی عالمی شہرت یافتہ شیف کی موت کے بارے میں کئی طرح کی قیاس آرائیاں کی جا رہی ہیں۔ ان کے مجرمانہ قتل میں اسرائیل کے ملوث ہونے کا بھی شبہ ہے۔

ایک نظر اس پر بھی

بنگلہ دیش انتخابات میں شیخ حسینہ کامیاب، اپوزیشن نے نتائج ماننے سے کیا انکار

خبر رساں اداروں کے مطابق بنگلہ دیشی وزیر اعظم شیخ حسینہ واجد کی حکمران جماعت عوامی لیگ نے اتوار 30 دسمبر کو ہونے والے عام انتخابات میں اپوزیشن کے مقابلے میں بڑی برتری حاصل کر لی ہے اور حتمی نتائج میں عوامی لیگ کو کل 350 نشستوں میں سے 281 نشستوں پر کامیابی حاصل ہوئی ہے۔

ایرانی حکومت ٹوئٹراستعمال کر رہی ہے مگر عوام کے لیے ممنوع ہے : امریکی سفیر

جرمنی میں امریکی سفیر رچرڈ گرینل کا کہنا ہے کہ ایرانی حکومت خود ٹویٹر کا استعمال کر رہی ہے مگر عوام کے لیے اس کا استعمال روکا ہوا ہے۔ انہوں نے یہ بات ایرانی پارلیمنٹ کے اسپیکر علی لاریجانی سے منسوب ٹویٹر اکاؤنٹ کھولے جانے پر تبصرہ کرتے ہوئے کہی۔اگرچہ ایرانی میڈیا نے مذکورہ ...