بنگلوروسی سی بی کی جانب سے ضبط شدہ15؍کروڑ روپئے پر ہاتھ کی صفائی پولیس خزانہ سے خود پولیس نے لوٹ لیا3؍کروڑ
بنگلوریکم دسمبر(ایس او نیوز) منسوخ شدہ نوٹوں کی تبدیلی کے دھندے میں ملوث افراد کے قبضہ سے ضبط شدہ نوٹوں کو عدالتی جائیداد قرار دے کر (پی ایف)سنٹرل کائم برانچ(سی سی بی) کی جان سے خزانہ میں جمع15؍کروڑ کے پرانے نوٹوں میں سے3؍کروڑ روپئے ایک اسسٹنٹ کمشنر آف پولیس (اے سی پی)سے غبن کرنے کا معاملہ تاخیر سے سامنے آیاہے۔ سی بی بی میں موجودہ خزانہ سے پی ایف کردہ15کروڑ روپیوں میں سے3؍کروڑ کے پرانے نوٹ اے سی پی ماریپا اور ان کی ٹیم سے غبن کئے جانے کی بات سامنے آنے پر اعلیٰ پولیس افسران اس کی جانچ کررہے ہیں۔ اس دوران ریاستی وزیر داخلہ رام لنگاریڈی نے بتایا کہ سی سی بی خزانہ میں پی ایف کردہ رقم کو ایک پولیس افسر غبن کئے جانے کے متعلق انہیں اطلاع ملی ہے۔ اس معاملہ کی جانچ کے لئے انہوں نے اعلیٰ پولیس افسران کو حکم دیاہے۔ بتایا جاتا ہے کہ گزشتہ ہفتہ تملناڈو کا ایک شخص شہر میں منسوخ شدہ پرانے نوٹوں کی تبدیلی کرنے کی اطلاع پاکر اے سی پی ماریپا اور ان کی ٹیم نے کارروائی کرتے ہوئے500اور1000کے تقریباً ایک کروڑ روپئے اس شخص کے قبضہ سے ضبط کئے تھے۔ اس سلسلے میں معاملہ درج کئے بغیر ہی اس کو روانہ کردیاتھا۔ ضبط شدہ نوٹوں کو کیرلا لے جاکر ایک شخص کے حوالے کرتے ہوئے اس شخص سے ایک کروڑ کے منسوخ شدہ نوٹوں کے لئے8لاکھ روپیوں کے نئے نوٹ حاصل کرنے کے بعد واپس شہر پہنچے تھے۔ اس دوران تملناڈو کا مذکورہ شخص اعلیٰ پولیس افسر سے شکایت کی تھی۔ جس کے بعد اعلیٰ پولیس افسر نے اے سی پی کو طلب کرکے رقم واپس لوٹانے کی ہدایت دی تھی۔ اعلیٰ افسرسے ڈرکر درمیانی شب ہی سی سی بی دفترپہنچ کر اے سی پی نے خزانہ سے پی ایف کردہ منسوخ شدہ نوٹوں میں سے 3کرور کے پرانے نوٹوں کونکال کر اپنے ساتھ لے جانے کی بات سامنے آئی ہے۔ اس دوران سی سی بی انسپکٹر روی نے ماریپا سے پوچھ تاچھ کی تو ماریپا نے پرانے نوٹوں کو لیجانے کی بات کو تسلیم کرلی ہے۔ اور خالی خزانہ میں مذکورہ نکالی گئی رقم کو بھر نے کے مقصدسے ماریپا نے اپنے دیگر عملہ کے ساتھ شیشادھری پورم علاقے میں ایک عورت کے مکان پر چھاپہ ماراتھا۔ چھاپے کے دوران مذکورہ عورت کے مکان سے دستیاب منسوخ شدہ ایک کروڑ روپئے پرانے نوٹوں کو ماریپا اپنے قبضہ میں لے کر ساتھ لئے گئے تھے۔ اس سلسلے میں عورت نے سنٹرل ڈویژن کے ڈپٹی کمشنر آف پولیس(ڈی سی پی)چندرگپتا سے شکایت کی تھی۔ شیشادھری پورم پولیس تھانہ میں معاملہ درج کیاگیاہے۔ پولیس کمشنر ٹی سنیل کمارنے بتایا کہ شیشادھری پورم پولیس تھانہ میں ایک عورت سے کی گئی شکایت پرپولیس نے اس معاملہ کو درج کرکے اس کی جانچ شروع کردی ہے۔ سنٹرل کرائم برانچ(سی سی بی) کے جوائنٹ کمشنر ستیش کمار نے بتایا کہ سی سی بی صدر دفترمیں پی ایف کردہ رقم کی چوری کئے جانے کے معاملہ کی جانچ کی جارہی ہے۔ انہوں نے بتایا کہ رقم کی چوری کے معاملہ میں ملوث پائے جانے والے پولیس اہلکاروں کو ملازمت سے معطل کرنے کے بعد جرم ثابت ہونے پر ان کے خلاف سخت قانونی کارروائی کی جائے گی۔