نئی دہلی، 24؍اپریل (ایس او نیوز؍آئی این ایس انڈیا )مرکزی ثانوی تعلیم بورڈ (سی بی ایس ای) نے بے ضابطگیوں کی وجہ سے ملک بھرکے36 نجی اسکولوں کو وجہ بتاؤ نوٹس جاری کیا۔سی بی ایس ای نے گزشتہ دنوں ڈی پی ایس کے آر کے پورم، ڈی پی ا یس متھرا روڈ، سمیت ملک بھرکے7 نجی اسکولوں کووجہ بتاؤ نوٹس جاری کیاتھا۔ اس کے بعد36 ان نجی اسکولوں کی فہرست جاری کی ہے جن پر سی بی ایس ای نے کارروائی کی ہے۔ اس فہرست میں ہریانہ کے1 9 اسکول اور غازی آباد کے وسندھرا سیکٹر۔9 میں ڈی پی ایس اسکول شامل ہیں۔ ڈی پی ایس وسندھرا غازی آباد کو سرپرست کی شکایت پرنوٹس بھیجاہے۔ اسکول کے منیجرکے نام سے بھیجے گئے نوٹس میں اسکول پرالزام لگایاہے کہ اسکول نے حق تعلیم قانون200 9 پرعمل نہیں کیاہے۔ جبکہ دہلی کے دوارکا میں واقع مارڈن انٹرنیشنل اسکول کو بھیجے گئے نوٹس میں کہا کہ بورڈ کو شکایت ملی ہے کہ اسکول باقاعدگی کلاسیں نہیں لینے والے اور اس کے بدلے کوچنگ کلاس کے طلبہ کو داخلہ دیتا ہے۔ اس کے عوض میں اسکول موٹی فیس لیتا ہے۔