ویر بھدرا سنگھ پرسی بی آئی نے لگائے سنگین الزامات، ریاستی حکومت پر انہیں بچا نے کا الزام

Source: S.O. News Service | Published on 9th December 2016, 3:25 AM | ملکی خبریں |

نئی دہلی، 8 /دسمبر(ایس او نیوز؍ آئی این ایس انڈیا) سی بی آئی نے آج دہلی ہائی کورٹ کے سامنے دعوی کیا کہ آمدنی سے زیادہ اثاثہ کے معاملے میں ہماچل پردیش کے وزیر اعلی ویر بھدر سنگھ کے خلاف بہت سنگین الزامات ہیں، کیونکہ اس میں بڑی رقم شامل ہے اور ریاستی حکومت نے انہیں بچانے میں  کچھ زیادہ ہی مستعدی کا مظاہرہ کیا ہے۔جانچ ایجنسی نے جسٹس وپن ساگھی کی بنچ کو بتایا کہ سی بی آئی کو دہلی میں معاملہ درج کرکے چھان بین کرنے کا حق ہے، کیونکہ کانگریس لیڈر ویر بھدر نے اس وقت مبینہ طور پر آمدنی سے زیادہ جائیداد حاصل کی جب وہ پچھلی یو پی اے حکومت کے دوران مرکزی وزیر تھے۔ایڈیشنل سالیسٹر جنرل(اے ایس جی)پی ایس پٹوالیا نے کہاکہ ان(ویر بھدر)کے خلاف دہلی میں ان کی مدت کار سے جڑے الزامات ہیں، الزام سنگین ہیں، اس میں کروڑوں روپے شامل ہیں،ایک بینک اکاؤنٹ سے دوسرے اکاؤنٹ میں پیسے بھیجے گئے ہیں۔پٹوالیا نے کہاکہ ریاستی حکومت اس میں درخواست گزار نہیں ہے،ریاستی حکومت کی جانب سے جو بھی دلیلیں دی جا رہی ہیں، وہ قابل غور نہیں ہیں، اس سے ریاستی  حکومت کی کچھ زیادہ ہی بے چینی ظاہر ہوتی ہے، درخواست گزار(ویر بھدر)کو بچانے کے لیے ریاستی حکومت دو قدم آگے بڑھ رہی ہے۔اے ایس جی پٹوالیا نے یہ الزام بھی عائد کیا کہ ویر بھدر کے بیٹے نے اگست 2011میں 1.20کروڑ روپے میں یہاں ایک فارم ہاؤس خریدا تھا اور وزیر اعلی نے اس کے لیے 90لاکھ روپے دئیے تھے۔انہوں نے کہاکہ یہ اور کچھ نہیں بلکہ آمدنی سے زیادہ جائیداد کے ذریعہ ویر بھدر کی جانب سے خریدی گئی جائیداد ہے۔یہ فارم ہاؤس دہلی میں ہے، دہلی میں کئی بینک کھاتے ہیں،آمدنی دہلی میں ہوئی تھی کیونکہ وہ یہاں تعینات تھے، یہاں معاملہ کی چھان بین کرنا سی بی آئی کے دائرہ اختیار میں ہے،عدالت اب اس معاملے کی اگلی سماعت 15/دسمبر کو کرے گی۔اس سے پہلے، ویر بھدر کے وکیل نے ہائی کورٹ میں کہا تھا کہ سی بی آئی دہلی سے باہر کے معاملات کی تحقیقات کرنے کو لے کر متعلقہ ریاستی حکومت کی رضامندی کے بغیر فیصلہ نہیں کر سکتی۔
 

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...