سی بی آئی بمقابلہ سی بی آئی: آلوک ورما نے سی وی سی کی رپورٹ پر سپریم کورٹ کو سونپا جواب

Source: S.O. News Service | By Jafar Sadique Nooruddin | Published on 19th November 2018, 10:09 PM | ملکی خبریں |

نئی دہلی:19/نومبر(ایس او نیوز/آئی این ایس انڈیا)سی بی آئی کے چھٹی پر بھیجے گئے ڈائریکٹر آلوک کمار ورما نے خود پر عائد بدعنوانی کے الزامات کو لے کر مرکزی ویجلنس کمیشن کی ابتدائی رپورٹ پر اپنا جواب داخل کر دیا ہے۔ ورما نے پیر کی دوپہر سیل بند لفافے میں سپریم کورٹ کو اپنا جواب سونپا۔ اس کیس میں عدالت منگل کو سماعت کرے گی ۔عدالت نے اس سے پہلے صبح آلوک ورما سے کہا تھا کہ وہ سی وی سی کی رپورٹ پر آج ہی سیل بند لفافے میں اپنا جواب داخل کریں۔یہی نہیں کورٹ نے واضح طور پر کہا تھا کہ اس معاملے کی سماعت منگل کو ہی کی جائے گی اور اس میں کوئی تبدیلی نہیں کی جائے گی ۔ چیف جسٹس رنجن گوگوئی کی صدارت والے بنچ کے سامنے ورما کے وکیل گوپال شنکر نارائن نے جواب دائر کرنے کے لئے پیر کی صبح جب ایک وقت دینے کی درخواست کی تو عدالت نے منگل کو سماعت کا پروگرام ملتوی کرنے سے انکار کر دیا۔ ورما کے وکیل گوپال نے بتایا کہ تاہم ہم نے عدالت سے ایک وقت مزید دینے کی درخواست کی تھی۔ ورما کا جواب سیل بند لفافے میں عدالت کے رجسٹرار جنرل کو شام ایک بجے کے حوالے کر دیا گیا ہے۔ عدالت نے سی بی آئی ڈائریکٹر کے خلاف بدعنوانی کے الزامات پر سی وی سی کی ابتدائی رپورٹ پر 16 نومبر کو آلوک ورما کو سیل بند لفافے میں پیر تک جواب داخل کرنے کی ہدایت دی تھی۔ کورٹ نے کہا تھا کہ سی وی سی نے اپنی جانچ رپورٹ میں بہت ہی’’ منفی‘‘ تبصرے کیے ہیں اور وہ کچھ الزامات ہیں ان انکوائری کرنا چاہتے ہیں ۔ جس کے لئے مزید وقت درکار ہے۔عدالت نے سی بی آئی سربراہ آلوک ورما کے تمام حقوق واپس لینے اور انہیں چھٹی پر بھیجنے کے حکومت کے فیصلے کو چیلنج دینے والی ورما کی عرضی پر سماعت کے دوران گزشتہ جمعہ کو یہ ہدایت دی تھی۔ 

ایک نظر اس پر بھی

منیش سسودیا کی عدالتی تحویل میں 26 اپریل تک کی توسیع

دہلی کی ایک عدالت نے جمعرات کو شراب پالیسی کے مبینہ گھوٹالہ سے متعلق منی لانڈرنگ معاملہ میں عآپ کے لیڈر اور سابق نائب وزیر اعلیٰ منیش سسودیا کی عدالت تحویل میں 26 اپریل تک توسیع کر دی۔ سسودیا کو عدالتی تحویل ختم ہونے پر راؤز ایوینیو کورٹ میں جج کاویری باویجا کے روبرو پیش کیا ...

وزیراعظم کا مقصد ریزرویشن ختم کرنا ہے: پرینکا گاندھی

کانگریس جنرل سیکریٹری پرینکا گاندھی واڈرا نے یہاں پارٹی کے امیدوار عمران مسعود کے حق میں بدھ کو انتخابی روڈ شوکرتے ہوئے بی جے پی کو جم کر نشانہ بنایا۔ بی جے پی کو ہدف تنقید بناتے ہوئے انہوں نے بدھ کو کہا کہ آئین تبدیل کرنے کی بات کرنے والے حقیقت میں ریزرویشن ختم کرنا چاہتے ...

مودی ہمیشہ ای وی ایم کے ذریعہ کامیاب ہوتے ہیں،تلنگانہ وزیر اعلیٰ ریونت ریڈی کا سنسنی خیز تبصرہ

تلنگانہ کے وزیراعلیٰ  ریونت ریڈی نے سنسنی خیز تبصرہ کرتے ہوئے کہا  ہے کہ ہر مرتبہ مودی الیکٹرانک ووٹنگ مشینوں( ای وی ایمس )کے ذریعہ انتخابات میں کامیابی حاصل کرتے ہیں اور جب تک ای وی ایم کےذریعے انتخابات  کا سلسلہ بند نہیں کیا جائے گا،  بی جے پی نہیں ہار سکتی۔

لوک سبھا انتخابات کے چوتھے مرحلہ کے لئے گزٹ نوٹیفکیشن جاری

الیکشن کمیشن نے لوک سبھا انتخابات 2024 کے چوتھے مرحلہ کے لئے گزٹ نوٹیفکیشن جاری کر دیا۔ کمیشن کے مطابق انتخابات کے چوتھے مرحلہ میں 10 ریاستوں اور مرکز کے زیر انتظام علاقوں کی 96 پارلیمانی سیٹوں پر انتخابات ہوں گے۔ اس مرحلہ کی تمام 96 سیٹوں پر 13 مئی کو ووٹنگ ہوگی۔ نوٹیفکیشن جاری ...