نوئیڈا23فروری(ایس او نیوز؍آئی این ایس انڈیا) جمنا ایکسپریس وے صنعتی ترقی اتھارٹی میں زمین کی خریداری میں ہوئے 126.42 کروڑ روپے کے گھوٹالے کے معاملے میں تفتیش کے دوران ملزمان کو بچانے کے بدلے میں 22 لاکھ روپے کی رشوت لینے کے الزام میں فرار چل رہے سی بی آئی کے داروغہ سنیل دت کی گرفتاری کے لیے ہفتے کے روزصبح سی بی آئی کی پانچ رکنی ٹیم گریٹر نوئیڈا واقع اس کے آبائی گاؤں سنپراپہنچی۔جیسے ہی سی بی آئی ٹیم نے چھاپہ مارا، دیہاتیوں نے ٹیم کے اوپرحملہ کر دیا اوران کے ساتھ مار پیٹ کر کے سرکاری کام میں رکاوٹ ڈالی۔ ایس پی بینیت جیسوال نے بتایاہے کہ اس معاملے میں ٹیم کی قیادت کر رہے انسپکٹر جی ایس مینانے کم از کم 12 افراد کے خلاف مقدمہ درج کرایاہے۔انہوں نے بتایاہے کہ موقع پر پہنچی پولیس نے کچھ لوگوں کو حراست میں لیاہے۔ پولیس معاملے کی رپورٹ درج کرکے واقعہ کی تحقیقات کر رہی ہے۔سی بی آئی ٹیم کے اوپرحملے کی معلومات پاکردہلی سے آئی پی ایس افسر کرن ایس نوئیڈاپہنچے۔ وہ پورے معاملے پر نظر رکھے ہوئے ہیں۔