مودی حکومت کو سپریم کورٹ کا بڑا جھٹکا، آلوک ورما بنے رہیں گے سی بی آئی ڈائریکٹر

Source: S.O. News Service | By Shahid Mukhtesar | Published on 8th January 2019, 11:51 AM | ملکی خبریں |

نئی دہلی،8؍جنوری(ایس او نیوز؍ایجنسی) سپریم کورٹ نے سی بی آئی ڈائریکٹر آلوک ورما کو بڑی راحت دی ہے۔ کورٹ نے کہا ہے کہ آلوک  کمار ورما کو عہدے سے نہیں ہٹایا جانا چاہئے تھا۔ یعنی آلوک ورما سی بی آئی کے ڈائریکٹر بنے رہیں گے۔ حالانکہ سپریم کورٹ نے کہا ہے کہ آلوک ورما جانچ پوری ہونے تک کوئی پالیسی ساز فیصلہ نہیں لے سکتے ہیں۔

سپریم کورٹ نے کہا ہے کہ اس طرح کا کوئی قانون نہیں ہے کہ حکومت بغیر سلیکٹ کمیٹی کی اجازت کے کسی سی بی آئی ڈائریکٹر کو عہدے سے ہٹائے۔ عدالت نے کہا کہ تقرری، عہدے سے ہٹانے اور ٹرانسفر کے بارے میں واضح قوانین موجود ہیں۔ ایسے میں مدت کار ختم ہونے سے پہلے آلوک ورما کو عہدہ سے نہیں ہٹایا جانا چاہئے تھا۔ یعنی آلوک ورما اب اپنی طے شدہ مدت کار یعنی 31 جنوری تک سی بی آئی ڈائریکٹر کے عہدے پر بنے رہیں گے۔

چیف جسٹس رنجن گگوئی منگل کو چھٹی پر ہیں۔ اس وجہ سے سی بی آئی ڈائریکٹر آلوک ورما کی عرضی پر جسٹس سنجے کشن کول نے فیصلہ سنایا۔

جانچ بیورو کے ڈائریکٹر آلوک کمار ورما اور بیورو کے خصوصی ڈائریکٹر راکیش استھانا کے درمیان چھڑی جنگ عوامی ہونے کے بعد حکومت نے گزشتہ 23 اکتوبر کو دونوں افسران کو ان کے اختیارات سے محروم کرکے چھٹی پر بھیجنے کا فیصلہ کیا تھا۔ دونوں افسران نے ایک دوسرے پر بدعنوانی کا الزام لگایا تھا۔

ایک نظر اس پر بھی

مودی کی ’چوکیدار مہم‘ پر پرینکا نے کہاراہل ٹھیک کہتے ہیں ’امیروں کا ہوتا ہے چوکیدار‘

وزیر اعظم نریندر مودی کی ’چوکیدار مہم‘ پر کانگریس جنرل سکریٹری پرینکا گاندھی نے زور دار حملہ کیا ہے۔پی ایم مودی کے پارلیمانی حلقہ وارانسی میں ایک اجتماع سے خطاب کرتے ہوئے پرینکا گاندھی نے کہا کہ غریب لوگوں کے چوکیدار نہیں ہوتے۔

مرکزی وزیر رام داس اٹھاؤلے کا بی جے پی۔شیوسینا کو انتباہ، کہا دلت ووٹ کو کم نہ گرداناجائے

مہاراشٹر میں بی جے پی، شیو سینا کو 23 نشستیں دے کر اپنے پالے میں رکھنے میں کامیاب ہو گئی ہے لیکن ریاست میں بی جے پی کی اتحادی پارٹی آر پی آئی کے لیڈر اور راجیہ سبھا ممبر پارلیمنٹ رام داس اٹھاولے کا بیان اس کی مشکلیں بڑھا سکتا ہے۔

سشما سوراج نےمالدیپ کے وزیر داخلہ عمران عبداللہ سے ملاقات کی، دو طرفہ تعلقات پر ہوئی بحث

وزیر خارجہ سشما سوراج نے پیر کو مالدیپ کے وزیر داخلہ عمران عبداللہ سے ملاقات کی اور دونوں ممالک کے درمیان دوطرفہ تعلقات کو مسلسل آگے بڑھانے کی سمت میں اٹھائے جانے والے اقدامات پر تبادلہ خیال کیا۔