چنداکوچر کے خلاف سی بی آئی کی پی ای ہو سکتی ہے ایف آئی آر میں تبدیل

Source: S.O. News Service | By Shahid Mukhtesar | Published on 10th September 2018, 10:45 PM | ملکی خبریں |

نئی دہلی،10؍ ستمبر (ایس او نیوز؍آئی این ایس انڈیا) آئی سی آئی سی آئی بینک کی ایم ڈی اور سی او چندا کوچر کی پریشانی بڑھنے والی ہے کیونکہ ان کے خلاف سی بی آئی کی جانب سے درج پریلیمنری جانچ (پی ای)کی کاروائی ایف آئی آر میں تبدیل ہو سکتی ہے۔ یہ اطلاع سی بی آئی ذرائع سے موصول ہو ئی ہے۔

قابل ذکر ہے کہ چندا کوچر کے خلاف الزام ہے کہ انہوں نے اپنے شوہر دیپک کوچر کے کاروباری دوست اور ویڈیوکان کمپنی کے مالک وینوگوپال دھوت کے ایکسس بینک سے 3250کروڑ روپے لون لینیمین مدد کی۔ اس درمیان ملک کی تقریباً تمام مرکزی ایجنسیاں اور ریگولیٹری ادارے اس معا ملہ کی جانچ کر رہی ہے۔ انکم ٹیکس محکمہ نے چند روز قبل وینوگوپال دھوت کو پوچھ گچھ کے لئے بلایا تھا۔ یہاں تک کہ اس معاملہ میں انکم ٹیکس محکمہ دیپک کوچر کو بھی تین دنوں تک پوچھ گچھ کیلئے بلاتا رہا۔ اس کے بعد پھر اس معاملہ میں دیپک کوچرکے بھائی راجیو کوچر سے بھی پوچھ گچھ کی تھی۔ ایک آر ٹی آئی کے جواب میں دی گئی معلومات کے مطابق آر بی آئی نے بھی کہاہے کہ وہ اس معاملہ کی جانچ کررہا ہے۔ ادھر بینک انتظامیہ نے برھٹے تبازعہ کے درمیان چندا کوچر کو لمبی چھٹی پر بھیج دیا ہے۔ معلومات کے مطابق بازار ریگولیٹر سیبی نے تسلیم کیا تھا کہ قانون کے مطابق چندا کوچر اور آئی سی آئی سی آئی بینک نے بازار کو ویڈیوکان لون کی معلومات نہیں دی تھی۔ اس کو لے کر ریگولیٹری بینک اور چندا کوچر کے خلاف ایڈجوکیٹنگ پروسیڈنگ شروع کی تھی۔ دراصل اس معاملہ میں چندا کوچر پر قرض دلانے میں ویڈیوکان کمپنی کی مدد کر نے کا الزام ہے۔ حالانکہ حال میں انکم ٹیکس محکمہ مین آئی سی آئی سی آئی بینک اور وینو گوپال دھوت کی ملکیت والی کمپنی ویڈیو کان کے درمیان ہوئے ایک ریئل اسٹیٹ سودے کے سلسلہ میں جانچ شروع کی ہے ۔ ممبئی واقع 13منزلہ عمارت رادھیکا اپارٹمنٹس جسے پہلے بینک اسٹاف کی رہائش کے لئے استعمال کیا جاتا تھا، ذرائع کے مطابق اسے دھوت کی ایک فرم کو فروخت کر دیا گیا ۔ 

ایک نظر اس پر بھی

شارداچٹ فنڈ:سپریم کورٹ میں مغربی بنگال کے تین افسران کی موجودگی پر ہوگی سماعت

سپریم کورٹ نے مغربی بنگال کے چیف سکریٹری، پولیس ڈائریکٹر جنرل اور کولکاتہ کے پولیس کمشنر کو زاردا چٹ فنڈ کیس سے متعلق توہین کے معاملے میں ذاتی طور پر پیش ہونے کے بارے میں منگل کو کوئی حکم جاری نہ کرنے کا فیصلہ کیا۔

ممبرا۔اورنگ آبادداعش معاملہ، چار ریمانڈ مکمل ہوجانے کے باجود اے ٹی ایس ملزمین کے خلاف پختہ ثبوت پیش نہیں کرسکا، ایڈوکیٹ خضر پٹیل

مہاراشٹر کے اورنگ آباد اور ممبئی سے قریب مسلم آبادی والے ممبرا سے گرفتا ۹؍ مسلم نوجوانوں کو گذشتہ کل اورنگ آباد کی خصوصی یو اے پی اے عدالت نے عدالتی تحویل میں دیئے جانے کے احکامات جاری کیئے

محبوبہ مفتی نے عمران خان کو دیا جواب،کہا،پٹھان کوٹ حملے کے مجرموں کو اب تک نہیں دی گئی سزا

جموں و کشمیر کی سابق وزیر اعلی اور پی ڈی پی صدر محبوبہ مفتی نے پاکستان کے وزیر اعظم عمران خان کی طرف سے ہندوستان سے پلوامہ دہشت گردانہ حملے کا ثبوت مانگے جانے پر اپنی نا اتفاقی ظاہر کی ہے۔

پاکستان کی کلبھوشن جادھو کیس کو ملتوی کرنے کی مانگ کو عالمی عدالت نے مستردکیا

) انٹرنیشنل کورٹ آف جسٹس نے منگل کو پاکستان کی کلبھوشن جادھو کیس کو ملتوی کرنے کا مطالبہ مسترد کر دیا۔عالمی عدالت میں ہندوستانی شہری کلبھوشن جادھو کی رہائی کے معاملے میں آج پاکستان نے اپنا موقف رکھا۔