ذبح کے لیے مویشیوں کی خریدوفروخت پر پابندی سے متعلق ہدایت کو لے کر مرکز کو نوٹس

Source: S.O. News Service | By Shahid Mukhtesar | Published on 16th June 2017, 3:48 PM | ملکی خبریں |

نئی دہلی،15؍جون(ایس او نیوز؍آئی این ایس انڈیا) مویشی بازاروں میں ذبح کرنے کے مقصدسے مویشیوں کی خریدو فروخت کئے جانے پر پابندی لگانے والے مرکز کے متنازعہ نوٹیفکیشن کو چیلنج دینے والی درخواستوں پرسپریم کورٹ نے حکومت سے جواب طلب کیا ہے۔جسٹس آرکے اگروال اور جسٹس ایس کے کول کی بنچ نے مرکزکونوٹس جاری کر کے نوٹیفکیشن کو چیلنج کرنے والی دو درخواستوں پر دو ہفتے کے اندر جواب دینے کو کہا ہے۔عدالت نے معاملہ کی اگلی سماعت کے لیے 11؍جولائی کی تاریخ مقرر کی ہے۔مرکز کی جانب سے پیش ہوئے ایڈیشنل سالیسٹر جنرل پی ایس نرسمہا نے بنچ کو بتایا کہ یہ نوٹیفکیشن جاری کرنے کے پیچھے منشا ملک بھر کے مویشی بازاروں کے لیے قوانین نظام لانے کی ہے۔انہوں نے عدالت سے کہا کہ مدراس ہائی کورٹ نے بھی نوٹیفکیشن پر عبوری روک کی ہدایت جاری کی ہے۔عدالت میں نوٹیفکیشن کو چیلنج کرنے والی دو درخواستوں میں سے ایک میں دعوی کیا گیا ہے کہ نوٹیفکیشن کی تجویز غیر آئینی ہیں ،کیونکہ وہ ضمیر کی آزادی، مذہب اور ذریعہ معاش کی آزادی جیسے بنیادی حقوق کی خلاف ورزی کرتی ہیں۔غورطلب ہے کہ مرکز نے 26؍مئی کو ایک نوٹیفکیشن جاری کرکے ملک بھر کے مویشی بازاروں میں ذبح کے لیے جانوروں کی خرید وفروخت کئے جانے پر پابندی لگا دی تھی۔

ایک نظر اس پر بھی

اسمبلی میں وزیراعلیٰ کا وداعی خطاب، پانچ سالہ کارکردگی کااحاطہ اقتدا ر پر دوبارہ ہم ہی لوٹ آئیں گے، اس میں شک وشبہ نہ کریں: سدارامیا

ریاست کرناٹک میں 14ویں اسمبلی کے آخری سیشن کے آخری دن وزیراعلیٰ سدارامیا اپنی وداعی تقریر کرتے ہوئے کہاکہ پچھلے 5سالوں کے دوران ان کی حکومت کئی عوام دوست پروگراموں کو جاری کرکے ریاست میں ایک اچھا اور شفاف انتظامیہ فراہم کیا اور دعویٰ کیا کہ دوبارہ ہم ہی اقتدار پر لوٹ آئیں گے ...

کمل ہاسن نے کیا”عوامی انصاف جماعت“ نامی نئی سیاسی پارٹی کا اعلان؛ سابق صدر عبدالکلام کے گھر سےہوا سیاسی سفر کا آغاز؛ اروند کجرایول نے کیا خیرمقدم

ٹاملناڈو کے مقبول عام اداکار کمل ہاسن نے سابق صدرجمہوریہ اے پی جے عبدالکلام مرحوم کے مقبرہ سے آج اپنے سیاسی سفر کا آغاز کیا اور اپنی پارٹی ’مکل نیدھی مییم‘ (ایم این ایم) کی تشکیل کا اعلان کیا ۔

میزورم میں اسرائیلی اشتراک کے ساتھ زراعت کے پہلے علاقائی مرکز کا افتتاح 7 مارچ کو

بھارت میں اسرائیل کے سفیر ڈینئل کارمن نے آج یہاں شمال مشرقی خطے کی ترقی کے مرکزی وزیر مملکت ( آزادانہ چارج )وزیر اعظم کے دفتر ، عملے ، عوامی شکایات اور پنشن ، ایٹمی توانائی اور خلاء کے وزیر مملکت ڈاکٹر جتیندر سنگھ سے ملاقات کی۔

کجریوال ایمانداراورمہذب آدمی ہیں،شتروگھن سنہانے گھیرا،نیرومودی کے معاملے کوچھپانے کے لیے چیف سکریٹری تنازعہ کھڑاکیاگیا

بی جے پی کے باغی لیڈر شتروگھن سنہا نے مبینہ طور پر بدھ کو کہا کہ بھگوا پارٹی پنجاب نیشنل بینک گھپلہ سے عوام کی توجہ ہٹانے کے لیے دہلی چیف سکریٹری معاملہ کو طول دے رہی ہے۔

دیوبند میں منایا جارہا ہے’’شریعت ہمارا اعزاز ہے‘‘ ہفتہ؛ اسلامک اکیڈمی کے ڈائرکٹر نے کی سراہنا؛ کہا ، پوری امت کی طرف سے فرض کفایہ

دفاع شریعت کے لئے معہد عائشہ صدیقہ قاسم العلوم للبنات دیوبند کی انتظامیہ اور فاضلات کی جانب سے ہفتہ ’’شریعت ہمارا اعزاز ہے ‘‘ پوری امت کی جانب سے فرض کفایہ ہے ،اور ملت کی خواتین میں شریعت کے حوالے سے بیداری لانے کی ایک عظیم کوشش ہے کیونکہ پچھلے کئی سالوں سے تحفظ حقوق نسواں کے ...