بینکوں کے اے ٹی ایم کیوں ہو گئے خالی، یہ ہے سب سے بڑی وجہ
نئی دہلی ،18؍اپریل(ایس او نیوز؍آئی این ایس انڈیا) اے ٹی ایم کو 200 روپے کے نوٹ کو مطابقت پیدا کرنے میں تاخیر ملک کے کچھ حصوں میں نقد ی بحران کی ایک وجہ ہے۔ ذرائع نے کہا کہ ریزرو بینک کی طرف سے 200 روپے کا نوٹ پیش کئے جانے کے بعد اے ٹی ایم کو اس سے مطابقت کا حامل بنانے کا فیصلہ کیا گیا ہے ۔ ذرائع نے بتایا کہ یہ مہم فوری طور پر شروع ہو گیا؛ لیکن ملک کے کچھ حصوں میں اس میں تاخیر ہوئی ہے ۔ ریزرو بینک نے کہا کہ ملک کے مختلف حصوں میں نقدی رقم کے بحران کی ایک وجہ اے ٹی ایم کو تیزی سے بھرنے میں لاجسٹکس کا مسئلہ بھی ہے ۔ علاوہ ازیں اے ٹی ایم کو نئے جاری کردہ نوٹ سے مطابقت کاحامل بنانے کا کام بھی چل رہا ہے۔ اس دوران گزشتہ چند دن سے دو ہزار کے نوٹ کی پرنٹنگ بھی رکی ہوئی ہے۔ اقتصادی امور کے سیکرٹری ایس سی گرگ نے کہا کہ دو ہزار کے نوٹ کی مزید فراہمی کی ضرورت نہیں ہے ؛کیونکہ یہ پہلے سے ہی کثیر فراہمی کی پوزیشن میں ہے ۔ واضح ہو کہ آج مسلسل دوسرے دن بھی کئی مقامات پر اے ٹی ایم خالی پڑے ہیں ، نو کیش کا بورڈ لگا ہوا ہے،کئی جگہ لوگ لائن میں کھڑے ہیں۔ اس دوران وزارت خزانہ کا کہنا ہے کہ بازار میں کافی سے زیادہ نقدی ہے۔ اچانک ڈیمانڈ کی وجہ سے کچھ ریاستوں میں کمی ہے، جسے جلد ہی دور کر لیا جائے گا۔ وزیر شیو پرتاپ شکلا نے کہا کہ پیسے کی کوئی کمی نہیں ہے۔ 1.5 لاکھ کروڑ سے زیادہ کی کرنسی ہمارے پاس ہے۔ تھوڑی بہت صورتحال ایسے ہوتی ہے کہیں پیسہ زیادہ ہو جاتا ہے کہیں کم ہو جاتے ہیں ، بلاوجہ عوام میں خوف پھیلایا گیا، یہ ٹھیک نہیں ہے۔
