کنڑا کیلئے جدوجہد کرنے والوں پر مقدمات واپس: سدرامیا

Source: S.O. News Service | By I.G. Bhatkali | Published on 14th October 2017, 10:35 PM | ریاستی خبریں |

بنگلورو۔14؍اکتوبر(ایس او  نیوز) وزیر اعلیٰ سدرامیا نے کہاکہ کنڑا زبان ، زمین اور اس کے مفادات کیلئے جدوجہد میں شامل افراد کے خلاف جو بھی فوجداری مقدمے درج ہیں ریاستی حکومت وہ تمام واپس لے لے گی۔ آج بنگلور پیالیس گراؤنڈ میں کرناٹکا رکشنا ویدیکے کے زیر اہتمام منعقدہ کنڑیگا کانفرنس کا افتتاح کرتے ہوئے وزیر اعلیٰ نے کہاکہ کنڑا زبان زمین، اور پانی کے علاوہ دیگر مفادات کی حفاظت کیلئے تحریک چلانے والوں کے خلاف جو بھی مقدمے درج کئے گئے ہیں حکومت فوری طور پر انہیں واپس لے لے گی۔ سدرامیا نے کہاکہ کرناٹک میں صرف کنڑا کا ہی بول بالا ہوگا۔ دوسرے لوگوں کی مادری زبان جو بھی ہو انہیں کنڑا سیکھنا لازمی ہوگا۔جس طرح تملناڈو میں تمل اور کیرلا میں ملیالم کو فوقیت حاصل ہے، کنڑا کو بھی کرناٹک میں یہی مقام ملنا چاہئے۔ وزیراعلیٰ نے ریاست میں کنڑا کے استعمال کو بڑھانے پر زور دیتے ہوئے کہاکہ اس سلسلے میں کنڑا تحریک میں مصروف تنظیموں کو اور بھی بڑے پیمانے پر جد وجہد کرنی ہوگی۔ انہوں نے کہاکہ کنڑا کیلئے جدوجہد کرتے ہوئے ان تنظیموں کے کارندوں کو کئی مشکلات کا سامنا کرنا پڑا ہے۔ان پر بے دریغ مقدمے درج کئے گئے ہیں۔ کنڑیگاؤں کے مفادات کی حفاظت کی خاطر ریاستی حکومت ان مقدمات کو واپس لینے کی پابندہے۔ انہوں نے کہاکہ کرناٹک سارے ملک کیلئے امن کا گہوارہ رہا ہے۔اس ریاست کے امن وامان کو درہم برہم کرنے کی کوئی بھی کوشش حکومت برداشت نہیں کرے گی۔ کرناٹک کیلئے علیحدہ پرچم کے متعلق وزیراعلیٰ نے کہاکہ کچھ لوگوں نے انہیں اس سلسلے میں بحث کو متنازعہ قرار دیتے ہوئے اس سے گریز کرنے کا مشورہ دیا، لیکن کنڑا کی خاطر انہوں نے اس پر اپنی رائے قائم کی ۔ انہوں نے کہاکہ کنڑا کیلئے علیحدہ پرچم کے معاملے میں ان کا موقف اب بھی یہی ہے کہ جب امریکہ کی متعدد ریاستوں کیلئے الگ الگ پرچم ہوسکتا ہے، تو کرناٹک جیسی ریاست ملک میں اپنا الگ پرچم کیوں نہیں رکھ سکتی۔ اس علاحدہ پرچم کا مقصد ترنگا کی توہین قطعاً نہیں ہے۔ملک کے آئین میں بھی ایسا کہیں درج نہیں ہے کہ کوئی ریاست اپنا علیحدہ پرچم نہیں رکھ سکتی ، بلکہ ریاستوں کو یہ اختیار ہے کہ اپنی پسند کے مطابق پرچم اپنائیں۔ انہوں نے کہاکہ جنوبی ہند کی تمام ریاستوں تملناڈو، آندھرا پردیش، کیرلا کو کرناٹک کے ساتھ اپنا الگ الگ پرچم اپنانا چاہئے۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔