منڈگوڈ میں کار اور بائک کی ٹکر؛ بائک سوار جاں بحق اہلیہ شدید زخمی

Source: S.O. News Service | By I.G. Bhatkali | Published on 31st January 2019, 12:49 AM | ساحلی خبریں |

منڈگوڈ 30/جنوری (ایس او نیوز/نذیر تاڈپدری) یہاں سرسی روڈ کے  شیگنلّی گرام روڈ پر  ایک تیز رفتار کار  کی بائک سے ٹکر ہوگئی، جس کے نتیجے میں بائک پر سوار 25 سالہ مناف منگسولے کی موقع پر ہی موت واقع ہوگئی، جبکہ حادثے میں بائک کی پچھلی سیٹ پر سوار اس کی اہلیہ رمیضہ منگسولے (19) شدید زخمی ہوگئی۔

بتایا گیا ہے کہ دونوں کی حال ہی میں شادی ہوئی تھی اور آج بدھ کو مناف اپنی نئی نویلی دلہن کو اپنی ماں کے گھر ملگی دیہات سے جگلی پیٹ لے جارہا تھا جس کے دوران شیگنلّی بریج کے قریب ایک تیز رفتار اسکورپیو کار اس کی بائک سے ٹکراگئی۔ کار تمل ناڈو سے آرہی تھی۔

کار  بائک  ٹکر کی شدت کا اندازہ اس بات سے لگایا جاسکتا ہے کہ ٹکر لگنے کے بعد مہلوک نوجوان کا پاوں جسم سے الگ ہوکر جنگل میں جاگرا اور بائک کے پرخچے اُڑ گئے۔ نوجوان مناف نے موقع پر ہی دم توڑ دیا، مگر اس کی اہلیہ شدید زخمی ہوگئی جسے قریبی سرکاری اسپتال میں ابتدائی طبی امداد کے بعد ہبلی کیمس روانہ کیا گیا ہے۔

منڈگوڈ پولس تھانہ میں معاملہ درج کیا گیا ہے اور پولس مزید چھان بین کررہی ہے۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...