مینگلور یکم جون (ایس او نیوز) یہاں کاوور نامی مقام پر اچانک چلتی کار آگ کے شعلوں میں لپٹ گئی، مگر کار ڈرائیور معجزاتی طور پر کار سے باہر نکل کر اپنی جان بچانے میں کامیاب ہوگیا۔ یہ واقعہ جمعہ کی شب کو پیش آیا۔

ہیونڈائی آئی۔20 کار کاوور جنکشن سے گذر رہی تھی کہ اچانک اس میں آگ لگ گئی، اور آگ کے شعلے اتنے بلند ہوگئے کہ  دیکھتے ہی دیکھتے پوری کار جل کر خاک ہوگئی، کار ڈرائیور نے آگ کے شعلے بلند ہوتے ہی کار سے باہر نکل گیا، اور وہ بچ نکلنے میں کامیاب ہوگیا۔ پولس نے بتایا کہ یہ کار بجپے کے رہنے والے جیاراج نامی شخص کی تھی۔ سمجھا جارہا ہے کہ شارٹ سرکیوٹ کی وجہ سے آگ لگی ہوگی۔