اڈپی 15؍مارچ (ایس او نیوز) سنتے کٹّے کے قریب نیشنل ہائی وے پر طلبہ کو اسکول لے جارہے آٹو رکشہ اور ایک کار کے درمیان تصادم ہو ا جس کے نتیجے میں آٹو ڈرائیور کے علاوہ7اسکولی بچے زخمی ہوگئے۔

موصولہ رپورٹ کے مطابق سنتے کٹّے سے ایک ماروتی کار اڈپی شہر کی طرف دوڑ رہی تھی اسی وقت چوراہے پردوسری موٹر گاڑی کو اوور ٹیک کرنے کی کوشش میں وہ کار اسکولی بچوں کے رکشہ سے  ٹکراگئی۔ تصادم کی وجہ سے آٹو رکشہ کا سامنے والا حصہ بری طرح تباہ ہوگیا ہے۔اس حادثے میں رکشہ میں موجود کلیان پور انگلش میڈیم اسکول کے 7بچے اور آٹو رکشہ ڈرائیور جان زخمی ہوگئے۔تمام زخمی بچوں کو علاج کے لئے منی پال اسپتال میں منتقل کیا گیا ہے۔

اُڈپی شہری پولیس تھانے کے افسران نے جائے حادثہ پر پہنچ کر معائنہ کیا بعد میں کیس درج کرلیا۔