کانگریس کی اجازت کے بغیر میں کچھ نہیں کرسکتا: وزیر اعلیٰ ایچ ڈی کمار سوامی

Source: S.O. News Service | By Shahid Mukhtesar | Published on 29th May 2018, 11:23 AM | ریاستی خبریں | ملکی خبریں |

کابینہ تشکیل عنقریب :وزیراعلیٰ پر ایڈی یورپا کا تازہ حملہ۔ ایک ہفتہ میں زرعی قرضے معاف کریں ورنہ مستعفی ہوجائیں

بنگلورو؍نئی دہلی،28؍مئی (ایس او نیوز) کرناٹک کے وزیر اعلیٰ ایچ ڈی کمار سوامی نے آج نئی دہلی میں وزیراعظم نریندر مودی سے ملاقات کرکے مہادائی آبی تنازعہ کے حل کے لئے متعلقہ ریاستوں کے تین وزرائے اعلیٰ کا اجلاس طلب کرنے کی درخواست کی۔ کمار سوامی کی کرناٹک کے وزیراعلیٰ بننے کے بعد وزیرا عظم سے یہ ایک خیرسگالی ملاقات تھی اس کا فائدہ اٹھاتے ہوئے کمار سوامی نہ صرف مہادائی آبی تنازعہ میں مداخلت کرنے کی درخواست کی بلکہ ریاست کرناٹک کی ترقی میں مرکز کے بھرپور تعاون کی بھی گزارش کی۔ وزیراعظم سے ملاقات کے فوری بعد دہلی میں ایک اخباری کانفرنس سے خطاب کرتے ہوئے کمار سوامی نے کہاکہ میں عام لوگوں کے ساتھ ہوں۔ جس طرح میں عام لوگوں کے ساتھ کھڑا ہوں ایسا کوئی دوسرا لیڈر نہیں کھڑا ہے۔ میں نے کہا تھا کہ کسانوں کے زرعی قرضے معاف کئے جائیں گے۔ میں اپنے موقف پر اٹل ہوں۔ چہارشنبہ تک انتظار کیجئے۔ یہ ایک مخلوط حکومت ہے۔ کسانوں کے قرضے معاف کرنے کے لئے کانگریس کی بھی منظوری چاہئے۔ انہوں نے اپیل کی کہ لوگ سیاست کا شکار نہ ہوں۔ انہوں نے کہاکہ آج میں نے وزیراعظم سے ملاقات کی۔ کئی اہم پہلوؤں پر گفتگو ہوئی جن میں مہادائی آبی تنازعہ بھی شامل ہے۔ ان سے یہ بھی کہاگیا کہ ریاست کرناٹک میں دوتھرمل پاور پلانٹس ہیں جن کے لئے فوری کوئلہ کی ضرورت ہے۔ ہمارے پاس صرف دودنوں کا کوئلہ ہی موجود ہے۔ ان کے علاوہ میں نے وزیراعظم سے دیگر امور پر بھی گفتگو کی۔ وزیراعظم نے بھی مجھے کئی مشورے دیئے ہیں۔ انہوں نے اپنے سیاسی تجربات کی روشنی میں بھی مجھے مشورے دیئے ہیں جس کے لئے میں ان کا شکر گزار ہوں۔ اس دورہ کے دوران وزیراعلیٰ کمار سوامی نے راج گھاٹ کا دورہ کرکے بابائے قوم مہاتماگاندھی کی سمادھی پر پھول چڑھاکر انہیں خراج عقیدت بھی پیش کیا۔ دہلی میں نامہ نگاروں کے کئے گئے سوالوں کا جواب دیتے ہوئے کہاکہ کسانوں کے قرضوں کو معاف کرنے کے لئے میں نے چہارشنبہ تک کی مہلت مانگی ہے۔ اگر میں قرضے معاف نہ کرسکا تو سیاست سے کنارہ کشی اختیارکرلوں گا۔ ویسے تو میں اس معاملہ میں خاموش نہیں۔ آج بند کے لئے بی جے پی لیڈر بی ایس ایڈی یورپا کی جانب سے دی گئی آواز پر تبصرہ کرتے ہوئے کہاکہ آج شمالی کرناٹک کے چار کسانوں نے خودکشی کرلی۔ ان کے کنبوں کی دیکھ بھال کے لئے کیا ایڈی یورپا ذمہ دار رہیں گے۔

ایڈی یورپا کی تازہ دھمکی:بی جے پی لیڈر ایڈی یورپا نے وزیراعلیٰ کمار سوامی کو آج تازہ دھمکی دی ہے کہ اگر وہ ایک ہفتہ میں کسانوں کے 53؍ہزار کروڑ روپئے کے زرعی قرضے معاف کرنے میں ناکام رہے تو انہیں اپنے وعدہ کے مطابق وزیراعلیٰ کے عہدہ سے استعفیٰ دے دینا چاہئے۔ کمار سوامی ابھی سنبھل ہی نہیں پائے ہیں۔ ایڈی یورپا نے ان پر یکے بعد دیگرے حملہ شروع کردیا ہے۔ ایڈی یورپا کو معلوم ہونا چاہئے کہ ریاستی حکومت ایک مخلوط حکومت ہے۔ کانگریس کی منظوری کے بغیر کمار سوامی واحد زرعی قرضے معاف کرنے کا فیصلہ نہیں لے سکتے۔ اس کے باوجود بی جے پی لیڈر اپنے حملے جاری رکھے ہوئے ہیں۔بی جے پی کے طلب کردہ کرناٹک بند کی ناکامی کے بعد ایڈی یورپا بوکھلا گئے ہیں۔اس بوکھلاہٹ میں وہ کمارسوامی پر یکے بعد دیگرے حملہ کررہے ہیں۔حالانکہ تمام جانتے ہیں کہ ایڈیورپا کو کسانوں کی ہمدردی سے زیادہ کمارسوامی حکومت کو پریشان کرنا مقصد ہے۔ کمارسوامی پر ایڈی یورپانے تازہ حملہ اس وقت کیا ہے جب کمار سوامی نے ایک اخباری بیان میں آج کہا کہ اگر انہوں نے ایک ہفتہ کے اندر کسانوں کے قرضے معاف کرنے میں ناکام رہے تو وہ استعفیٰ دے دیں گے۔

کرناٹک بند ناکام : کرناٹک بند کی ناکامی پر اپنا رد عمل ظاہر کرتے ہوئے ایڈی یورپا نے کہا کہ ان کی اطلاع کے مطابق بند کا اچھا رد عمل رہا۔ اپنی اس ناکامی کو چھپانے کی کوشش کرتے ہوئے ایڈی یورپا نے کہاکہ میں کسی پر نکتہ چینی نہیں کرنا چاہتا (میڈیا بھی شامل ہے) بند کا اچھا ردعمل رہا اور ہمیں معلوم بھی ہوگیا کہ کسان ہمارے ساتھ ہیں۔ ایڈی یورپا نے مزید کہاکہ اس بند کے لئے پارٹی نے کسی بھی ادارہ کا تعاون حاصل نہیں کیا تھا۔ وزارت کی تشکیل میں ہورہی تاخیر پر کانگریس جے ڈی ایس حکومت پر حملہ کرتے ہوئے انہوں نے کہاکہ کمار سوامی اعتماد کا ووٹ حاصل کئے 5؍دن ہوگئے لیکن ابھی تک وزارت کی تشکیل نہیں ہوئی ہے۔ انہوں نے کہاکہ لوگ اس سے محسوس کرسکتے ہیں کہ کانگریس اور جے ڈی ایس کے درمیان کس قدر تال میل ہے۔ قلمدانوں کی تقسیم کا ڈرامہ اب نئی دہلی میں چل رہا ہے۔ راہل گاندھی ہندوستان میں نہیں۔ وہ امریکہ میں ہیں اور کابینہ کی تشکیل کی ذمہ داری غلام نبی آزاد کو دی گئی ہے۔ عوام اندازہ لگاسکتے ہیں کہ مخلوط حکومت کتنی موثر ہے۔ سابق وزیراعظم دیوے گوڑا پر حملہ کرتے ہوئے ایڈی یورپا نے کہاکہ وہ آنے والے دنوں میں دستاویزی ثبوتوں کے ساتھ انہیں بے نقاب کریں گے اور کہا کہ مجھے دیوے گوڑا سے پارلیمانی زبان سیکھنے کی ضرورت نہیں۔ 
 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...