منسوخ نوٹس کی ضبطی کا معاملہ: سابق کارپوریٹر بم ناگا کی ضمانت قبل از گرفتاری کی عرضی

Source: S.O. News Service | By Jafar Sadique Nooruddin | Published on 20th April 2017, 2:27 AM | ریاستی خبریں |

بنگلورو:19/اپریل(ایس او نیوز) سابق کارپوریٹر و ہسٹری شیٹر ناگاراج عرف بم ناگا نے بنگلورو کی ایک مقامی عدالت میں ضمانت قبل ازگرفتاری کی عرضی داخل کی۔بم ناگا ' 14ا پریل کو اس کے گھر سے پولیس کی جانب سے 14.80کروڑ روپے کی منسوخ شدہ کرنسی نوٹوں کی ضبطی کے بعد سے فرار ہے۔ذرائع کے مطابق اپنی ضمانت کی عرضی میں ناگاراج نے کہا کہ عوام میں اس کی صاف شبیہ ہے اور پولیس اس معاملہ میں جھوٹے طور پر اسے ماخوذ کرتے ہوئے اس شبیہہ کو خراب کرنے کی کوشش کررہی ہے۔ اس نے کہا '' مجھے نہیں پتہ کہ میرے گھر سے کتنی رقم ضبط کی گئی ہے۔ مجھے شبہ ہے کہ میری شبیہہ کو متاثر کرنے کیلئے یہ ایک منظم سازش ہے۔کرنسی نوٹوں کو تبدیل کرنے کے معاملہ کے ملزم اومیش نے 7اپریل کو ناگراج کے خلاف شکایت کرتے ہوئے کہا تھا کہ اس کا اغوا کرتے ہوئے ناگراج کے گھر لے جایا گیا اور 50لاکھ روپے ادا کرنے پر اس کی رہائی عمل میں آئی۔ اس شکایت کے بعد پولیس نے ناگاراج کے مکان کی تلاشی لیتے ہوئے 14.80کروڑ روپے مالیت کی منسوخ شدہ نوٹس ضبط کئے۔ناگراج اور اس کے دو بیٹے شاستری ' گاندھی فرار ہوگئے۔ 2اپریل کو سنٹرل کرائم برانچ پولیس نے اومیش کو دیگر 13افراد کے ساتھ اس وقت گرفتار کیا تھا جب وہ 9.1کروڑ روپے کی منسوخ شدہ کرنسی کو قانونی حیثیت رکھنے والی کرنسی سے تبدیل کرنے کا کام کررہا تھا۔ اسے بعدازاں ضمانت پر رہا کردیا گیا۔پولیس ذرائع نے کہا کہ اس معاملہ میں عدالت سے انہیں ہنوز کوئی اطلاع نہیں ملی ہے۔ اگر اس کی ضمانت قبل از گرفتاری منظور ہوتی ہے تو ہم عدالت میں اعتراض کرتے ہوئے ایک عرضی داخل کریں گے۔پولیس ذرائع نے کہا کہ ناگراج کی نقل و حرکت پر نظر رکھنے کیلئے پولیس کی جانب سے خصوصی ٹیمیں تشکیل دی گئی ہیں جو شبہ کیاجاتا ہے کہ ٹاملناڈو میں چھپا ہوا ہے۔

ایک نظر اس پر بھی

بی جے پی کی کرناٹک کی تیسری فہرست جاری

بی جے پی نے آج ریاستی اسمبلی کے انتخابات کے لئے 59 امیدواروں کی تیسری فہرست جاری کردی۔بی جے پی نے اب تک 213 امیدواروں کا اعلان کیا ہے جبکہ 13 سیٹوں پر امیدواروں کا اعلان کیا جانا باقی ہے ۔

دیوے گوڈا نے سدرامیا حکومت کوبدعنوان قرار دیا، مودی اور امت شاہ کی نکتہ چینی کرنے سے سابق وزیر اعظم کا انکار

سابق وزیراعظم اور جنتادل (ایس) صدر ایچ ڈی کمار سوامی نے ریاست کی سدرامیا حکومت کو سب سے بدعنوان حکومت قرار دیا اور کہاکہ سدرامیا جو جنتادل (ایس) کو ختم کردینے کا خواب دیکھ رہے ہیں ریاستی عوام انہیں سبق سکھائیں گے۔

آر ٹی ای کے تحت داخلوں کا عمل شروع

حق تعلیم قانون کے تحت اسکولی بچوں کے داخلوں کا عمل شروع ہوچکا ہے۔ ہزاروں کی تعداد میں لوگوں نے اس قانون کے تحت اپنے قریبی اسکولوں میں اپنے بچوں کے داخلوں کے لئے آر ٹی ای درخواستیں دائر کی ہیں،

امیت شاہ کا باربار دورہ ،ریاست نہیں سیاست کیلئے بی جے پی صدر کو کرناٹک کے بارے میں معلومات ہی نہیں : کے جے جارج

بنگلورو ترقیات وزیر کے جے جارج نے کہاکہ بھارتیہ جنتاپارٹی( بی جے پی) کے قومی صدر امیت شاہ باربار کرناٹک کاجودورہ کرنے لگے ہیں وہ ریاست سے محبت اورلگاؤنہیں بلکہ جھوٹی سیاست کرنے کے مقصد سے آرہے ہیں۔

میں وزیراعظم کی کرسی کے خواب نہیں دیکھتا: سدرامیا

وزیر اعلیٰ سدرامیا نے کہاکہ پچھلے پانچ سال کے دوران ریاست میں کانگریس نے بدعنوانی سے پاک انتظامیہ فراہم کیاہے، اگلے پانچ سال کے دوران بھی ریاست میں کانگریس حکومت انتہائی شفاف انتظامیہ فراہم کرنے کے لئے پوری طرح کمر بستہ ہے، کانگریس پارٹی کو انتخابات میں واضح اکثریت کاپورا ...