بھٹکل:یکم فروری (ایس اؤنیوز)مرڈیشور کے آر این ایس پالی ٹکنک میں بنگلورو ٹویوٹا انڈسٹریز انجن انڈیا پرائیویٹ لمیٹیڈ کمپنی کی طر ف سے منعقدہ کیمپس انٹرویو میں ضلع کے مختلف مقامات سے شریک ہوئے 34طلبا منتخب ہونے کی جانکاری پلیس منٹ افسر ،نائب پرنسپال کے مری سوامی کی طرف سے جاری کردہ پریس ریلیز میں دی گئی ہے۔

کیمپس انٹرویو میں اترکنڑا ضلع کے سرسی ، کاروار، منڈگوڈ، کنداپور، منگلورو اور مرڈیشور کے ڈپلوما فائنل میں زیر تعلیم 67طلبا شریک ہوئے تھے۔ کیمپس انٹرویو میں شریک طلبا کاکمپنی کے ذمہ داران نے تحریری ٹسٹ کے ساتھ انٹرویو بھی لیا ، جس کی بنیاد پر 34طلبا کو منتخب کرلینےکی جانکاری دی گئی ہے۔ اس موقع پرمنتخب طلبا کو آر این ایس تعلیمی اداروں کے ڈائرکٹر ایم وی ہیگڈے ، پرنسپال سنتوش آر اے نے مبارکبادی پیش کی ۔ انتخابی کارروائی میں ٹویوٹا کمپنی کے سنئیر مینجر پروین کمار اور اسکل ڈپارٹمنٹ بنگلورو کی منجولا رمیش نے نگرانی کی ۔