نئی دہلی ،17؍جنوری (ایس او نیوز؍آئی این ایس انڈیا)بایاں محاذ نے حجاج کرام کو ملنے والی سبسڈی ختم کرنے کے مرکزی حکومت کے فیصلے پر تنقید کرتے ہوئے اسے بھید بھاؤ اور زبردستی قدم بتایا ہے۔سی پی ایم پولٹ بیورو کی جانب سے آج جاری بیان کے مطابق مرکزی حکومت نے حجاج کرام کی سبسڈی پر اچانک روک لگا دی ہے، جبکہ سپریم کورٹ نے سال 2012میں دیئے فیصلے میں حکومت کو دس سال کی مدت میں مرحلہ وار طریقے سے سبسڈی ختم کرنے کا حکم دیا تھا۔حکومت کی طرف سے اچانک سبسڈی روکنے کا فیصلہ زبرستی اور غیرحوصلہ افزائی ہے۔بیان کے مطابق سیکولر ریاست کے اصول کے تحت سی پی ایم حکومت کے ذریعہ حجاج کرام کی حامی نہیں ہے، یہ کسی بھی مذہب سے متعلق کیوں نہ ہواس لحاظ سے ایسی کسی مذہبی سرگرمی کوسینٹر یا ریاستی حکومتوں کی جانب سے مالی مدد نہیں دی جانی چاہیے، جبکہ یہ سلسلہ اب بھی جاری ہے۔سی پی آئی لیڈر اتل کمار انجان نے بھی مرکزی حکومت کے اس فیصلے کو گیرضروری بتایا ہے۔انجان نے کہا کہ حکومت کا یہ غیر ضروری قدم ملک میں فرقہ واریت کے احساس کو ابھارنے والا ثابت ہوگا۔