کیلیفورنیا کی جنگلاتی آگ، ہلاکتوں کی تعداد 40 ہو گئی
واشنگٹن15اکتوبر ( ایس او نیوز؍آئی این ایس انڈیا)امریکی ریاست کیلیفورنیا کے شمالی حصے میں لگی ہوئی آگ ابھی تک کنٹرول سے باہر ہے۔ گزشتہ سات ایام سے لگی ہوئی آگ کی لپیٹ میں آ کر ہلاک ہونے والے افراد کی کم از کم تعداد 40 تک پہنچ گئی ہے۔ ان میں صرف 22 افراد سونوما کاؤنٹی میں جھلس کر لقمہ? اجل بنے ہیں۔ حکام کے مطابق کیلیفورنیا میں آگ لگنے کے کسی بھی واقعے میں ہونے والی یہ سب سے زیادہ ہلاکتیں ہیں۔ اب تک ایک لاکھ سے زائد افراد کو جنگلاتی آگ والے علاقوں سے محفوظ مقامات پر منتقل کیا جا چکا ہے۔ مختلف امریکی ریاستوں کے دس ہزار سے زائد فائر فائٹرز آگ پر قابو پانے کی کوششوں میں مصروف ہیں۔ جنگلاتی آگ کے علاقے کا حجم دو لاکھ چودہ ہزار ایکڑ بتایا گیا ہے۔