مسلمان رمضان کے آخری عشرہ میں توبہ استغفار کی کثرت کریں :ڈاکٹرازہری
کالی کٹ 27 جون (ایس او نیوز)رمضان المبارک کے آخری عشرہ میں عبادت وریاضت ،توبہ استغفار کے بے شمار فضائل ہیں ۔مسجد میں ایک لمحہ کااعتکاف حصول جنت کا اہم زریعہ ہے ۔آخری عشرہ کی اہم طاق راتوں میں شب غذاری قیام اللیل اہم عبادتوں میں سے ہے ۔مذکورہ خیالات کا اظہار ڈائریکٹر جامعہ مرکز الثقافہ ڈاکٹر عبدالحکیم ازہری نے آج یہاں کالی کٹ میں منعقد ہ پریس کانفرنس سے خطاب کرتے ہوئے کیا۔ انہوں نے کہاکہ مسلمان آخری عشرہ میں توبہ استغفار کی کثرت کریں ، اس سلسلہ میں مرکز الثقافہ کے زیر اہتمام 29جون کو عظیم الشان پیمانہ پر صحن مرکز میں ایک روز روحانی کانفرنس کا انعقاد ہونے جارہاہے ۔جس میں سادات کیرالہ ،مشائخ اور ریاست کی اہم مقتدر شخصیات سمیت ہزاروں کی تعداد میں فرزندان توحید شریک ہورہے ہیں ۔ڈاکٹر ازہری نے پروگرام کی تفصیلات پر روشنی ڈالتے ہوئے کہاکہ بعد نماز ظہر قرآن اجلاس کا انعقاد ہوگا جس کا افتتاح سی محمد فیضی کرینگے ۔جس میں بحیثیت مقرر خصوصی ابوبکر ثقافی ہونگے ۔تین بجے بدر مولود ہوگا،حضرت سیدعبدالفتاح سر پرستی فرمائیں گے ۔بعد نماز عصرقصیدہ بردہ شریف ہوگا جسکی صدارت سید زین العابدین بافقیہ کرینگے ۔بعدہ عظیم الشان پیمانہ پر اجتماعی افطار پارٹی ہوگی ۔عشاءاور تراویح نماز کے بعد وسیع پیمانہ پر روحانی کانفرنس منعقد ہوگی ۔جس میں بحیثیت مقرر خصوصی آل اندیا سنی جمعیة العلماءکے جنرل سکریٹری ہونگے ۔جس کا افتتاح سنی جمعیة العلماءکیرالہ کے صدر ای سلیمان مسلیارکرینگے ۔انہوں نے بتایا کہ رات کے آخری حصہ میں مجلس توبہ ،تہلیل ذکر اور خصوصی دعاءہوگی ۔ڈاکٹر ازہری نے بتایا کہ اجلاس کی تیاریاں مکمل کرلی گئیں ہیں ۔اجلاس کے اہم شرکاءسید یوسف البخاری ،سید علی بافقیہ ، ای سلیمان مسلیار سید ابراہیم خلیل بخاری،مولانا عبدالقادر ،ایم اے ایچ ازہری ،دکتورحسین ثقافی ،رحمة اللہ ثقافی ،سید حبیب کویا،سید ضیاءالمصطفے ،سید پی کے ایس ،سید شرف الدین جمل الیل ،سید تراب ثقافی ،سید طہ ،سید صالح تراب ،اے پی محمد مسلیار سمیت دیگر اراکین جامعہ موجود ہونگے ۔
1 Comment
ماشاء اللہ دعوت دین کے فروغ میں آپکا اہم قدم ہے ۔ مرکزالثقافہ آپ کی تمام ٹیم کا شکریہ اد کرتا ہے اور دعا گو ہے ۔