روہنگیا معاملے میں ہندوستان کی شبیہ بگاڑنے کی کوشش:کرین رججو

Source: S.O. News Service | By Shahid Mukhtesar | Published on 13th September 2017, 9:56 PM | ملکی خبریں |

نئی دہلی،13؍ستمبر(ایس او نیوز؍آئی این ایس انڈیا)مرکزی وزیرمملکت برائے امور داخلہ کرین رججو نے روہنگیا معاملے میں ہندوستان کی’’کھلنایک‘‘جیسی تصویر بنانے کی کوششوں پر تنقید کرتے ہوئے کہا ہے کہ یہ ملک کی شبیہ خراب کرنے کی سوچی سمجھی کوشش ہے۔رججو کا یہ بیان اقوام متحدہ کے انسانی حقوق کے صدرزیڈراد الحسین کی طرف سے ہندوستان کے روہنگیا پناہ گزینوں کو واپس بھیجنے پر تنقید کرنے کے2دن بعدآیاہے ۔رججو نے کہا کہ غیر قانونی طور پر ہندوستان میں داخل ہونے والے روہنگیاکے لوگوں کے معاملے میں ہندوستان کی تنقیدمیں ملک کی سلامتی کونظراندازکیاگیاہے۔انہوں نے ٹویٹ کیا کہ اس معاملے میں ہندوستان کوکھلنایک کہناہندوستان کی تصویر کو خراب کرنے کی منظم کوشش ہے۔ان تنقیدوں میں ہندوستان کی سلامتی کو نظر انداز کیا گیا ہے۔مرکزی حکومت میانمار میں نسل کشی کرنے کی وجہ سے روہنگیا مسلمانوں کوغیر قانونی تارکین وطن مانتے ہوئے ہندوستان سے بھیجنے کی منصوبہ بندی کر رہی ہے۔رججو نے پہلے ہی کہا ہے کہ روہنگیا کمیونٹی کے لوگ جو غیر قانونی طورپرہندوستان آئے ہیں انہیں واپس بھیجا جائے گا۔انہوں نے کہا کہ ہندوستان میں موجود پناہ گزینوں کی تعداد دنیا میں سب سے زیادہ ہے۔حکومت نے گزشتہ 9اگست کو پارلیمنٹ میں بتایا تھا کہ موجودہ اعدادوشمار کے مطابق ہندوستان میں رہ رہے روہنگیا پناہ گزینوں کی تعداد 14ہزار سے زیادہ ہے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...