بیندور:طیش میں آکر ماں باپ پر حملہ کرنے والے بیٹے نے کی خودکشی

Source: S.O. News Service | By I.G. Bhatkali | Published on 13th August 2017, 1:45 AM | ساحلی خبریں |

کنداپور12؍اگست(ایس او نیوز) انتہائی طیش کی حالت میں اپنے بوڑھے ماں باپ پر حملہ کرنے کے بعدخوفزدہ بیٹے کے ذریعے کنویں میں چھلانگ لگاکر خود کشی کرلینے کی واردات بیندور کے بیجور گاؤں میں پیش آئی ہے۔

کہا جاتا ہے کہ راگھو نامی نوجوان دھرمستلا مندر جاکردو دن بعد علی الصبح گھر واپس لوٹا تو گھر کا دروازہ بندتھاکیونکہ ابھی اس کے والدین جاگے نہیں تھے۔ راگھو نے گھر کے دروازے پر مسلسل دستک دی مگر گہری نیند میں ہونے کی وجہ سے اس کے والدین منجو (۶۷سال) اورہیریاکّا (۵۷سال)کو جاگنے اور دروازہ کھولنے میں کچھ زیادہ ہی دیر لگی۔ اس بات پر مشتعل راگھو نے دروازہ کھولتے ہی پا س پڑا ہوا جلانے کی لکڑی کا ٹکڑا اٹھا لیا اور اپنے والد اوروالدہ پر پے در پے وار کرنے لگا۔ جب بوڑھے ماں باپ چوٹ برداشت نہ کرتے ہوئے بیہوش ہوکر گرپڑے تو راگھو کو احساس ہوا کہ اس نے انہیں قتل کردیا ہے۔ جرم کے احساس سے خوفزدہ راگھونے وہاں سے بھاگ کر قریب میں موجود ایک کنویں میں چھلانگ لگادی جس سے اس کی موت واقع ہوگئی۔

اس ہنگامے سے جاگنے والے پڑوسیوں نے گھر میں زخمی اور بے ہوش پڑے ہوئے منجو او راس کی بیوی کو کنداپورکے سرکاری اسپتال میں داخل کروایا جہاں پر ان کاعلاج کیا جارہا ہے۔پتہ چلا ہے کہ راگھو پچھلے کچھ عرصے سے اسی طرح اپنا ذہنی توازن کھوبیٹھتا رہا ہے اور اکثر بے قابو ہوکر پرتشدد حرکتیں اس سے سرزد ہوجایا کرتی تھیں۔

بیندور پولیس انسپکٹر اور دیگر عملے نے موقعۂ واردات پر پہنچ کر معائنہ کیا اور کیس رجسٹر کرلیا ہے۔

ایک نظر اس پر بھی

اُڈپی میں چوری کی زبردست واردات؛ مالک مکان کا اسپتال میں داخل ہونا مہنگا پڑ گیا؛ لاکھوں مالیت کے سونے اور چاندی کے زیورات پر ہاتھ صاف

مالک مکان جب علاج کی غرض سے اسپتال میں داخل تھا تو موقع کا فائدہ اٹھا کر لٹیرو ں نے اس کے گھر کا دروازہ توڑکر لاکھوں روپے مالیت کے سونے اور چاندی کے زیورات کے علاوہ سکے بھی چرالیے۔

22فروری ووٹر لسٹ میں نام داخل کرنے کی آخری تاریخ؛ کرناٹکا کے عوام توجہ دیں

اگلے دوایک مہینوں میں منعقد ہونے والے اسمبلی انتخابات میں حق رائے دہی استعمال کرنے کے لئے فہرست رائے دہندگان (ووٹرلسٹ) میں نام شامل کرنے کا سلسلہ جاری ہے۔ اس سلسلے میں الیکشن کمشنر  کی طرف سے جاری بیان کے مطابق 22فروری نام درج کروانے کی آخری تاریخ ہوگی۔

بنگلور میں 12 مارچ سے ہوگی ،کے اے ایس اور آئی اے ایس امتحانات کیلئے مفت کوچنگ؛ مسلمانوں کے لئے سنہرا موقع

اگلے ماہ 12 مارچ سے طہ ایجوکیشنل ٹرسٹ بنگلور کی جانب سے کے اے ایس اور آئی اے ایس امتحانات میں حصہ لینے والوں کے  لئے  مفت کوچنگ کا انتظام کیا گیا ہے، جس میں شریک ہوکر امتحانات میں حصہ لینے والے خواہش مند طلبہ و طالبات  فائدہ اُٹھاسکتے ہیں۔

جا معہ ضیاء العلوم کنڈلور ضلع اڈپی میں جمعرات کو منعقد ہوگا کل ہند فقہ شافعی مشاورتی اجلاس ۔

کنڈلور 19؍فروری (ایس او نیوز)ملکی سطح پر فقہ شافعی کے اصو ل و طریقہ کار کے مطابق پیش آمدہ جدید مسائل کی تحلیل و تجزیہ کے لئے فر زندان شا فعیہ کو ایک جٹ کر نے  اور بحث و مناقشہ کرنےکنداپور سے قریب  جامعہ ضیاء العلوم کنڈلور  - میں بتاریخ ۵جمادی الثانیہ ۱۴۳۹؁ھ مطابق 22/فروری 2018 کو" کل ...