بیلندور جھیل کے اطراف کی تمام صنعتیں بند کی جائیں، صفائی کا کام بھی کرنے نیشنل گرین ٹریبونل کی ہدایت

Source: S.O. News Service | By Jafar Sadique Nooruddin | Published on 20th April 2017, 2:11 AM | ریاستی خبریں |

بنگلورو:19/اپریل(ایس او نیوز)نیشنل گرین ٹریبونل (این جی ٹی) نے بنگلورو کی بیلندور جھیل کے اطراف تمام صنعتوں کو بند کرنے کی ہدایت دی اور جھیل، اس کے اطراف میں فضلہ پھینکتے ہوئے پائے جانے پر 5 لاکھ روپے جرمانہ کی بھی سزا سنائی۔اس پیانل میں تمام طرح کی آلودگی سے جھیل کو پاک بنانے کے لئے ریاستی حکام کو ایک ماہ کا وقت دیا۔ این جی ٹی کے چیف جسٹس سواتنتر ا کمار کی زیر قیادت بنچ نے کہا کہ صنعتیں ریاستی پولیوشن کنٹرول بورڈ کی ہدایات کی خلاف ورزی کررہی ہیں۔ زہریلے فضلے کے سبب 17فروری کو اس جھیل میں آگ لگ گئی تھی۔ رپورٹس کے مطابق تقریباً 3گھنٹوں تک کسی نے بھی آگ کو نہیں دیکھا۔ بنچ نے کہا کہ بیلندور جھیل کے حدود میں قائم تمام صنعتیں فضلہ خارج کررہی ہیں۔ انہیں ہدایت دی گئی ہے کہ وہ فوری بند ہوجائیں۔اس نے کہا کہ اندرون مقررہ حد فضلے کے تجزیے اور مشترکہ ٹیم کے معائنہ تک کسی بھی صنعت کو چلانے کی اجازت نہیں رہے گی۔بنچ نے کہا کہ اس جھیل کے بفرزون میں کسی بھی قسم کے بلدیہ کے ٹھوس فضلے یا گھریلو فضلے کو نہیں ڈالاجانا چاہئے۔ اس کی خلاف ورزی کرتے ہوئے کوئی پائے گئے تو اس پر 5لاکھ روپے کا جرمانہ عائد کیا جائے گا۔ ٹریبونل نے کرناٹک حکومت سے خواہش کی کہ ریاستی پولیوشن کنٹرول بورڈ 'لیک ڈیولپمنٹ اتھارٹی اور بنگلورو ڈیولپمنٹ اتھارٹی فوری طور پر جھیل کی صفائی کا کام شروع کرتے ہوئے اندرون ایک ماہ رپورٹ پیش کرے۔ یہ جھیل بنگلورو کے 262جھیلوں اور تالابوں میں سب سے بڑی جھیل ہے جہاں پر شہر کا 40فیصد سیوریج ڈالا جاتا ہے۔ قبل ازیں مئی 2015اور اگست 2016میں میتھائن گیس پیدا ہونے کے سبب اس جھیل میں آگ لگ گئی تھی۔

ایک نظر اس پر بھی

نتن گڈکری 500کلومیٹر شاہراہ سے متعلق پروجیکٹوں کا سنگ بنیادرکھیں گے

سڑک ٹرانسپورٹ اور شاہراہوں، جہاز رانی، آبی وسائل، ندیوں کی ترقی اور گنگا کی صفائی کے وزیرنتن گڈکری آج کرناک کے شموگہ ضلع میں 873.5 کروڑ روپے مالیت کے 138.5 کلومیٹر شاہراہوں کے پروجیکٹوں سے متعلق سنگِ بنیادرکھا۔

کسان لیڈر پٹنیا چل بسے۔21؍فروری کو آخری رسومات بشمول وزیراعلیٰ کئی قائدین نے آخری دیدار کیا۔ کسان برادری کا ناقابل تلافی نقصان

کبڈی کا کھیل دیکھنے کے دوران دل پر شدید دورہ پڑنے سے کل فوت ہوجانے والے کسان لیڈر و رکن اسمبلی کے ایس پٹنیا کی آخری رسومات چہارشنبہ 21فروری کو ان کے آبائی گاؤں کیتناہلی میں ادا کی جائیں گی۔

22فروری ووٹر لسٹ میں نام داخل کرنے کی آخری تاریخ؛ کرناٹکا کے عوام توجہ دیں

اگلے دوایک مہینوں میں منعقد ہونے والے اسمبلی انتخابات میں حق رائے دہی استعمال کرنے کے لئے فہرست رائے دہندگان (ووٹرلسٹ) میں نام شامل کرنے کا سلسلہ جاری ہے۔ اس سلسلے میں الیکشن کمشنر  کی طرف سے جاری بیان کے مطابق 22فروری نام درج کروانے کی آخری تاریخ ہوگی۔

بنگلور میں 12 مارچ سے ہوگی ،کے اے ایس اور آئی اے ایس امتحانات کیلئے مفت کوچنگ؛ مسلمانوں کے لئے سنہرا موقع

اگلے ماہ 12 مارچ سے طہ ایجوکیشنل ٹرسٹ بنگلور کی جانب سے کے اے ایس اور آئی اے ایس امتحانات میں حصہ لینے والوں کے  لئے  مفت کوچنگ کا انتظام کیا گیا ہے، جس میں شریک ہوکر امتحانات میں حصہ لینے والے خواہش مند طلبہ و طالبات  فائدہ اُٹھاسکتے ہیں۔

بنگلور میں جے ڈی ایس کا شاندار اجلاس؛ مایاوتی کی شرکت؛ کہا مودی حکومت اب آخری سانس لے رہی ہے؛ کمارسوامی نے جاری کی 126 اُمیدواروں کی پہلی فہرست

شہر کے یلہنکا میں جنتادل (ایس) کا  شاندار جلسہ کمارا پرو یاترا کنونشن کے نام پر سنیچر شام کو منعقد ہوا ، جس میں ریاست کے مختلف گائوں اور دیہاتوں سے کثیر تعداد میں لوگوں نے   شرکت کی۔ اس موقع پر سابق وزیراعلیٰ  کماراسوامی نے  ریاست کرناٹک میں آئندہ دو  تین ماہ بعد ہونے والے ...

سدارامیا اور دیش پانڈے کے ہاتھوں ای وہیکلس کاآغاز فضائی و صوتی آلودگی پر قابو پانے بجلی سے چلنے والی سواریاں ناگزیر

ایوان سیاست ودھان سودھا کے اطراف ہمیشہ سیاسی ہماہمی اور قائدین کی گہما گہمی رہتی ہے۔ لیکن ہفتہ کے دن یہاں کا منظر کچھ بدلا ہوا تھا۔ ودھان سودھا کے سامنے آج نیلی رنگ کی کاروں، دوپہیہ گاڑیوں اور آٹو رکشاؤں کی قطاریں دیکھی گئیں ۔