جموں :بس کے کھائی میں گرنے سے25مسافر زخمی
جموں ،13؍اکتوبر(ایس او نیوز؍آئی این ایس انڈیا)جموں کشمیر کے ریاسی ضلع میں ایک بس کے کھائی میں گرجانے کے حادثہ میں کم از کم 25مسافر زخمی ہوگئے۔پولیس حکام نے بتایا کہ یہ حادثہ کٹرا علاقے کے نیمان میں آج دوپہر بعد پیش آیا۔انہوں نے بتایا کہ اس حادثے میں 25مسافر زخمی ہوگئے ہیں جس میں سے تین کو مقامی گورنمنٹ میڈیکل کالج اسپتال میں داخل کرایا گیا۔ اور دیگر کو کٹرا واقع اسپتال میں داخل کرایا گیاہے۔