کاروار 27/مئی (ایس او نیوز) ضلع اُترکنڑا کے سرسی میں پیش آئے ایک سڑک حادثہ میں دو افراد ہلاک ہوگئے۔ حادثہ پرائیویٹ بس اور ایمبولینس کے درمیان رات قریب 12:15 بجے پیش آیا۔
ذرائع سے ملی اطلاع کے مطابق بس سرسی سے بنگلور جارہی تھی، جبکہ ایمبولینس ہبلی سے سرسی آرہی تھی کہ بیسل کوپّا میں ہاویری۔ہبلی کراس پر دونوں سواریاں ایک دوسرے سے تیز رفتاری کے ساتھ ٹکراگئی۔
حادثے میں ایمبولینس کلینر سداپور کے رہنے والے جگدیش چینیّا کی موقع پر ہی موت واقع ہوگئی، البتہ ایمبولینس ڈرائیوربالا کرشنا نائیکڑ اسپتال لے جانے کے دوران راستے میں دم توڑ دیا۔
حادثے میں بس پر سوار کسی بھی شخص کو کوئی چوٹ نہیں لگی، جبکہ ایمبولینس کے پرخچے اُڑگئے۔
حادثے کی اطلاع ملتے ہی پی ایس آئی سیتارام جائے حادثہ پر پہنچ گئے اور سواریوں کو الگ کرتے ہوئے ہائی وے کا سواریوں کے گذر کے لئے صاف کردیا۔ ڈی وائی ایس پی ناگیش شیٹ اور سرکل پولس انسپکٹر کرشنانند نے بھی بعد میں موقع واردات کا جائزہ لیا۔