براڑی معاملہ: اجتماعی خودکشی میں ’بیڑی والے بابا‘ کا ہاتھ، نامعلوم شخص کا دعویٰ

Source: S.O. News Service | By Shahid Mukhtesar | Published on 12th July 2018, 1:23 PM | ملکی خبریں |

نئی دہلی،12؍جولائی (ایس او نیوز؍ایجنسی) براڑی میں ایک ہی خاندان میں ہوئیں 11 اموات کا معمہ حل کرنے میں دہلی پولس ابھی تک ناکام ہے اور وہ ابھی نتیجہ پر نہیں پہنچ پا رہی ہے۔ اب اس معاملہ میں ایک نیا انکشاف ہوا ہے، کسی نامعلوم شخص نے دہلی پولس کمشنر کے نام ایک خط تحریر کیا ہے جس میں اس کا کہنا ہے کہ براڑی کا خاندان کسی بیڑی والے بابا کے رابطہ میں تھا۔ ابھی تک کی تفتیش میں پولس کو کسی باہری شخص یا کسی تانترک کا ہاتھ ہونے کا کوئی ثبوت نہیں ملا ہے لیکن اس نامعلوم شخص کے خط نے معاملہ کو نیا رخ دے دیا ہے۔

ذرائع کے مطابق یہ خط 3 جولائی کو تحریر کیا گیا ہے۔ خط میں اس نامعلوم شخص نے لکھا ہے کہ براڑی میں موت کی آغوش میں پہنچا یہ خاندان دہلی کے کرالا علاقہ کے رہائشی چندر پرکاش پاٹھک نامی ایک بابا کے رابطہ میں تھا۔ کہا گیا ہے کہ یہ بابا ’بیڑی والے بابا ‘ اور ’داڑھی والے بابا‘ کے نام سے مشہور ہے۔ نامعلوم شخص نے خط میں لکھا ہے کہ اس نے براڑی کے خاندان کو کئی بار اس بابا کے پاس دیکھا تھا۔ خط کے مطابق بیڑی والا بابا خود کو ہنومان کا بھگت قرار دیتا ہے اور شام 6 بجے تک چھاڑ پھونک کرتا ہے۔

خط میں دعویٰ کیا گیا ہے کہ بابا کی بیوی بھی تانترک ہے۔ نیز یہ بابا پیسے لے کر کسی کی بھی جان لے سکتا ہے اور ان 11 افراد کی اموات میں اس کا ہاتھ ہو سکتا ہے۔ خط میں پولس سے ا پیل کی گئی ہے کہ اس معاملہ کی از سر نو تفتیش کی جائے۔

ادھر ذرائع نے بتایا ہے کہ براڑی کے خاندان نے موت کا سامان خود ہی جمع کیا تھا۔ بتایا جا رہا ہے کہ اس خاندان کی ایک لڑکی نے براڑی کی ایک دکان سے وہ چنیاں (دپٹے) خریدیں جنہیں لٹنے میں استعمال کیا گیا۔ یہ خریداری واقعہ سے تقریباً 10 دن قبل کی گئی تھی۔ اس کے علاوہ پولس کو علاقہ کی ایک دکان سے معلوم چلا ہے کہ 30 جون کی شام کو ہی اس خاندان کے تین افراد، بڑی لڑی اور دو بچے دکان پر آئے تھے اور انہوں نے اسکول جانے والے جوتے خریدے تھے۔ پولس نے اس دکان سے وہ سی سی ٹی وی فوٹیج حاصل کر لی ہے جس میں تینوں صاف نظر آ راہے ہیں۔

ایک نظر اس پر بھی

رافیل :مودی نے اپنی چوری تسلیم کرلی !راہل فضائیہ سے پوچھے بغیرمعاہدہ میں تبدیلی کی گئی

رافیل طیارہ سودا کے معاملے میں مودی حکومت کو مسلسل نشانہ بنانے والے کانگریس کے صدر راہل گاندھی نے ایک بار پھر آج وزیر اعظم نریندر مودی پر حملہ کرتے ہوئے کہا کہ انہوں نے سپریم کورٹ میں دائر حلف نامے میں اپنی غلطی تسلیم کرلی ہے ۔

الہ آبادکانام بدلنے پر چیلنج

الہ آباد ہائی کورٹ کی لکھنؤ بنچ نے الہ آباد کا نام بدل کر پریاگ راج کئے جانے کے معاملے میں عوامی عرضی پر ریاستی حکومت سمیت دیگر فریقوں سے جواب مانگا ہے ۔

وزیر اعظم نے مانا کہ فضائیہ سے بغیر پوچھے بدلا تھا رافیل کا کنٹریکٹ: راہل گاندھی نے کی ٹویٹ، کہا؛ پکچر ابھی باقی ہے

کانگریس صدر راہل گاندھی نے سپریم کورٹ میں حکومت کے رافیل معاملے سے متعلق حلف نامے کو لے کر منگل کو وزیر اعظم نریندر مودی پر نشانہ لگایا اور دعوی کیا کہ مودی نے فضائیہ سے پوچھے بغیر کنٹراکٹ بدلنے کی بات قبول کر لی ہے۔گاندھی نے ٹویٹ کر کہاکہ سپریم کورٹ میں مودی جی نے مانی اپنی ...

منی لانڈرنگ معاملے میں صحافی اپیندر رائے کی ضمانت کی درخواست مسترد

دہلی کی ایک عدالت نے مبینہ طور پر زبردستی وصولی اور مشکوک مالیاتی لین دین سے متعلق منی لانڈرنگ کے ایک معاملے میں گرفتار صحافی اپیندر رائے کی ضمانت کی درخواست منگل کو مسترد کر دی۔ایڈیشنل سیشن جج راکیش سیال نے رائے کو یہ کہہ کر راحت دینے سے انکار کر دیا کہ ان کے خلاف لگے الزامات ...