بلندشہر تشدد : یوگیش راج کے خلاف ثبوت ملتے ہی ہوگی کاروائی، میرٹھ رینج کے آئی جی نے کہا، گولی کس نے چلائی ابھی پتہ نہیں

Source: S.O. News Service | By Shahid Mukhtesar | Published on 6th December 2018, 9:49 PM | ملکی خبریں |

میرٹھ،6دسمبر(ایس او نیوز؍آئی این ایس انڈیا) بلندشہر کے معاملے میں تشدد کے چار دن گزر جانے کے بعدبھی اس معاملے میں پولیس نے اہم ملزم یوگیش راج کوگرفتارنہیں کیاہے۔اب پولیس اس معاملے میں تمام ثبوتوں کے حوالے سے کارروائی کرنے کی بات کر رہی ہے۔اس کیس میں تحقیقات کے لئے میرٹھ رینج کے آئی جی رام کمار سے خصوصی بات چیت کی گئی ہے۔اس بات چیت کے دوران آئی جی رام کمار نے بتایا کہ گؤکشی معاملے میں 7سے زائد افراد کو گرفتار کر لیا گیا ہے۔گؤکشی پرانہوں نے کہا کہ غلطی سے ایف آئی آر میں ایک بچہ کا نام شامل ہواتھا، اب 11سالہ ساجد کی جگہ 26سالہ دوسرے ساجد نامی شخص کو گرفتار کر لیا گیا ہے۔ایف آئی آر میں شامل ایک اورنابالغ بچہ کا نام ہٹا دیا ہے۔آئی جی رام کمار نے بتایا کہ اس طرح کے بہت سے نامزد افراد کے خلاف کارروائی کی گئی ہے، لیکن اب بھی دوسروں کے خلاف کارروائی کرناباقی ہے۔آئی جی رام کمار نے بتایا کہ اب تک انسپکٹر کے قتل میں تین افراد کو گرفتار کیا گیا ہے۔اہم ملزم یوگیش راج کواب تک گرفتارنہیں کرنے کے سوال پرانہوں نے کہاکہ اس کے خلاف اب تک کوئی ثبوت نہیں ملے ہیں،ثبوت ملتے ہی کاروائی کی جائے گی،گولی کس نے چلائی اب تک پتہ نہیں چلاہے۔

ایک نظر اس پر بھی

ریاستیں کشمیری شہریوں کو تحفظ فراہم کرائیں،مرکز نے مشاورت جاری کی

پلوامہ دہشت گردانہ حملے کے پیش نظر ملک کے مختلف حصوں میں جموں کشمیر سے متعلق لوگوں پر حملے کی خبروں کے درمیان مرکزنے جمعہ کی رات تمام ریاستوں کو جموں کشمیر سے متعلق لوگوں کی حفاظت کو یقینی بنانے کی ہدایت دی۔

پی چدمبرم کا طنز، مودی کے رہتے بی جے پی کو کسی کی صلاح کی کیا ضرورت

لیفٹیننٹ جنرل (ریٹائرڈ) ڈی ایس ہڈا کو کانگریس کی جانب سے قومی سلامتی پرمشاورت تیار کرنے کی ذمہ داری دئے جانے کو لے کر وزیر خزانہ ارون جیٹلی کے حملے پر جوابی حملہ کرتے ہوئے کانگریس کے سینئر لیڈر پی چدمبرم نے ہفتہ کو طنز کیا

رابرٹ واڈرا نے عدالت میں عرضی داخل کر معاملے سے منسلک دستاویزات کی کاپیاں مانگی

منی لانڈرنگ کے معاملات میں انفورسمنٹ ڈائریکٹوریٹ (ای ڈی) کی جانچ کا سامنا کر رہے رابرٹ واڈرا نے ہفتہ کو دہلی کی ایک عدالت میں عرضی داخل کر جانچ ایجنسی سے کیس سے منسلک دستاویزات کی کاپیاں مانگی۔

ہماری حکومت بنی تو نیم فوجی دستوں کے جوانوں کو ملے گا شہید کا درجہ: راہل گاندھی

کانگریس صدر راہل گاندھی نے سنیچر کو کہا کہ آئندہ لوک سبھا انتخابات کے بعد ان کی پارٹی کی حکومت بننے پرملک کے لیے جان نچھاور کرنے والے نیم فوجی دستوں کے جوانوں کو بھی ’شہید‘ کا درجہ دینے کا بندوبست کیا جائے گا۔