یوگی نے قتل کے 3 دن بعدانسپکٹرسبودھ سنگھ کے خاندان سے ملاقا ت کی، بیٹے نے کہا ،مجرموں کے خلاف سخت سزادینے کابھروسہ ملا

Source: S.O. News Service | By Shahid Mukhtesar | Published on 6th December 2018, 10:09 PM | ملکی خبریں |

لکھنؤ،6دسمبر(ایس او نیوز؍آئی این ایس انڈیا) اتر پردیش کے بلندشہرمیں گؤکشی کے شک میں ہوئے تشدد میں انسپکٹر سبودھ کمارسنگھ کے قتل کے 3دن بعد ریاستی وزیر اعلی یوگی آدتیہ ناتھ نے ان کے خاندان سے ملاقات کی ۔انسپکٹر کی بیوی، دو بیٹے اور ان کی بہن رہائش گاہ میں وزیر اعلی سے ملنے کے لئے لکھنؤ آئے تھے۔وزیراعلیٰ نے سیکورٹی جائزہ میٹنگ میں انسپکٹر کی ہلاکت پر ایک بھی لفظ نہیں بولا اور ان کی پوری توجہ گؤکشی پر تھی،اس کے بعد ان کی کافی تنقید ہوئی تھی،اس کے بعد وزیراعلی نے ان کے خاندان سے ملاقات کی۔انسپکٹر کے خاندان نے الزام لگایا تھا کہ جوبھی قتل میں شامل ہیں انتظامیہ کا نرم رخ ہے۔ملاقات کے بعد انسپکٹر کے بیٹے نے کہا کہ وزیر اعلی نے یقین دہانی کرائی ہے کہ وہ صحیح انصاف ملے گا،مجرمین کو سخت سزا دی جائے گی۔انہوں نے کہا کہ وہ ہمارے خاندان کے ساتھ ہیں۔شہید کے خاندان کی وزیراعلیٰ یوگی کے ساتھ ملاقات کے بعد یو پی کے ڈی جی پی اوپن سنگھ نے ایک پریس کانفرنس کی۔پریس کانفرنس میں ڈی جی پی سنگھ نے کہاکہ متاثرہ خاندان کو 50لاکھ روپے دیئے جائیں گے،بچوں کی تعلیم کے لئے بینک سے لئے جانے والے قرض کی رقم بھی حکومت کی طرف دی جائے گی،یہ بھی فیصلہ کیا گیا ہے کہ خاندان کے ایک رکن کو ملازمت اور پنشن دی جائے گی۔پولیس کا سربراہ ہونے کے ناطے میں نے وعدہ کیا ہے کہ دونوں بچوں کو غیر رسمی طور پر بھی مدد ملے گی۔سبودھ سنگھ کا خواب تھا کہ وہ ریٹائرمنٹ کے بعد اسکول بنائیں۔کالج کا نام بھی سبودھ سنگھ کے نام پررکھاجائے گا۔سنگھ کے اوپر تعلیم اور رہائش کا لون ہے،وہ بھی حکومت کی طرف سے ادا کیا جائے گا۔

ایک نظر اس پر بھی

وزیراعظم مودی نے کابینہ سمیت سونپا صدرجمہوریہ کو استعفیٰ، 30 مئی کو دوبارہ حلف لینےکا امکان

لوک سبھا الیکشن کے نتائج کے بعد جمعہ کی شام نریندرمودی نے وزیراعظم عہدہ سے استعفیٰ دے دیا۔ ان کے ساتھ  ہی سبھی وزرا نے بھی صدرجمہوریہ کواپنا استعفیٰ سونپا۔ صدر جمہوریہ نےاستعفیٰ منظورکرتےہوئےسبھی سے نئی حکومت کی تشکیل تک کام کاج سنبھالنےکی اپیل کی، جسے وزیراعظم نےقبول ...

نوجوت سنگھ سدھوکی مشکلوں میں اضافہ، امریندر سنگھ نے کابینہ سے باہرکرنے کے لئے راہل گاندھی سے کیا مطالبہ

لوک سبھا الیکشن میں زبردست شکست کا سامنا کرنے والی کانگریس میں اب اندرونی انتشار کھل کرباہرآنے لگی ہے۔ پہلےسے الزام جھیل رہے نوجوت سنگھ سدھو کی مشکلوں میں اضافہ ہونےلگا ہے۔ اب نوجوت سنگھ کوکابینہ سےہٹانےکی قواعد نے زورپکڑلیا ہے۔

اعظم گڑھ میں ہارنے کے بعد نروہوا نے اکھلیش یادو پر کسا طنز، لکھا، آئے تو مودی ہی

بھوجپوری سپر اسٹار نروہوا (دنیش لال یادو) نے لوک سبھا انتخابات کے دوران سیاست میں ڈبیو کیا تھا،وہ بی جے پی کے ٹکٹ پر یوپی کی ہائی پروفائل سیٹ اعظم گڑھ سے انتخابی میدان میں اترے تھے لیکن اترپردیش کے سابق وزیر اعلی اکھلیش یادو کے سامنے نروہا ٹک نہیں پائے۔