بلندشہر تشدد:سابق پردھان نے کہا،ہم تومان گئے تھے، بجرنگ دل والوں نے برسائے پتھر، پولیس پربرسانے کے لیے باہرسے لائے گئے تھے پتھر،منصوبہ بندلگتاہے حادثہ

Source: S.O. News Service | By Shahid Mukhtesar | Published on 5th December 2018, 11:41 AM | ملکی خبریں |

بلندشہر،5دسمبر(ایس او نیوز؍آئی این ایس انڈیا) گؤکشی کے شک میں بلندیش کے جس گاؤں میں تشددہوااس گاؤں مہاؤ کے سابق پردھان نے کہا کہ ہماری پولیس والوں سے صلح ہوگئی تھی،ہمارے گاؤں والوں نے پتھراؤ نہیں کیا،پتھراؤکرنے والے باہر سے تھے۔سابق پردھان پریم جیت سنگھ نے گفتگو کرتے ہوئے کہا کہ پولیس کے ساتھ ہماری صلح ہوگئی تھی،پولیس نے یقین دہانی کرائی تھی کہ ملزمین کے خلاف ایف آئی آردرج کردی جائے گی،ہمارے گاؤں کے لوگ بھی مان گئے تھے، لیکن اچانک بجرنگ دل کے لوگوں نے ٹریکٹر پرقبضہ کرلیا،ہم نے بہت سمجھانے کی کوشش کی لیکن وہ نہیں مانے۔سنگھ کے کھیت میں میں گائے کے کچھ بقایہ ملے،جس کے بعد یہ تنازع ہوگیاتھا۔اس کے ساتھ ہی سنگھ نے کہا کہ ہم نے ٹریکٹر کو ہٹالیا تھا لیکن جب ہم ٹرالی ہٹانے گئے تو پتھراؤشروع ہوگیا،پتھراؤ گاؤں کے لوگوں نے نہیں کیا،مجھے پتہ ہی نہیں کہ اتنے پتھرکہاں سے آئے،گاؤں میں تواتنے پتھرہوتے نہیں،میں تو صلح کروا رہا تھا، اچانک بھیڑ نے پتھرمارنا شروع کر دیا،یہ سب باہرکے تھے،جب پتھر چلنے لگے تو ہم جان بچاکر بھا گے،یہ لڑکا یوگیش راج آگے تھا، اس کاہم سے کچھ لینادینا نہیں ہے،میں نہیں جانتا کہ جب پولیس ایف آئی آر کر رہی تھی تو پتھر کیوں چلے؟ یہ پوری طرح سے منصوبہ بندلگتا ہے۔اس کے علاوہ ایک راج کمار کا نام کے شخص کے کھیت میں بھی گوشت کے باقیات ملے،وہ کہتے ہیں کہ ہم گائے کے باقیات کوکھیت میں ہی گاڑناچاہ رہے تھے لیکن بھیڑ نے اسے قبول نہیں کیا۔

راج کمار کی بیوی رینیونے گفتگو کرتے کہاکہ جب ہم کل (3دسمبر)کوکھیت میں پہنچے، تو ہمیں وہاں گائے کے باقیات ملے،ہم نے اس کے بارے میں پولیس کو آگاہ کیا،اس کے بعد بڑی تعداد میں گاؤں اور ہجوم ہمارے کھیت تک پہنچ چکی تھی،اس کے بعد ہم نے کھیت میں باقیات کو گاڑنے کا فیصلہ کیا لیکن بھیڑ نہیں مانی۔اس کے ساتھ انہوں نے کہا کہ بھیڑ ہی ٹرالی لے کرآئی اورکہاکہ اس میں باقیات رکھ کر پولیس سٹیشن لے جاکر جام کرتے ہیں،ہم نے انکار کر دیا اور کہا کہ ہم ماحول خراب نہیں کرنا چاہتے ہیں لیکن بھیڑ نہیں مانی۔جب ان سے پوچھا گیا کہ تشدد کرنے والے لوگ کون تھے؟تو انہوں نے کہا کہ ہم نہیں بتا سکتے کہ آیا بجرنگ دل کے لوگ بھیڑ میں تھے یا نہیں۔ بتادیں کہ پیر کوبلندشہرکے کے مہاو گاؤں میں گؤکشی کی اطلاع پر پولیس پہنچی تھی۔پولیس نے وہاں ناراض بھیڑ کوسمجھانے کی کوشش کی لیکن بھیڑنے پولیس پرہی حملہ کردیا،حملے میں یو پی پولیس نے ایک انسپکٹر کی موت ہوگئی،وہاں ایک اور شہری بھی مر گیا۔پولیس نے اس معاملے میں ایف آئی آر درج کرلی ہے اور آپریشن شروع کردیا ہے۔اس میں اب تک چار افراد کو گرفتار کیا گیا ہے۔

ایک نظر اس پر بھی

وزیراعظم مودی نے کابینہ سمیت سونپا صدرجمہوریہ کو استعفیٰ، 30 مئی کو دوبارہ حلف لینےکا امکان

لوک سبھا الیکشن کے نتائج کے بعد جمعہ کی شام نریندرمودی نے وزیراعظم عہدہ سے استعفیٰ دے دیا۔ ان کے ساتھ  ہی سبھی وزرا نے بھی صدرجمہوریہ کواپنا استعفیٰ سونپا۔ صدر جمہوریہ نےاستعفیٰ منظورکرتےہوئےسبھی سے نئی حکومت کی تشکیل تک کام کاج سنبھالنےکی اپیل کی، جسے وزیراعظم نےقبول ...

نوجوت سنگھ سدھوکی مشکلوں میں اضافہ، امریندر سنگھ نے کابینہ سے باہرکرنے کے لئے راہل گاندھی سے کیا مطالبہ

لوک سبھا الیکشن میں زبردست شکست کا سامنا کرنے والی کانگریس میں اب اندرونی انتشار کھل کرباہرآنے لگی ہے۔ پہلےسے الزام جھیل رہے نوجوت سنگھ سدھو کی مشکلوں میں اضافہ ہونےلگا ہے۔ اب نوجوت سنگھ کوکابینہ سےہٹانےکی قواعد نے زورپکڑلیا ہے۔

اعظم گڑھ میں ہارنے کے بعد نروہوا نے اکھلیش یادو پر کسا طنز، لکھا، آئے تو مودی ہی

بھوجپوری سپر اسٹار نروہوا (دنیش لال یادو) نے لوک سبھا انتخابات کے دوران سیاست میں ڈبیو کیا تھا،وہ بی جے پی کے ٹکٹ پر یوپی کی ہائی پروفائل سیٹ اعظم گڑھ سے انتخابی میدان میں اترے تھے لیکن اترپردیش کے سابق وزیر اعلی اکھلیش یادو کے سامنے نروہا ٹک نہیں پائے۔