بہار آئی اے ایس ایسوسی ایشن نے سدھیر کی گرفتاری کی مخالفت کی
پٹنہ، 24/فروری(ایس او نیوز/آئی این ایس انڈیا)بہار آئی اے ایس ایسوسی ایشن کے ایک وفد نے وزیر اعلی نتیش کمار سے مل کر سدھیر کمار کی گرفتاری کو لے کراپنا احتجاج درج کرایا ہے۔کمار 1987بیچ کے آئی ایس افسر ہیں اور کئی اہم عہدوں پر کام کر چکے ہیں۔واضح ہو کہ اس سے قبل نگرانی کے ہتھے چڑھے موہنیا کے ایس ڈی ایم ڈاکٹر جتیندر گپتا کی گرفتاری کی بھی آئی اے ایس برادری نے مخالفت کی تھی۔اس معاملے پر آئی اے ایس ایسوسی ایشن کی ہنگامی میٹنگ ہوئی تھی، جس میں اس پر سخت اعتراض کا اظہار کیا گیا تھا۔ایسوسی ایشن کا کہنا ہے کہ بغیر کسی ثبوت کے ایس ڈی ایم کو نگرانی نے گرفتار کیا ہے۔ایسوسی ایشن نے اس معاملے میں وزیر اعلی اور گورنر سے ملاقات کرکے میمورنڈم سونپا تھا۔جس کے بعد عدالت سے انہیں ضمانت مل گئی۔ذرائع سے حاصل معلومات کے مطابق، گرفتار آئی اے ایس سدھیر کمار نے دو وزراء کا بھی نام بی ایس اے سی پیپر لیک معاملے میں لیا ہے جس کے بعد بہار کی سیاست گرما سکتی ہے۔غور طلب ہے کہ بہار اسمبلی کا بجٹ اجلاس جمعرات سے شروع ہوا ہے، اس سے پہلے گرفتار بی ایس اے سی کے سکریٹری پرمیشور رام نے بھی ایس آئی ٹی کے سامنے کئی راز سے پردہ اٹھایا تھا، جن میں 7 وزراء کے نام بھی شامل تھے۔