بی ایس پی چیف مایاوتی کا وار،یوگی سرکاربراہِ راست ذمہ دار

Source: S.O. News Service | By Jafar Sadique Nooruddin | Published on 13th August 2017, 2:00 AM | ملکی خبریں |

نئی دہلی:12/اگست(ایس او نیوز/آئی این ایس انڈیا)مبینہ طور پر آکسیجن کی کمی کی وجہ سے یوپی کے گورکھپور میں ہوئی بچوں کی اموات پربی ایس پی چیف مایاوتی نے کہاہے کہ معصوموں کی موت کے لیے یوپی حکومت ذمہ دارہے۔ انہوں نے کہا کہ معصوموں کے اہل خانہ کو انصاف دلوانے کے لیے ہم آگے آئے ہیں۔ مایاوتی نے قصورواروں پر سخت کارروائی کا مطالبہ کیا۔وہیں کانگریسی لیڈر آر پی این سنگھ نے کہا ہے کہ یہ واقعہ یوپی حکومت کی لاپرواہی سے ہوا ہے۔ انہوں نے کہا کہ یہ سرکاری میڈیکل کالج ہے اور حکومت کو آکسیجن کی سپلائی کے لئے مناسب پیسے دینے چاہئیں تھے۔اتر پردیش کے گورکھپور میں 5 دنوں میں 60 بچوں کی اموات کے معاملے سے پورا ملک سہما ہواہے۔بی جے پی سرکاربری طرح اس معاملے پرگھرگئی ہےْ۔ مبینہ طور پر آکسیجن کی سپلائی میں کمی اس کی وجہ بتائی جا رہی ہے لیکن حکومت اس بات سے انکار کر کے بچنے کی کوشش کررہی ہے۔ ہسپتال میں آکسیجن سلینڈر سپلائی کرنے والی کمپنی پشپا سیلز کے مالک منیش بھنڈاری کے گھر پر چھاپہ مارا گیا ہے۔ وزیراعلی یوگی آدتیہ ناتھ نے کہا ہے کہ اس پورے معاملے میں تحقیقات کا حکم دے دیاگیاہے۔سوال یہ ہے کہ یوگی براہِ راست اس کی ذمہ داری کیوں نہیں لے رہے ہیں۔ انہوں نے وعدہ کیا کہ قصورواروں کے خلاف سخت کارروائی کی جائے گی۔

ایک نظر اس پر بھی

بی جے پی کی نوٹ بندی اور جی ایس ٹی کا اثر گجرات انتخابات کے نتائج میں نظر آئے گا: اکھلیش یادو 

سماجوادی پارٹی کے سربراہ اکھلیش یادو نے کہا ہے کہ نوٹ بندی اور جی ایس ٹی کی وجہ سے تاجروں پر کافی برا اثر پڑا ہے۔ انہوں نے کہا کہ کسان مخالف اور تاجر مخالف پالیسیوں کی وجہ سے بی جے پی کا گراف نیچے آتا جا رہا ہے۔

گجرات میں سات انتخابات میں دو بار ووٹنگ کے فیصدی میں کمی، دونوں بار بی جے پی کو نقصان تو کانگریس کا فائدہ 

گجرات میں ہفتہ کو پہلے مرحلہ میں19ضلعوں میں کی89نشستوں پرتقریباً 68فیصدی ووٹنگ ہوئی اس بار 2012کے اسمبلی انتخابات سے تقریباً 3فیصدی ووٹنگ ہوئی۔ 2012 میں پہلے مرحلے میں19 میں سے15 اضلاع میں ووٹنگ ہوئی تھی۔

خواتین کمیشن نے زائرہ وسیم کے ساتھ ہوئی چھیڑ خانی کو بتایا انتہائی شرمناک فعل 

قومی خواتین کمیشن نے زائرہ وسیم کے ساتھ شرمناک حادثہ قرار دیا ہے ۔زائرہ وسیم نے سوشل میڈیا کے ذریعے وستارا ایئر لائنزکی فلائٹ سے دہلی سے ممبئی جانے والی پرواز میں جس طرح ہراساں کیے جانے کی بات کہی ہے وہ بھارتی تہذیب و ثقافت کے شرم کی بات ہے ۔