چھتیس گڑھ میں اتحاد کے بعد اسٹیج پر ،مایاوتی اورجوگی ، جو احترام کانگریس نے نہیں دیا، ہم دیں گے:مایاوتی
بلاسپور،13؍ اکتوبر (ایس او نیوز؍آئی این ایس انڈیا) آئندہ اسمبلی انتخابات کو ذہن میں رکھتے ہوئے ووٹ کو اپنے حق میں کرنے کے لئے بہوجن سماج پارٹی کی سربراہ مایاوتی سرگرم ہوگئی ہیں۔لوک سبھا انتخابات 2019 کے سیمی فائنل کے طور پر دیکھے جانے والے پانچ ریاستوں کے اسمبلی انتخابات میں سے ایک چھتیس گڑھ میں اقتدار میں آنے کے لئے اجیت جوگی کی پارٹی جنتا کانگریس چھتیس گڑھ کے ساتھ اتحاد کا اعلان کرنے کے بعد مایاوتی زوردارکوشش میں لگ گئی ہیں۔ہفتہ کو چھتیس گڑھ کے بلاسپور میں ایک ریلی سے خطاب کرتے ہوئے مایاوتی نے کہا کہ اس اسمبلی انتخابات میں اتحاد کی پوری کوشش ہونی چاہئے کہ ہمارے یہاں زیادہ سے زیادہ امیدوار جیت کر آئیں اور حکومت بن سکے۔بلاسپور میں ایک جلسے سے خطاب کرتے ہوئے مایاوتی نے کہا کہ میں اجیت جوگی جی (جنتا کانگریس چھتیس گڑھ) کو یقین دلانا چاہتی ہوں کہ جو احترام آپ کوکانگریس پارٹی کے ساتھ نہیں ملا، وہ آپ کو بی ایس پی میں ملے گا۔انہوں نے مزید کہا کہ اس اسمبلی انتخابات میں اتحاد کی پوری کوشش ہونی چاہئے کہ ہمارے یہاں زیادہ سے زیادہ امیدوار جیت کر آئیں اور حکومت بن سکے۔بی ایس پی سپریم مایاوتی نے کہا کہ انتخابات کے قریب رام مندر کی تعمیر کرانے کی مہم زیادہ زور پکڑ رہی ہے۔اس معاملے میں اب یہ لوگ (بی جے پی) اتر پردیش میں ہی نہیں بلکہ پورے ملک میں ایک نہیں کئی رام مندروں کی تعمیر کیوں نہ کر لے تو بھی اس سے بی جے پی۔آر ایس ایس کے لوگوں کو سیاسی فائدہ نہیں ہونے والا ہے۔غور طلب ہے کہ آج جس ریلی کو مایاوتی خطاب کر رہی تھیں اس ریلی میں اسی اسٹیج پر اجیت جوگی بھی موجود تھے۔تبصرے بتا دیں کہ بی ایس پی سربراہ مایاوتی نے پہلے ہی اعلان کر دیا ہے کہ وہ کانگریس کے ساتھ مدھیہ پردیش، راجستھان اور چھتیس گڑھ میں الیکشن نہیں لڑیں گی۔انہوں نے پریس کانفرنس کرکے اس بات کی جانکاری دی تھی کہ چھتیس گڑھ میں ان کی پارٹی اجیت جوگی کی پارٹی کے ساتھ الیکشن لڑے گی۔غور طلب ہے کہ اجیت جوگی چھتیس گڑھ کے وزیر اعلی بھی رہ چکے ہیں۔