فوج کو گھٹیا کھانا، مجرم کون ہے؟ ....... تحریر: منصور عالم قاسمی(ریاض، سعودی عرب)

Source: S.O. News Service | By I.G. Bhatkali | Published on 14th January 2017, 7:07 AM | اسپیشل رپورٹس |

  جموں کشمیرمیں تعین ۹۲ویں بٹالین کا جوان تیج بہادر یادو پچھلے دو دنوں سے سوشل میڈیا سے لے کر پرنٹ میڈیا تک موضوع بحث؛بی ایس ایف افسران اور سرکار کے لئے باعث ندامت و خجالت بنا ہوا ہے اور کیوں نہ ہوکہ اس نے ایک ایسی خامی کو بر سر عام کردیا ہے جس سے ملک میں شدید غم و غصہ کی لہر پائی جا رہی ہے اوربیرون ممالک ہندوستان اورطاقتور ترین ہندوستانی افواج کا مذاق اڑایا جا رہا ہے۔

 تیج بہادر یادو نے دو روز قبل فیس بک پر یکے بعد دیگرے چار ویڈیوز اپلوڈ کیں،ایک ویڈیو میں وہ اپنا مکمل تعارف اودرپیش مشکلات و حالات کو بتا رہا ہے جبکہ دوسری ویڈیوزمیں مہیا ہونے والے کھانے کو دکھا رہا ہے؛بیک گراؤنڈ میں واضح نظر آرہا ہے کہ وہ کسی برفانی علاقہ میں کھڑا ہے۔یہ ویڈیوز کیاتھیں،ایٹم بم تھے،جس کی چپیٹ میں دیکھتے ہی دیکھتے حکومت بھی آگئی،کم و بیش ایک کروڑ سے زائد لوگوں نے دیکھیں،کمنٹس کئے اور شیئر بھی ہوتی رہیں۔حالات کی نزاکت کو بھانتے ہوئے وزیر داخلہ راجناتھ سنگھ نے کہا:ہم نے ویڈیوز دیکھیں،داخلہ سیکریٹری کو اس معاملہ میں بی ایس ایف سے رپورٹ طلب کرنے کو کہا ہے،اگرضرورت پڑی تو کارروائی کی جائے گی“ راجناتھ جی کے جاری کردہ احکامات یقینا قابل ستائش ہیں لیکن کیا اس سے تیج بہادر کو انصاف ملے گا؟جوانوں کے حالات سدھریں گے؟مجھے قطعاً ایسا نہیں لگ رہا ہے اور ابتدائی رپورٹ بھی آ گئی ہے، جس میں جوان ہی کو مجرم اور جھوٹا بتایا گیا ہے۔ ویسے بھی تاریخ گواہ ہے کہ ہندوستان کی چانچ ایجینسیاں یا تو حقایق تک پہونچ نہیں پاتی ہیں یا کہہ نہیں پاتی ہیں بلکہ کہنے نہیں دیاجاتا ہے اور معاملہ جب حکومت کی بے عزتی کا ہو، سینئر افسران کی سرزنش کا ہو،صاحب اثر و رسوخ یا نیتاؤں کی گرفت کا ہو تو معاملہ سردبستہ میں ڈال  ہی دیا جاتا ہے۔۲۱۰۲ میں بھی جموں کشمیر کے ایک میجر پر راشن ٹھیکوں میں خرد برد کا ا لزام لگا تھا،اس پر مقدمہ بھی چلا مگر کیا ہوا کچھ نہیں؟راجیو کے دور میں بوفورس گھوٹالہ،واجپئی کے دور میں براک میزائل سے لے کر مشہور تابوت گھوٹالہ،پھر اگستا ہیلی کاپٹر گھوٹالہ،کن کو سزاملی؟ کسی کو نہیں۔  چونکہ تیج بہادر نے بھی اپنے سینئر افسران کو ہی کٹہرے میں کھڑا کیا ہے اس لئے ماضی کی تاریخ کو دیکھ کر ممکن نہیں لگتا ہے کہ غیر جانبدارانہ تحقیق ہوگی حالانکہ صداقت و شفافیت سے تحقیق کی نام پر مذکورہ جوان کی یونٹ بدل کر کنٹرول لائن سے پونچھ ہیڈ کواٹر منتقل کردیا گیا ہے لیکن وہاں اسے اس جرم کے عوض پلمبر کا کام دے دیا گیا ہے۔تیج بہادر کی بیوی شرمیلایادوکا کہنا ہے کہ:جب سے انہوں نے ویڈیوز اپلوڈ کی ہیں ہم سب فکر مند ہیں،ہم نے کچھ بولنے سے منع کیا تھا لیکن ان کی عادت ہے کہ وہ غلط کو سہن نہیں کر پاتے ہیں۔تیج بہادر کے والد نے بھی کہا ہے کہ: جب وہ ۱/ دسمبر کوگھر آیا تھا تو وہ کہہ رہا تھا کہ وہاں کھانا ٹھیک سے نہیں ملتا ہے اس لئے وہاں رہنا مشکل ہے،،۔ اور اب جموں رینج کے آئی جی بی ایس ایف  ڈی کے اپادھیائے نے کہا ہے کہ:تیج بہادر کے الزامات کی چانچ کی مگر کوئی ثبوت نہیں ملا! مطلب سینئر افسران پر کوئی آنچ نہیں آئے گی،برق گرے گی تو اس ناتواں بہادر پرہی۔تحقیق وتفتیش کرنے والے بی ایس ایف کے ڈی آئی ایم،ڈی ایس مان نے کہا ہے کہ:کھانے کی کوالیٹی کو لے کر کسی جوان نے کوئی شکایت نہیں کی،تیج بہادر کا  ہی ریکارڈ خراب ہے،یہ اپنے سینئروں کی بات نہیں مانتا ہے،یعنی تیج بہادر  جھوٹا ہے،نافرمان ہے۔مانا وہ سب کچھ ہے مگر اپادھیائے اور مان صاحبان سی آئی جی(cag (جیسی معتبر کمیٹی کی رپورٹ کو کیا کہیں گے؟ سی آئی جی کی رپورٹ ہے ”پاکستان اور چین کے بارڈر پر تعینات بھارتی جوانوں کو تازہ کھانا نہیں دیا جاتا ہے اور بھر پیٹ بھی نہیں دیا جاتا ہے،اس کا مزید کہنا ہے،فوجیوں کی درمیان سروے کرانے پر ۸۶ فیصد جوانوں نے کھانا کو گھٹیا یا بس قابل طعام کہا ہے،گوشت اور سبزیاں غیر معیاری ہوتی ہیں، برانڈیڈ آٹا تک نہیں دیا جاتا ہے“۔میجر جنرل ریٹائرڈ پی کے سہگل نے بھی مانا ہے کہ کھانے کی کوالیٹی کو لے کر سی آئی جی کی رپورٹ درست ہے، خامیوں کو دور کرنی چاہئیں۔کچھ سابق فوجیوں نے بھی تیج بہادر کو حق بجانب قرار دیا ہے۔حالانکہ ایک فوجی پر برائے طعام ۰۰۹۲ روپئے ماہانہ دیئے جاتے ہیں مطلب یومیہ ۵۹ روپئے،پھر اس قدر گھٹیا کھانے ان جوانوں کو کیوں کرپروسے جاتے ہیں جو سرحد اور دیش کی حفاطت میں مامور ہیں؟آخر ان جوانوں کی خوراک کون ہضم کر جاتا ہے؟اس کا جواب بھی انگریزی کا معتبر اخبار ”ٹائمس آف انڈیا“کے پاس ہے،وہ لکھتا ہے ”سرینگر کے ہُمہما بی ایس ایف ہیڈ کوارٹر کے گردو نواح میں رہنے والے لوگوں نے دعویٰ کیا ہے کہ ہوائی اڈے کے پاس کے دکاندار بی ایس ایف افسران سے فروخت کئے جانے والے ایندھن اور راشن کے خریدار ہیں،انہیں بازار سے نصف قیمت میں مل جاتے ہیں،نام نہ شائع کرنے کی شرط پر جوانوں نے بتایاکہ یہ کام ایجنٹ کی معرفت ہوتا ہے،ایک فرنیچر ڈیلر نے بھی  بتایا کہ فرنیچر خریدنے والے ذمہ داران ہم سے موٹا کمیشن لیتے ہیں اور انہیں کوالیٹی سے کوئی مطلب نہیں ہوتا ہے۔“

 ماناکہ تیج بہادر جھوٹا ہے،مکار ہے،سینیئروں کی بات نہیں مانتا ہے،ضابطہ شکن ہے،۰۱۰۲ میں کورٹ مارشل ہو چکا ہے،پرموشن نہ ملنے کی وجہ سے نوکری چھوڑنے کی درخواست دے چکا ہے، مگر سی آئی جی،میجر پی کے سہگل اور ٹائمس آف انڈیا کو بی ایس ایف کے افسران کیا کہیں گے؟ان ویڈیوز کو اپلوڈ کرنا ممکن ہے ڈسپلن شکنی ہو لیکن ڈسپلن شکنی اس وقت کہا جا سکتا ہے جب وہ اپنے سینئر کمانڈروں سے پہلے اس کی شکایت نہ کرتا! جبکہ تیج بہادر کا کہنا ہے کہ ہم نے متعدد بار شکایت کی مگر ہماری بات ان سنی کردی گئی،  تب جا کر مجبوراًٰ ہم نے یہ قدم اٹھایا،اس لئے اس عمل کو ضابطہ شکنی نہیں کہا جا سکتا ہے۔ سوال یہ بھی ہے کہ جب تیج بہادر بارہاں قانون توڑتا رہا ہے تو اب تک وہ ملازمت کیسے کر رہا ہے وہ بھی سرحد جیسے حساس ایریا میں ڈیوٹی دی گئی ہے؟اسے ۴۱/ اعزازات کیسے دیئے گئے جس میں ایک گولڈ بھی ہے؟ تیج بہادر اگرچہ حکومت کو کلین چٹ دے کر اس سے مدد کی اپیل کر رہا ہے مگر حکومت کو معصوم بھی نہیں گرداناجا سکتا، کیونکہ آرمی ہیڈ کوارٹر نے جو راشن مانگا تھا وزارت دفاع نے ۰۲۔۳۲ فیصد کم کر کے دیا ہے،یہ بھی سی آئی جی ہی کی رپورٹ ہے۔پھر مجرم کون ہے؟تیج بہادر یادو،بی ایس ایف کے سینئر افسران یا وزارت دفاع؟

 مجرم جو بھی ہو یہ فیصلہ بعد میں ہوگا،تاہم فوجی عہدیداران،وزارت دفاع اور دیگر ذمہ داران کو ٹھنڈے دل سے سوچنا چاہئے کہ یہی جوانان  دیش کے مخافظ ہیں،سرد و گرم،رطب و یابس کو سہہ کر سرحد کی،ملک کی،ہماری اور آپ کی حفاظت کے لئے ہمہ وقت اپنی خدمات انجام دے رہے ہیں؛اگر انہیں غیر معیاری کھانا کھانے کو دیا جائے گا، ان کا خیال بہتر طریقے سے نہیں رکھا جائے گا تو اس سے ان کا حوصلہ اور اعتماد ٹوٹے گا،جس سے ملک کی داخلی اور خارجی سلامتی خطرے میں بھی پڑ سکتی ہے۔              (ساحل آن لائن)
 

ایک نظر اس پر بھی

دوخبریں،دو کہانیاں اورالیکٹرانک مفکرین کی گل افشانیاں ....... آز: نایاب حسن

9؍مئی کوجمعیت علماے ہند(م)کی نمایندگی میں ایک وفد نے پی ایم مودی سے ملاقات کی،مودی وزیر اعظم ہیں تو ان سے ملناملانا کوئی انوکھامعاملہ نہیں ہونا چاہیے تھا،مگر بعض اسباب ایسے تھے کہ جن کی وجہ سے اس ملاقات پر سوالات اٹھنایقینی تھا۔ویسے سوالات کرناکوئی قابلِ اعتراض بات نہیں ہونا ...

بھٹکل کے سی سی ٹی وی کیمرے کیا صرف دکھاوے کےلئے ہیں ؟

شہر بھٹکل پرامن ، شانتی کا مرکز ہونے کے باوجود اس کو شدید حساس شہروں کی فہرست میں شمار کرتے ہوئے یہاں سخت حفاظتی اقدامات کی مانگ کی جاتی رہی ہے۔مندرنما ’’ناگ بنا ‘‘میں گوشت پھینکنا، شرپسندوں کے ہنگامے ، چوروں کی لوٹ مار جیسے جرائم میں اضافہ ہونے کے باوجود شہری عوام حفاظتی ...

بھٹکل شہر کے کامیاب تاجر محمد ابوبکر قمری کے جانشینوں کے خوابوں کی تعبیر ’’قمری ٹاور‘‘کا شاندار افتتاح

انسان کڑی محنت ،مخلصانہ کوششوں کے ذریعے اپنی بہتری اور ترقی کی طرف گامزن ہوتاہے تو فطرت بھی اس کا استقبال کرتی ہے اور وہ سب کچھ نوازتی جاتی ہے جس کی وہ تمنا کرتاہے۔ ایسی ہی ایک مثال بھٹکل کے مثالی تاجر محترم ابوبکر قمری ہیں۔ خلیج میں اپنی بہترین کمائی کو الوداع کہہ کرسال 1982میں ...

طلاق: مسلمانوں کا ایجنڈ ا کیا ہو؟ کنڑا ہفتہ وار’’ سنمارگہ‘‘ میں ایڈیٹر عبدالقادر کوکیلا کی تحریر

ملک بھر میں جاری طلاق کی بحث کا سدباب دوطریقوں سےکرسکتےہیں۔ پہلا یہ ہے کہ وزیر اعظم نریندر مودی کی قیادت والی مرکزی حکومت پر پورا الزام دھر کر خاموش ہوجائیں۔ دوسرا انہی موضوعات کو بنیاد مان کر مسلم ملت کی داخلی ترقی کے لئے حکمت عملی ترتیب دیں ۔ طلاق کے گرد گھومنے والی ٹی وی ...

بھٹکل میں آرام دہ اورجدید سہولیات سے آراستہ اپارٹمنٹس کا شاندار منصوبہ "اوشیانک"؛ پہلے 25 اپارٹمنٹس بُک کرنے والوں کو لکی ڈراء کے ذریعے انعامات

بھٹکل جالی روڈ پر آرام دہ اور جدید سہولیات سے آراستہ67 اپارٹمنٹس کا شانداررہائشی منصوبہ "اوشیانک Oceanic" لانچ کیا گیا ہے۔ جو کہ خاص کر بزنس مین، این آر آئیز اور ایکزیکٹیو کلاس کے افراد کے لئے نہایت ہی موزوں سمجھا جارہا ہے ۔یہ اپارٹمنٹس ان لوگوں کے لئے کشش کا سبب بنے گاجو اعلیٰ ...