بی جے پی قیادت سے ناراض یڈیورپا کیرلا روانہ

Source: S.O. News Service | By Shahid Mukhtesar | Published on 30th November 2018, 11:42 PM | ریاستی خبریں | ان خبروں کو پڑھنا مت بھولئے |

بنگلورو،30؍نومبر(ایس او نیوز) ریاستی حکومت کو کمزور کرنے اور آپریشن کمل کے ذریعے اسے گرانے کے متعلق متعدد کوششوں کے ناکام ہوجانے کے بعد بی جے پی کے حوصلے جہاں پہلے ہی پست ہوگئے تھے حالیہ ضمنی انتخابات میں پارٹی کی غیر متوقع ناکامی نے ان پست حوصلوں کو اور بھی توڑ دیا جس کی وجہ سے پارٹی کے مختلف حلقوں میں پارٹی کی ریاستی قیادت یڈیورپا کی بجائے کسی اور کو سونپنے کی قیاس آرائیوں نے بھی زور پکڑ لیا۔

اس دوران حالانکہ بی جے پی کی مرکزی قیادت نے یہ واضح کردیا کہ یڈیورپا کو ریاستی بی جے پی صدارت سے ہٹایا نہیں جائے گا لیکن اس کے باوجود پارٹی کا ایک بڑا حلقہ جو آر ایس ایس کا وفادار مانا جاتا ہے، اس نے ریاست کی قیادت کی تبدیلی پر شدت کے ساتھ زور دینے کا سلسلہ آگے بڑھایا اور یڈیورپا کی بجائے پارٹی کی ریاستی صدارت لنگایت فرقے سے ہی وابستہ سابق وزیراعلیٰ جگدیش شٹر یا پھر بی جے پی کے قومی تنظیمی سکریٹری اور آر ایس ایس سے قریبی روابط رکھنے والے سنتوش کو سونپنے کی باتیں ہورہی ہیں۔

اس دوران ضمنی انتخابات میں بی جے پی کو یہ امید تھی کہ بلاری اور جمکھنڈی پارلیمانی حلقوں میں پارٹی جیت ضرورہوگی، لیکن ان توقعات پر کانگریس اور جے ڈی ایس اتحاد نے جب پانی پھیر دیاتو اس کی چوٹ بی جے پی کو زبردست لگی ، ساتھ ہی یڈیورپا کو ذاتی طور پر دھچکا اس وقت لگا جب شیموگہ پارلیمانی حلقے سے ان کے فرزند بی وائی راگھویندرا کو جیت بہت معمولی فرق سے ملی ۔ 2014 کے لوک سبھا انتخابات میں یڈیورپانے شیموگہ کی سیٹ 4.5لاکھ ووٹوں سے جیتی تھی، جبکہ راگھویندرا کو اس بار کانگریس جے ڈی ایس اتحاد کے امیدوار مدھو بنگارپا نے لوہے کے چنے چبا دئے اور انہیں جیت صرف 50ہزار ووٹوں سے ملی۔ ان تمام حقائق کی بنیاد پر بی جے پی میں یڈیورپا کے خلاف ایک مضبوط محاذ تیار ہوچکا ہے۔ بتایاجاتاہے کہ پارٹی قیادت سے یڈیورپا اس قدر ناراض ہیں کہ منگلور میں آر ایس ایس کے ساتھ تبادلۂ خیال کے لئے پارٹی کے قومی صدر امت شاہ کی آمدپر یڈیورپا میٹنگ میں حاضر نہیں ہوئے، ان تمام حالات کو دیکھتے ہوئے یڈیورپا نے طے کیا ہے کہ ایک ہفتے سے زیادہ مدت کے لئے وہ ریاست سے باہر رہیں گے۔

کیرلا کے کوٹاکل میں نیچورو پتی کے لئے یڈیورپا آج روانہ ہوگئے۔ یڈیورپا کا شمار ریاست کے مصروف سیاست دانوں میں کیا جاتا ہے۔ اس قدر ہنگامہ آرائی کے باوجود ریاست میں رہ کر اپوزیشن لیڈر کا رول اداکرنے کی بجائے کیرلا روانہ ہونے یڈیورپا کے فیصلے نے کئی شکوک وشبہات پیدا کردئے ہیں ، اس کے علاوہ گزشتہ روز ریاستی وزیر اور کانگریس کے سب سے طاقتور سیاست دان ڈی کے شیوکمار سے یڈیورپا کی ملاقات نے بھی کئی قیادت آرائیوں کو ہوا دی ہے۔ کیرلا جانے یڈیورپاکے فیصلے سے ریاستی بی جے پی قیادت کا ایک بہت بڑا حلقہ بھی حیران ہے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...