مئیر کے امیدوار گنگامبیکے ملیکارجن کو ایڈی یورپا کی حمایت؟
بنگلورو یکم اکتوبر (ایس او نیوز) شہرمیں مئیرکے انتخاب کے لیے سیاسی رسہ کشی کے باوجودریاستی بی جے پی نے مبینہ خفیہ طو ر پر کانگریس کی میئر امیدوار گنگامبیکے کی حمایت کی۔ ذرائع نے دعویٰ کیا کہ وہ ویرا شیوا کی امیدوار ہیں اور پورے طبقے نے ان کی حمایت کی۔اگر ذرائع پر بھروسہ کیا جائے توریاستی بی جے پی کے صدر بی ایس ایڈی یورپا نے جو خود بھی ویر ا شیوا لنگایت ہیں ان کے پاس مسز ملیکارجن کی حمایت کرنے کے سوا کوئی چارہ نہیں تھا، اس لیے کہ طبقے کے تمام گروا ور اکھیلا بھارت ویرا شیوا مہا سبھا کے صدر شامنور شیو شنکرپا نے اپنا جھکاؤ اس جانب کیا تھا۔’’ گنگامبیکے کو ہرانے کی کوئی کوشش اس طبقے پر قہر لا سکتی تھی۔ اس لیے ایڈی یورپا نے احتیاط سے کھیل کھیلا۔‘‘ذرائع نے دعویٰ کیا کہ یہ دعویٰ کرتے ہوئے کہ انتخاب سے پہلے کارپوریٹر گم ہیں اورجو قانونی معاملے اٹھائے گئے وہ محض عوام کے دکھاوے کے لیے تھے۔جب انتخاب سے 24گھنٹے پہلے دو آازاد امیدوار گم ہوگئے۔کانگریس نے بی جے پی اور اس کے آپریشن کنول پر الزام لگایا۔پھر جمعہ کی صبح کو بی جے پی لیڈروں نے میئر کے انتخاب کو غیر قانونی بتایااس لیے کہ کرناٹکا ہائی کورٹ میں ایک مقدمہ زیر التوا ہے جس میں کانگریس کے کچھ امیدواروں کے بنگلورو اور ان کے آبائی مقام کی ووٹر فہرست میں نام ہونے کو چیلنج کیا گیا ہے۔اس پر احتجاج کرتے ہوئے بی جے پی کونسل میں ووٹ کئے بغیر واک آؤٹ کر گئی۔ لیکن اس سے گنگامبیکے اوررمیلا اوما شنکر کو میئر اور ڈپٹی میئر بننے کی راہ ہموا ر ہوئی۔ذرائع نے کہا کہ اگر وہ انتخاب روکنے سنجیدہ ہوتے تو اس انتخاب سے ایک دو ہفتے پہلے عدالت سے رجوع ہو سکتے تھے۔انہوں نے استدلال کیا کہ بی جے پی نے انتخاب روکنے صرف نیم دلانہ کوشش کی اورایک ویرا شیوالنگایت امیدوار کو میئر بنانے کا اپنا مقصد حاصل کرلیا۔