ہبلی 13؍ستمبر(ایس او نیوز) ہبلی کے بینگیری نامی علاقے میں پتھر سے سر کچل کر ایک اجنبی شخص کو ہلاک کردیا گیا ہے۔بتایا جاتا ہے کہ ہلاک ہونے والے شخص کی عمر35سے 40 سال کے آس پاس ہے۔ 

قتل کی واردات کے متعلق جانکاری ملنے پر کیشوا پورپولیس اسٹیشن کے عملے نے موقع پر پہنچ کر معائنہ کیا ۔ تحقیقات کے لئے ڈاگ اسکواڈ کو طلب کیا گیا ۔ مہلوک شخص کے پاس کوئی بھی ایسی چیز دستیاب نہیں ہوئی ہے جس سے اس کی پہچان معلوم ہوسکے۔ پولیس مزیدتفتیش کررہی ہے۔