برازیل ڈیم حادثہ: تاحال 34 ہلاکتوں کی تصدیق، 250 افراد کی تلاش کا کام جاری

Source: S.O. News Service | By Shahid Mukhtesar | Published on 27th January 2019, 12:13 PM | عالمی خبریں |

رازیلیا،27؍جنوری (ایس او نیوز؍ایجنسی) برازیل میں ڈیم ٹوٹنے سے تباہی کے بعد 34 افراد کی موت کی تصدیق کر دی گئی ہے، پانی کے ریلے میں بہنے والے افراد کی تلاش کا کام جاری ہے، 350 افراد کو بچا لیا گیا، جبکہ 23 افراد اسپتال میں زیر علاج ہیں۔

غیر ملکی میڈیا کے مطابق برازیل کے جنوب مشرقی علاقے میں ڈیم ٹوٹنے کا حادثہ جمعہ کو پیش آیا تھا۔ ڈیم کے اطراف کی عمارتیں، گاڑیاں اور سڑکیں ڈیم سے نکلنے والے پانی اور کیچڑ سے بھر گئیں۔ لاپتہ ہونے والے افراد میں ڈیم کے نزدیک کان میں کام کرنے والے کان کن شامل ہیں، امدادی کارروائیوں کے لئے فوج اور ہیلی کاپٹرز کی مدد لی جا رہی ہے۔

محکمہ فائر سے وابستہ مناس گیریس نے بی بی سی کو بتایا کہ ’’کم از کم 366 افراد کو محفوظ نکال لیا گیا ہے جس میں سے 23 کو اسپتال پہنچایا گیا ہے۔‘‘ انہوں نے کہا کہ کم از کم 252 افراد کی تلاش کی جا رہی ہے۔ متاثرین میں سے تاحل 8 کی شناخت کر لی گئی ہے۔

میڈیا رپورٹ کے مطابق جائے حادثہ پر تلاشی مہم چلائی جا رہی ہے لیکن ہر ایک جگہ پر مہم چلانے میں دشواریوں کا سامنا ہے۔ بتایا جا رہا ہے کہ ہلاک ہونے والے لوگوں کی لاشیں کیچڑ اور مٹی کی موٹی پرت کے نیچے دب گئی ہیں۔

کارکنان کو لے جانے والی ایک بس بھی تاحال لاپتہ بتائی جا رہی ہے، یہ بھی واضح نہیں ہو پا رہا ہے کہ اس میں کتنے افراد سوار تھے۔ حالانکہ ایک پک اپ ٹرک میں پھنس جانے والے تین افراد کو زندہ باہر نکال لیا گیا ہے۔

برازیل کے صدر بولسینارو نے ہفتہ کے روز جائے حادثہ کا ہیلی کاپٹر کے ذریعہ فضائی معائنہ کیا تھا۔ انہوں نے ٹوئٹ کیا، ’’اتنے بڑے پیمانے پر تباہی کے مناظر دیکھنے کے بعد میں جذباتی ہونے سے خود کو نہیں روک پا رہوا ہوں۔‘‘ انہوں نے کہا کہ اسرائیل نے مٹی میں دب جانے والے لوگوں کو تلاش کرنے کے لئے ساز و سامان دینے کی پیشکش کی تھی، جسے قبول کر لیا گیا ہے۔

ایک نظر اس پر بھی

نوازشریف کو کچھ ہوا تو عمران ذمہ دار ہوں گے :شہباز

پنجاب اسمبلی میں قائد حزب اختلاف حمزہ شہباز نے کہا ہے کہ حکومت نواز شریف کی صحت سے متعلق بے حسی کا مظاہرہ کر رہی ہے اوراہل خانہ کو انکی صحت سے متعلق کچھ آگاہ نہیں کیا جا رہا، نواز شریف کو کچھ ہوا تو ذمہ دار وزیراعظم ہوں گے،نیازی صاحب نے وعدہ کیا تھا کہ ہم نئے صوبہ بنائیں گے، ...

وینزویلا:حکومت کے حامی اور مخالفین سڑکوں پر

وینزویلا کے دارالحکومت کارکاس میں حکومت کے حامی اور مخالفین سڑکوں پر نکل آئے۔ایک طرف صدر مادورو کی اپیل پر ہاتھوں میں وینزویلا کے پرچم لئے مظاہرین سڑکوں پر تھے تو دوسری طرف حزب اختلاف کے لیڈر ہوان گوآئیڈو کے حامی۔مادورو کے حامی شاویز کے انقلابِ بولیوار کی 20 ویں سالانہ یاد کے ...

2014 کے لوک سبھا انتخابات میں تمام ای وی ایم ہیک کئے گئے تھے: امریکن سائبر ایکسپرٹ کا دعویٰ؛ کیا ای وی ایم نے بی جے پی کو اقتدار دلایا ؟

 امریکہ میں مقیم ایک سائبر ماہر سید شجاع نے دعویٰ کیا ہے کہ   ہندستان میں    سال 2014میں ہوئےعام انتخابات میں استعمال کی گئی  الیکٹرونک ووٹنگ مشین (ای وی ایم) کو  ہیک کیا گیا تھا۔ 543 سیٹوں والے اس الیکشن میں بی جے پی کو282 سیٹوں پر شاندار کامیابی حاصل ہوئی تھی اور سن 1984 کے بعد پہلی ...

بنگلہ دیش انتخابات میں شیخ حسینہ کامیاب، اپوزیشن نے نتائج ماننے سے کیا انکار

خبر رساں اداروں کے مطابق بنگلہ دیشی وزیر اعظم شیخ حسینہ واجد کی حکمران جماعت عوامی لیگ نے اتوار 30 دسمبر کو ہونے والے عام انتخابات میں اپوزیشن کے مقابلے میں بڑی برتری حاصل کر لی ہے اور حتمی نتائج میں عوامی لیگ کو کل 350 نشستوں میں سے 281 نشستوں پر کامیابی حاصل ہوئی ہے۔

ایرانی حکومت ٹوئٹراستعمال کر رہی ہے مگر عوام کے لیے ممنوع ہے : امریکی سفیر

جرمنی میں امریکی سفیر رچرڈ گرینل کا کہنا ہے کہ ایرانی حکومت خود ٹویٹر کا استعمال کر رہی ہے مگر عوام کے لیے اس کا استعمال روکا ہوا ہے۔ انہوں نے یہ بات ایرانی پارلیمنٹ کے اسپیکر علی لاریجانی سے منسوب ٹویٹر اکاؤنٹ کھولے جانے پر تبصرہ کرتے ہوئے کہی۔اگرچہ ایرانی میڈیا نے مذکورہ ...