برٹیش ڈپٹی ہائی کمشنر ڈومنیک میک الیسٹر کی بھٹکل آمد؛ علی پبلک اسکول سمیت دیگر اداروں کا دورہ

Source: S.O. News Service | By I.G. Bhatkali | Published on 29th January 2019, 7:31 PM | ساحلی خبریں | ان خبروں کو پڑھنا مت بھولئے |

بھٹکل 29جنوری (ایس او نیوز) بنگلور سے برٹیش ڈپٹی ہائی کمشنر مسٹر ڈومنیک میک الیسٹر نے آج منگل کو بھٹکل کے تعلیمی اداروں کا دورہ کرتے ہوئے بھٹکل میں تعلیمی معیار کو بہتر کرنے اوریونائیٹیڈ کنگڈم  کی جانب سے یہاں کے طلبا کو ہرممکن تعاؤن فراہم کرنے کے تعلق سے اداروں کے ذمہ داران سے بات چیت کی انہوں نے کہا کہ تعلیمی معیار کو بڑھانے کے لئے وہ لندن سے خصوصی ماہرین کی ٹیم کو بھٹکل بلاکر یہاں کے ٹیچروں کو ٹریننگ فراہم کرواسکتے ہیں۔

ڈومنیک میک الیسٹرکے تعلق سے بتایا گیا ہے کہ وہ ہندوستان اور یونائیٹیڈ کنگڈم کے درمیان تعلقات کو مضبوط اور استوار کرنے اور دونوں حکومتوں اور عوام کے آپسی تعاون سے خوشحالی ، کامیابی اور ترقیاتی کاموں کو فروغ دینے کے لئے کوشاں ہیں۔برٹیش شہری ڈومنیک اس سے قبل 25 سالوں تک یوگوسلاویہ، مصر، سعودی عربیہ، تائیوان، وینزویلااور جنوبی کوریا میں دولت مشترکہ دفتر میں ڈپلومیٹ کے طور پر اپنی خدمات انجام دے چکے ہیں۔اب وہ بنگلور میں برٹیش ڈپٹی ہائی کمشنر کے عہدہ پر فائز ہیں۔

ذرائع سے ملی اطلاع کے مطابق ڈومنیک بنگلور سے ہبلی کسی پروگرام میں شریک ہونے پہنچے تھے، انہوں نے کل پیر کو ہبلی اور سرسی میں کئی تعلیمی اداروں کا دورہ کیا اور وہاں کی تعلیمی صورتحال کا جائرہ لینے کے بعد رات کو مرڈیشورپہنچ کر آر این ایس ریسارٹ میں قیام کیا۔آج صبح وہ بھٹکل میں علی پبلک اسکول کا دورہ کرتے ہوئے بچوں سے ملاقات کی۔ اسکول میں ان کی آمد پر خصوصی پروگرام ترتیب دیا گیا اور ڈومنیک کو پورے اہتمام کے ساتھ اسکواڈ فراہم کرتے ہوئے بچوں نے استقبال کیا۔ اسکول کے روح رواں مولانا الیاس جاکٹی ندوی نے اس موقع پر اسکول کا تعارف پیش کیا، جس کے بعد مسٹر ڈومنیک نے اسکولی بچوں سے مخاطب ہوتے ہوئے بچوں کو اعلیٰ سے اعلیٰ تعلیم حاصل کرنے کا مشورہ دیا۔ اس موقع پر بچوں نے بھی انگریزی میں مسٹر ڈومنیک سے سوالات کئے اور  اُن سے رائے اور تجاویز طلب کیں۔

مسٹر ڈومنیک نے بعد میں مولانا الیاس جاکٹی ندوی سے اسکول میں بین المدارس پروگراموں کو منعقد کروانے سمیت تعلیمی معیار بڑھانے کے تعلق سے گفتگو کی اور کہا کہ اس تعلق سے برٹیش حکومت کی جانب سے وہ ہرممکن تعاون فراہم کرسکتے ہیں، انہوں نے کہا کہ تعلیمی معیار بڑھانے کے لئے یہاں کے ٹیچروں کو ٹریننگ دی جاسکتی ہے اس کے لئے ہم لندن سے ماہر ٹیچروں کو یہاں بلواسکتے ہیں۔اسی طرح بچوں کی قابلیت اور اُن کی ذہانت کو آزمانے کے لئے اُنہیں لندن لے جانے میں تعاون کرسکتے ہیں۔ مسٹر ڈومنیک یہاں سے مولانا ابوالحسن ندوی اسلامک اکیڈمی پہنچ کر قران میوزیم کا معائنہ کیا، انہوں نے اسلامیات کے کتابوں کا بھی جائزہ لیا، اس موقع پر مولانا الیاس جاکٹی ندوی نے اسلامیات کے کتابوں کو یونائیٹید کنگڈم کے تعلیمی اداروں کے نصاب میں داخل کئے جانے کے بارے میں بات کی اور اس تعلق سے مولانا نے اُنہیں ایک درخواست نامہ بھی دیا۔ مسٹر ڈومنیک نے بھٹکل میں ہونے والے غیر مسلموں کے ساتھ گیٹ ٹو گیدر پروگراموں کے انعقاد پر خوشی کا اظہار کیااور اس طرح کے پروگراموں کو بار بار منعقد کرائے جانے کا مشورہ دیا۔

اکیڈمی کے بعد مسٹر ڈومنیک نے ساحلی کرناٹکا کے سب سے بڑے دینی درسگاہ جامعہ اسلامیہ کا دورہ کیا اور یہاں کی تعلیمی صورتحال کا جائزہ لیا، جامعہ میں ان کی آمد پر فوری طور پر جلسہ کا اہتمام کیا گیا اور مہمان کے سامنے جامعہ کا مکمل تعارف پیش کیا گیا۔ اس موقع پر خطاب کرتے ہوئے مولانا الیاس جاکٹی ندوی نے مسٹر ڈومنیک میک السٹر کو اسلام قبول کرنے کی  دعوت دی اور بتایا کہ آج جس طرح ہم یہاں خوشی خوشی ساتھ ساتھ بیٹھ کر باتیں کررہے ہیں، اسلام قبول کرنے کی صورت میں کل جنت میں بھی ہم ساتھ ساتھ ہوں گے۔مولانا نے اُنہیں اسلام کا مکمل تعارف پیش کرنے کے ساتھ ساتھ اسلامی  لٹریچرس بھی پیش کئے۔

 ڈومنیک میک السٹر نے پھر انجمن انجینرنگ کالج کا دورہ کیا ، جہاں انجمن کے جنرل سکریٹری صدیق اسماعیل سمیت سکریٹری محمد محسن شاہ بندری نے انجمن کا تعارف پیش کرتے ہوئے انجینرنگ کالج کے تعلق سے تفصیل سے گفتگو کی۔ مسٹر ڈومنیک نے انجمن کے ذمہ داران سے بھی تعلیمی معیار کو بڑھانے کے تعلق سے برٹیش حکومت کی جانب سے ہرممکن تعاؤن فراہم کئے جانے کا یقین دلایا، اسی طرح انجمن انجینرنگ کالج سے فارغ ہونے والے طلبا کے لئے برٹیش کمپنیوں میں ملازمت کے مواقع فراہم کرنے کے تعلق سے بھی تعاؤن دینے کا یقین دلایا۔

آخر میں اخبار نویسوں سے گفتگو کرتے ہوئے مسٹر ڈومنیک نے بتایا کہ بھٹکل کے تعلق سے اُن کے اندر کافی غلط فمہیاں تھی، مگر یہاں آنے اور یہاں کے لوگوں کے سے ملنے کے بعد وہ غلط فہمیاں دور ہوگئیں، ڈومنیک نے بتایا کہ بھٹکل اور یہاں کے لوگ بے حد ملنسار اور اچھے لوگ ہیں، یہاں ترقیاتی کام کرنے کے بھی کافی اچھے مواقع ہیں انہوں نے لیڈران کو مشورہ دیا کہ وہ بھٹکل کی صحیح تصویر لوگوں کے سامنے پیش کرنے اور لوگوں کے اندر پھیلی غلط فہمیوں کو دور کرنے کی کوشش کریں۔ مولانا الیاس جاکٹی ندوی کی رہائش گھر پر دوپہر کی ضیافت کے بعد مسٹر ڈومنیک منی پال کے لئے روانہ ہوئے۔

ایک نظر اس پر بھی

سرسی اور اطراف میں سرگرم ہے لاولد جوڑوں کو اولاد ہونے کی دوائی کے نام پر دھوکہ دینے والا گروہ ۔ عوام رہیں ہوشیار!

پچھلے تین چار مہینوں سے سرسی ، سداپور اور اس کے اطراف میں ایک گروہ سرگرم ہے جو لاولد جوڑوں کو اولاد ہونے کا یقین دلاکر دوائیاں فروخت کررہا ہے اوربھاری رقم وصول کررہا ہے ، جب کہ دوائیوں کاکوئی مثبت اثر نہیں ہوتا۔

گوکرن میں سیاحوں کو یومیہ کرایہ پر اسکوٹر دینا مالکان کو پڑ گیا مہنگا؛ پولس نے کیا 25 اسکوٹر ضبط

کرایہ پر اسکوٹی بائکس سیاحوں کو دینا اب گوکر ن والوں کو مہنگا پڑ گیا؛ پولس نے بغیر لائسنس اسکوٹی کو کرائے پر دینے کا الزام لگاتے ہوئے قریب ۲۵ اسکوٹی کو ضبط کرلیا ہے اور مالکان پر معاملہ درج کرلیا ہے۔

کنداپورمیں آئس کریم کھانے سے 30بچے بیمار؛ بڑی عمر کی خواتین بھی متاثر

یہاں پیش آئے ایک المناک واقعے میں بیلوے، ہینگاولی اور ٹومبیٹو نامی علاقے میں تقریباً 30بچے آدھی رات کو غذائی سمیت (ٖفوڈ پوئزننگ)   کا شکار ہوگئے جس سے انہیں قئے شروع ہوگئی اور طبیعت بگڑنے لگی تو پہلے انہیں بیلوے کے سرکاری اسپتال میں داخل کیاگیا اور پھر صبح میں کئی بچوں کو نجی ...

ڈانڈیلی کی صادقہ انجم نے ایم ٹیک میں حاصل کی شاندارکامیابی؛  یونیورسٹی لیول پر دوسرا رینک : اردو میڈیم طالبہ کی بہترین کارکردگی پرخوشی کی لہر

ڈانڈیلی کی صادقہ انجم بدرالزماں  ڈاونگیرہ کی یو بی ڈی ٹی کالج آف انجنئیرنگ کی طالبہ وشویشوریا ٹکنکل یونیورسٹی بلگام کی طرف سے منعقدہ ایم ٹیک امتحانات میں یونیورسٹی پر دوسرا اور کالج کی سطح پرپہلا رینک حاصل کرنےپر تعلیمی ماحول میں خوشی ومسرت کی لہر دوڑی ہے۔

سرسی اور اطراف میں سرگرم ہے لاولد جوڑوں کو اولاد ہونے کی دوائی کے نام پر دھوکہ دینے والا گروہ ۔ عوام رہیں ہوشیار!

پچھلے تین چار مہینوں سے سرسی ، سداپور اور اس کے اطراف میں ایک گروہ سرگرم ہے جو لاولد جوڑوں کو اولاد ہونے کا یقین دلاکر دوائیاں فروخت کررہا ہے اوربھاری رقم وصول کررہا ہے ، جب کہ دوائیوں کاکوئی مثبت اثر نہیں ہوتا۔

اننت کمار ہیگڈے نے کہا، بی جےپی اب سب کی مجبوری ہے : مخالف پارٹی امیدوار پر لگایا پارٹی فنڈ کے لئے الیکشن لڑنے کا الزام

اترکنڑا ضلع میں مخالف پارٹیوں کے امیدوار لوک سبھا انتخابات میں جیت حاصل کرنے کے لئے نہیں بلکہ پارٹی فنڈ لے کر گھر جانے کے لئے الیکشن لڑنے کی بات کہتے ہوئے اترکنڑا بی جے پی امیدوار  اننت کمار ہیگڈے نے اڑنگا لگایا۔

ایس ایس ایل سی امتحانات؛ میتھس امتحان میں بھٹکل کے 13 سمیت کاروار تعلیمی ضلع کے 206 طلبا غیر حاضر

20 مارچ سے ریاست کرناٹک میں ایس ایس ایل سی امتحانات جاری ہیں، پہلے دن اولین زبان (فرسٹ لنگویج) امتحان میں تعلیمی ضلع کاروار کے جملہ 170 طلبا غیر حاضر رہے تھے، جبکہ آج پیر کو منعقدہ  حساب (میتھس) امتحان میں  ضلع بھر سے جملہ 206 طلبا غیر حاضر رہے ہیں۔ اس بات کی اطلاع  کاروار کے ضلعی ...

سپنا چودھری کا کانگریس میں شامل ہونے سے صاف انکار؛ پریس کانفرنس کے فوری بعد بی جے پی لیڈر کے ساتھ فوٹو وائرل

ہریانہ کی  مشہورڈانسرسپنا چودھری نے اتوار کو کانگریس میں شامل ہونے کی بات کی سختی کے ساتھ تردید کی تھی اور کہا تھا کہ اُس نے کانگریس میں شمولیت اختیار نہیں کی ہے، انہوں نے یہ بھی بتایا تھا کہ فی الحال ان کا کسی بھی پارٹی میں شامل ہونے کا ارادہ نہیں ہے، مگر پریس کانفرنس کے فوری ...